நுரையீரலை அதிகமாக பாதிக்கும் காசநோயின் அறிகுறிகள் என்ன?,

 காற்றின் மூலம் மனிதர்களுக்கிடையில் தொற்றிக்கொள்ளும் நோய் தான் காச நோய். இது பாக்டீரியாவால் பரவி மனித உடலில் காணப்படும் நுரையீரல் பாகத்தை மிகவும் கொடூரமாக சிதைக்கிறது.

அடிக்கடி கை, கால் மரத்துபோவதற்கு என்ன காரணம்? தீர்க்கும் வழிமுறை

உலகளாவிய ரீதியில் காச நோயின் பரவல்

உலக சுகாதார அமைப்பின் படி உலகளாவிய காசநோய் அதிக தொற்று நோய் தொடர்பான இறப்பு விகிதத்தை ஏற்படுத்துகிறது. இது உலகளவில் இறப்புக்கான முக்கிய காரணங்களில் ஒன்பதாவது இடத்தில் உள்ளது என தெரிவித்துள்ளது.

இது 2016 ம் ஆண்டில் ஆண்டில் காசநோயால் பாதிக்கப்பட்டவர்களில் 90% பேர் பெரியவர்கள். 56% மக்கள் ஐந்து நாடுகளில் (இந்தியா, இந்தோனேசியா, சீனா, பிலிப்பைன்ஸ் மற்றும் பாகிஸ்தான்) வாழ்கின்றனர்.

2016 ஆம் ஆண்டில் 10.4 மில்லியன் மக்கள் காசநோயால் பாதிக்கப்பட்டுள்ளனர். இது மக்களிடையே காணப்படும் இருமல் மற்றும் தும்மலின் மூலம் பரவுகின்றது. காற்றில் வெளியிடப்படும் சிறிய நீர்த்துளிகள் மூலம் ஒருவரிடமிருந்து மற்றொருவருக்கு பரவுகிறது.

இந்த பாக்டீரியா பொதுவாக நுரையீரலை பாதிக்கிறது ஆனால் மூளை, சிறுநீரகம் அல்லது முதுகெலும்பு போன்ற உடலின் மற்ற பகுதிகளையும் இது பாதிக்கலாம் என மருத்துவர் மூலம் குறிப்பிட பட்டுள்ளது.

இது ஒருவருடைய உடலில் பரவியவுடன் செயலற்றதாக ஆகி விட்டால் நோயாளி இந்த நோய்கான அறிகுறிகளை அனுபவிக்காமல் இருப்பார். ஆனால் இது மிகவும் ஆபத்தானது. ஆளால் இது வயது சென்றதின் பின்னர் பிற்காலத்தில் வாட்டி வதைத்து எடுக்கும்.

இதற்காக காசநோய் இருக்கிறதா இல்லையா என்பதை ஒரு மருத்துவர் குறிப்பிட்ட பரிசோதனைகள் மூலம் உறுதிப்படுத்த முடியும். அறிகுறிகள் நபருக்கு நபர் வேறுபடலாம் மற்றும் தனிநபர்களில் வெளிப்படுத்தப்படும் அறிகுறிகளைப் பொறுத்து காசநோய்கள் மறைந்த மற்றும் செயலில் உள்ளவை என பிரிக்கப்படுகின்றன.

உடலில் பாதிக்கப்படும் பாகங்கள்

இந்த நோய் பாக்டீரியாவால் ஏற்படும் ஒரு தொற்று நோயாகும். இது மைக்கோபாக்டீரியம் டியூபர்குலோசிஸ் டியூபர்கிள் பேசிலி என்றும் அழைக்கப்படுகிறது.இந்த நோய் பாதிக்கப்பட்ட ஒருவரிடம் இருந்து காற்றின் மூலம் வருகிறது.

மஞ்சள் காமாலை நோயின் அறிகுறிகள் என்ன? வராமல் தடுப்பது எப்படி?

