பெண்களை பாதிக்கும் கருப்பை நீர்க்கட்டி: இந்த அறிகுறியை அலட்சியப்படுத்தாதீங்க

PCOD என்று அழைக்கப்படும் சினைப்பை நீர் கட்டி பெண்களின் முக்கிய பிரச்சனையாக இருந்து வரும் நிலையில், இதனைக் குறித்து விரிவாக தற்போது தெரிந்து கொள்ளலாம்.  

சினைப்பை நீர் கட்டி

இன்றைய காலத்தில் பெரும்பாலான பெண்களின் முக்கிய பிரச்சினையாக மாறி வருகின்றது சினைப்பை நீர் கட்டி(Poly Cystic Ovarian Disease).

இந்த PCOD பிரச்சினையினால் திருமணமாகி பல ஆண்டுகள் ஆகியும் சில பெண்கள் கருத்தரிக்க முடியாத நிலைக்கு தள்ளப்பட்டுள்ளனர். இந்த பிரச்சனைக் குறித்து விரிவாக தற்போது தெரிந்து கொள்ளலாம்.

இந்த உணவுகளை சாப்பிடுங்க! கட்டுக்கோப்பான உடல் டயட் இல்லாமல் கிடைக்கும்

அறிகுறிகள் என்ன?

குழந்தையின்மை: சூலகத்தில் சிறு சிறு நீர் கட்டிகள் பரவலாக காணப்படுவதால் சினை முட்டை முதிர்ச்சி அடைந்து வெளிவருவது தடைபடுகிறது. இதனால் பெண்கள் கருத்தரிப்பதில் சிரமங்கள் ஏற்படுகிறது.

ஹார்மோன் குறைபாடு: சூலக நீர்க்கட்டிகளை உடைய பெண்களுக்கு ஆண் தன்மை ஹார்மோன் அதிகமாக சுரக்கிறது.

ஒழுங்கற்ற மாதவிடாய்: சூலக நீர்க்கட்டிகள் உடைய பெண்களுக்கு மாதவிடாய் சுழற்சி சரியாக வராது. 2 - 3 மாதங்களுக்கு ஒருமுறை மாதவிடாய் சுழற்சி வரும். சிலருக்கு இரத்தப் போக்கு குறைவாக இருக்கும். சிலருக்கு மிகுதியாக இருக்கும்.

கோடைக்காலத்தில் ஏன் பசலைக்கீரை அவசியம்? இவ்வளவு நன்மைகள் இருக்கா!

முகத்தில் முடி வளர்தல்: ஆண்மைத் தன்மை பெண்களுக்கு ஏற்படுவதால் ஆண்களைப் போல இவர்களுக்கு லேசாக முகத்தில் (மேலுதடு, கீழ்தாடை) முடி வளர ஆரம்பிக்கிறது. உடலிலும் (மார்பு, முதுகு, அடிவயிறு, தொடை, கைகளில்) முடி வளரலாம்.

எடை அதிகரித்தல்: மாதவிடாய் தள்ளிப் போவதால் உடல் எடை அதிகரிக்கிறது. முகப்பருவும் ஏற்படும்.

நிற மாற்றம்: உடலில் சில இடங்களில் (கழுத்து, தொடையின் உட்பகுதி, அக்குள் பகுதி) கருமை நிறம் அதிகரித்து காணும். இந்த அறிகுறிகள் பாதிக்கப்பட்ட அனைத்து பெண்களுக்கும் இருக்கும் என்றில்லை.

கருப்பை நீர் கட்டி வருவதற்கு என்ன காரணம்?

மாதவிடாய் சுழற்சி சீராக இல்லாமல் தாமதமாக வெளியேறும் பிரச்சனை ஏற்பட்டால், சினைப்பையில் ஹார்மோன் குறைவு ஏற்படுகின்றது. இதனால் மாதவிடாயிலும் தாமதம் ஏற்படுகின்றது.

மாதம் ஒரு சினை முட்டையை சினைப்பை விடுவிப்பது இயற்கையான நிகழ்வு. இந்நிகழ்வில் தடை ஏற்படும் போது சினைப்பையில் சிறு, சிறு, நீர் கட்டி தோன்றி விடுகின்றன.  

சினைப்பை நீர்கட்டி என்பது நோயல்ல, குறைபாடுதான் சினைமுட்டைகள் வெளிவராத காரணத்தால் உண்டாகும். இந்த பிரச்சனை பல்வேறு வயதிலுள்ள பெண்களை பாதிக்கும் நிலையில், வயதிற்கு ஏற்ப சிகிச்சை எடுத்துக் கொள்ளலாம்.

இவை பருவமடைந்த பெண்களுக்கு மட்டும் தான் வரும் என்று கூற முடியாது. யாருக்கு வேண்டுமானாலும் வர வாய்ப்புள்ளது. இந்த பிரச்சனைக்கான காரணத்தினை உறுதியாக கூற முடியாத நிலையில், மரபணு மூலமாக, பரம்பரையாக கூட வரலாம் என்று கூறப்படுகின்றது.

குறிப்பாக பெண்கள் கருத்தரிக்கும் காலத்தில் தான் இந்த சினைப்பை நீர் கட்டி வெளியே தெரியவரும். ஹார்மோன் ஏற்றத்தாழ்வுகள், அட்ரீனல் காட்டிகல் ஹார்மோன் சுரப்பு அதிகரிப்பது, டெஸ்டோஸ்டிரோன் அதிகமாக சுரப்பது, புரோலாக்டின் அதிகரிப்பது தான் முக்கிய காரணங்களாக சொல்லப்படுகிறது.

நீங்கள் உறக்கும் தலையணை இவ்வளவு ஆபத்தானதா?

கருப்பை நீர்க்கட்டி பரிசோதனை என்ன?

ஸ்கேன் செய்வதன் மூலம் சினைப்பை நீர்க்கட்டிகளை உறுதிப்படுத்தலாம்.

ஹார்மோன்கள் சோதனை செய்வதன் மூலமும் கண்டறியலாம்.

ஆலோசனைகள்

உடல் எடையை குறைத்தல்

உடற்பயிற்சி, நடைபயிற்சி மேற்கொள்ளலாம்.   

உணவு கட்டுப்பாட்டு, அதிக கொழுப்பு மிக்க பால் பொருட்கள், சாக்லேட், ஐஸ்கிரீம், ஆட்டிறைச்சி, எண்ணெயில் பொரித்த பலகாரங்கள், இனிப்பு வகைகளை குறைத்துக் கொள்ள வேண்டும் தவிர்த்தல் நல்லது.

காய்கறி, கீரை இவற்றை அதிகம் சாப்பிட வேண்டும்.

புகைப்பிடிக்கும் பெண்களாக இருந்தால் அந்த பழக்கத்தை அறவே விடவேண்டும்.

10 மணி நேரத்துக்கு மேல் தூங்குறீங்களா? இந்த நோயாக கூட இருக்கலாம் உஷார்

மருத்துவரை எப்போது சந்திக்க வேண்டும்?

14 வயதாகியும் மாதவிலக்கு ஆரம்பிக்கவில்லை.

 ஒரு வருடத்தில் 8 க்கும் குறைவான மாதவிடாய்.

மார்பு, முகத்தில் முடிவளர்தல், முகத்தில் அதிகமாக பரு

உடல் எடை அதிகரிப்பு

கழுத்து மற்றும் அக்குள் தொடை பகுதிகளிலே கருமை நிறமாற்றம் காணப்பட்டால் உடனே மருத்துவரை சந்திக்கவும்

உணவு முறை என்ன?

விட்டமின்கள்: பெண்களின் கருமுட்டை உற்பத்திக்கு தேவைப்படும் சக்திகளில் முதன்மையானது விட்டமின் டி.