இந்த பாக்டீரியாக்கள் உள் செல்லுலார் ஏரோபிக், மெதுவாக வளரும் ஒட்டுண்ணிகள் ஆகும். அவை ஒரு தனித்துவமான செல் சுவரைக் கொண்டுள்ளன, இது உடலின் பாதுகாப்பு வழிமுறைகளிலிருந்து பாதுகாக்கிறது.

இந்த நோயின் பாக்டீரியா முதன்மையாக நுரையீரலை பாதிக்கிறது.இது இரத்தம் அல்லது நிணநீர் அமைப்புகள் வழியாக சிறுநீரகங்கள் மற்றும் எலும்புகள் போன்ற பெரும்பாலான உறுப்புகளுக்கு பரவுகிறது. இந்த நோயால் பாதிக்கப்பட்டவர்களுக்கு நோய் எதிர்ப்பு பண்பு மிகக் குறைவாக காணப்படும்.

நோயின் அறிகுறிகள்

உடலில் மிக முக்கியமான பாகத்தில் இந்த தொற்று உண்டாகிறது. அதாவது நுரையீரல் தான் இந்த தொற்று உண்டாவதற்று 85% வாய்ப்பு உள்ளது. நாம் இரவில் உறங்கும் போது அதிக காற்றோட்டம் இருந்தும் உடல் நிலை வியர்த்து வடிதல் இந்த நோயின் முதல் அறிகுறி.

சளி இல்லாமல் அல்லது குறைவான சளியுடன் அதிக நாட்களாக உடலில் இருமல் தங்கி இருத்தல். அளவிற்கு அதிகமான உணவு எடுத்துக்கொண்டாலும் எடை இழப்பு அதிகமாக காணப்படும்.

ஹீமோப்டிசிஸ் (இரத்தம் தோய்ந்த சளியுடன் இருமல்), மூச்சுத் திணறல் ஏற்படும். காரணம் இல்லாமல் அடிக்கடி நெஞ்சு வலி வரும்.வீங்கிய நிணநீர் கணுக்கள் மற்றும் சோர்வு ஏற்படும்.வயதான நோயாளிகளில், நிமோனிடிஸ் (நுரையீரலில் உள்ள காற்றுப் பைகளை வீக்கப்படுத்தும் தொற்று) காணலாம்.

முதுகுத்தண்டில் வலி, முதுகு விறைப்பு மற்றும் பக்கவாதம் ஆகியவை அதிகமாக காணப்படும். இடுப்பு மற்றும் முழங்கால்கள் மற்றும் பெரும்பாலும் இது ஒற்றை மூட்டு வலி வரும். எந்த உணவையும் உண்யும் போது விழுங்குவதில் சிரமம் ஏற்படும்.

இது தவிர வயிற்று வலி, மாலப்சார்ப்ஷன், ஆறாத புண்கள், வயிற்றுப்போக்கு இரைப்பை குடல் டிபியில் காணப்படுகிறது.இது இதயத்தைச் சுற்றியுள்ள பகுதிகளை பாதிக்கலாம். இது இதயத்தைச் சுற்றி திரவம் குவிந்து வீக்கத்தை ஏற்படுத்தலாம்.

இந்த நிலை ஆபத்தானது மற்றும் மரணத்திற்கு வழிவகுக்கும். இது கார்டியாக் டம்போனேட் என்று அழைக்கப்படுகிறது.காசநோய் மூளைக்காய்ச்சலில் தொடர்ச்சியான தலைவலி, மன மாற்றங்கள் மற்றும் கோமா ஆகியவை காணப்படுகின்றன.

காசநோய் வருவதற்கான காரணி

பலவீனமான நோயெதிர்ப்பு சக்தி இருந்தால் இந்த நோய் பாதிப்பது அதிகம். இது குழந்தைகளையும் பாதிக்கலாம்.எச்.ஐ.வி தொற்று மற்றும் நீரிழிவு நோயாளிகளுக்கு இது வரும்.