கருப்பை கோளாறுகள் வருவதற்கான காரணங்களில் 65 முதல் 85 சதவீதத்தினர் விட்டமின் டி குறைப்பட்டினால் தான் ஏற்படுகிறது. இதனால் விட்டமின் டி அதிகமுள்ள உணவுகளை எடுத்துக்கொள்ளலாம்.

குறிப்பாக காலை நேர வெயில்படுமாறு உங்களது நேரத்தினை மாற்றிக் கொள்ள வேண்டும். இப்படிச் செய்வதனால் உங்களது மெட்டபாலிசம் தூண்டப்பெற்று மாதவிடாய் பிரச்சனைகள் ஏற்படாமல் தடுக்குமாம்.

ஆப்பிள் சிடர் வினிகர்: ஒரு கிளாஸ் சூடான நீருடன் இரண்டு டீஸ்பூன் ஆப்பிள் சிடர் வினிகர் சேர்த்து குடிக்க வேண்டும்.

இதனை ஒரு நாளில் இரண்டு முதல் மூன்று முறை குடித்து வந்தால் நல்ல பலன் கிடைக்கும். இப்படிக் குடிப்பதனால் உடலில் இன்சுலின் அளவு சீராக இருக்கும். இதனால் கருமுட்டை உற்பத்தியாவதும் மாதந்தோறும் அது உடைவதும் சீராக நடைபெறும்.

தேங்காய் எண்ணெய்: சுத்தமான தேங்காய் எண்ணெய் மூலமாக கூட கருப்பை நீர்க்கட்டிகளை நம்மால் வராமல் தடுக்க முடியும்.

கடைகளில் பாக்கெட்டில் கிடைக்கும் தேங்காய் எண்ணெய் பயன்படுத்துவதை தவிர்க்கவும். ஏனெனில் இதில் கெமிக்கல் கலந்திருப்பதால் முழு பலன் கிடைக்காது என்று கூறப்படுகின்றது.

காகித கோப்பையில் தேனீர் குடித்தால் புற்றுநோய் அதிகரிக்குமா?

தினமும் ஒரு ஸ்பூன் தேங்காய் எண்ணெயை உணவுகளில் சேர்த்துக் கொள்ளுங்கள். இதில் ஃபேட்டி ஆசிட், ஆண்ட்டி ஆக்ஸிடண்ட் இருக்கிறது.

சீரான அளவில் இதனை எடுத்துக் கொண்டால் இன்சுலின் சுரப்பை சீராக வைத்திருக்கும். அதே போல கெட்டக் கொழுப்பு ரத்தத்தில் கலப்பதையும் தடுத்திடும்.

ஆமணக்கு எண்ணெய் : ஆமணக்கு எண்ணெயை லேசாக சூடு படுத்தி, சுத்தமான பருத்தித் துணியைக் கொண்டு எண்ணெயில் தொட்டு அடிவயிற்றில் ஒத்தடம் கொடுக்கவும். அவ்வாறு இல்லையெனில் வயிற்றில் குறித்த எண்ணெய்யை தடவி ஹாட்பேக் ஒத்தடம் கொடுக்கவும்.

பின்னர் வயிற்றை சுத்தமாக துடைத்துவிடுங்கள் வாரத்தில் மூன்று அல்லது நான்கு முறை இப்படிச் செய்யலாம். ஆமணக்கு எண்ணெய் சருமத்தில் ஊடுருவும் ஆற்றல் கொண்டது.

அதோடு உள்ளுறுப்புகளுக்கு ரத்த ஓட்டத்தை சீராக்குகிறது. இதனால் ஹார்மோன் மாற்றம், கருப்பை கோளாறுகள் ஏற்படாது.

க்ரீன் டீ : சூடான நீரில் க்ரீன் டீ மற்றும் தேன் கலந்து குடிக்கலாம். ஒரு நாளைக்கு இரண்டு முதல் மூன்று கப் க்ரீன் டீ வரை குடிக்கலாம். இதிலிருக்கும் ஆண்ட்டி ஆக்ஸிடண்ட்கள் கருப்பை சீராக வேளை செய்வதற்கான ஹார்மோன்களை தூண்டிடும்.

அதிக எடை கூட கருப்பை கோளாறுகள் வருவதற்கு எடை முக்கிய காரணமாக இருக்கிறது. க்ரீன் டீ குடிப்பதனால் கெட்ட கொழுப்புகள் உடலில் சேராமலும், அதீத உடல் எடையும் தவிர்க்கப்படுமாம்.

கற்றாழை : கற்றாலை ஜுஸ் காலை உணவுக்கு முன்பு சாப்பிட்டு வர வேண்டும். இதனை தினமும் கூட சாப்பிடலாம். கற்றாழையில் ரத்தத்தில் இருக்கும் கொலஸ்ட்ராலை நீக்கும் ஆற்றல் கொண்டது. அதோடு கருப்பை இயங்குவதற்கான ஆற்றலையும் கொடுக்கிறது.

மாதவிடாய் பிரச்சனையிருப்பவர்கள் இதனை தினமும் குடித்து வந்தால் நல்ல பலன் கிடைக்கும். அதோடு கருப்பை நீர்க்கட்டிகள் வராமல் தடுக்கவும் முடியும்.

நெல்லிக்காய் : ஒரு டம்ளர் நீருடன் அரை கப் நெல்லிச் சாறு கலந்து குடிக்க வேண்டும். உங்களுக்கு வேறு சில உடல் உபாதைகள் அல்லது செரிமானம் தொடர்பான பிரச்சனைகள் இருந்தால் மருத்துவ ஆலோசனை பெறுவது நல்லது.

நெல்லிக்காய் உடலில் புரோட்டீன்களின் அளவை அதிகரித்து, கொழுப்புக்களைக் குறைத்து, உடல் பருமனை தடுக்கும். நெல்லிக்காயில் ஆன்டி-ஆக்ஸிடன்ட்டுகள் அதிகம் உள்ளது.

முக்கியமாக இதில் சூப்பராக்ஸைடு டிஸ்முடேஸ் (SOD) என்னும் உட்பொருள் உள்ளது. இது ப்ரீ-ராடிக்கல்களிடமிருந்து பாதுகாப்பளித்து, புற்றுநோயில் இருந்து நம்மைத் தடுக்கும்.

நெல்லிக்காய் உடலில் உள்ள டாக்ஸின்களை முழுமையாக வெளியேற்றி, உடலையும், இரத்தத்தையும் சுத்தம் செய்யும். மேலும் நெல்லிக்காய் ஜுஸ் குடித்தால் இரத்தணுக்களின் அளவு அதிகரிக்கும்.

சீரகம் : தினமும் தண்ணீருடன் சிறிது சீரகத்தைப் போட்டு நன்கு கொதிக்க வைத்து 'சீரகக் குடிநீர்' தயார் செய்து வைத்துக் கொள்ளவும். இதை, நாள்முழுவதும், அவ்வப்போது பருகி வர, எந்தவித அஜீரணக் கோளாறுகளும் வராது.

நீர்மூலம் பரவும் நோய்களைத் தடுக்கலாம். பசி ருசியைத் தூண்டும். சீரகத்தில் இருக்கும் டாக்ஸின்கள் ரத்ததை சுத்தப்படுத்துகிறது, அதோடு உடலில் தேவையற்ற கொழுப்புகளை நீக்க உதவுகிறது.

வெந்தயம் : நம் உடலுக்கு தேவையான அனைத்து விதமான பயன்களும் வெந்தயத்தில் உள்ளது. வெந்தய விதைகளில் புரதம், சர்க்கரை, வைட்டமின், உலோகச்சத்து, அமினோ அமிலங்கள் ஆகியவை அடங்கியிருக்கின்றன.

வெந்தய இலைகளிலும், தண்டுகளிலும் கால்சியம், இரும்புச்சத்து நிறைந்துள்ளது. உடலுக்கு குளிர்ச்சி அளிப்பதுடன் உடலை சமநிலையில் வைக்கவும் வெந்தயம் பயன்படுகிறது.