போதைப்பொருள் துஷ்பிரயோகம் செய்பவர்கள் போன்றவர்களிடம் இருந்து இந்த பாக்டீரியா வெளிப்படுகிறது. மாற்று சிகிச்சை நோயாளிகளுக்கு இது வரும். இந்த நோயால் கீமோதெரபி போன்ற நோயெதிர்ப்புத் தடுப்பு சிகிச்சைக்கு உட்பட்டவர்கள் பாதிக்கப்படுகின்றனர்.

உங்ககிட்ட இந்த மருந்துவில்லைகள் இருந்தால் உடனே தூக்கி போடுங்க- 156 மருந்துகளுக்கு அரசு தடை

ஊட்டச்சத்து குறைபாடு மற்றும் சிலிக்கோசிஸ் குறைபாடு இருந்தால் வரும்.முடக்கு வாதம், தடிப்புத் தோல் அழற்சி மற்றும் கிரோன் நோய்க்கு சிகிச்சையளிக்கப் பயன்படுத்தப்படும் சில மருந்துகள் மூலமாகவும் வரும்.அதிக சனத்தொகை கொண்ட நாடுகளில் பல பிரச்சனைகள் வடிவெடப்பதால் இந்த நோய் வருகிறது.

 எப்படி தடுப்பது

இந்த நோயை தடுக்க காசநோய் உள்ள நோயாளிகளில், மருந்துகளை பற்றி தெரிந்துகொள்ள வேண்டும். இதை அறிந்து மன்கூட்டியே சிகிச்சை எடுத்துக்கொள்வது நல்லது.TB பாக்டீரியா மிகவும் சக்திவாய்ந்த எதிர்ப்பை மருந்துகளுக்கு (எ.கா: ரிஃபாம்பின் மற்றும் ஐசோனியாசிட்) எதிராக உருவாக்கலாம்.

இந்த நோய் அதிகமாக உள்ள இடங்களில் வசிக்க கூடாது. அப்படிவ வசிக்கிறீர்கள் என்றால் நீங்கள் TB பரிசோதனை செய்ய வேண்டும். உங்கள் சோதனை நேர்மறையாக இருந்தால், மருந்துகளை எடுத்துக்கொள்ள வேண்டும்.

இது ஒரு தொற்று நோய். காசநோய் இருந்தால் அது மற்றவர்களை அண்டாமல் இருக்க இருமும்போது அல்லது பிறருடன் பேசும்போது உங்கள் வாயை திசு அல்லது துடைக்கும் துணியால் மூடவும்.

சிகிச்சையின் முதல் 3 வாரங்களில் பரவும் அபாயத்தைக் குறைக்க முகமூடியை அணியலாம். நீங்கள் இருக்கும் தனி அறையில் சரியான காற்றோட்டம் அவசியம். காரணம் TB பாக்டீரியா மூடிய அறைகள் மற்றும் சிறிய இடைவெளிகளில் எளிதாகப் பரவும்.

காசநோய் தொற்று ஏற்பட்ட முதல் சில வாரங்களில், மற்றவர்களுடன் ஒரே அறையில் தங்குவதையோ அல்லது தூங்குவதையோ தவிர்க்கவும். பணியிடங்கள், பள்ளிகள், பூங்காக்கள் போன்ற பொது இடங்களுக்கு செல்வதை தவிர்க்கவும்.

சிறைச்சாலைகள், முதியோர் இல்லங்கள், வீடற்ற தங்குமிடங்கள் போன்ற நெரிசலான இடங்களில் காசநோய் பரவாமல் தடுக்க முன்னெச்சரிக்கை நடவடிக்கைகளை எடுக்க வேண்டும். தொற்று கட்டுப்பாடு மற்றும் தொழில்சார் சுகாதார நிபுணர்களிடம் இதற்கான ஆலோசனை பெறலாம்.

மிகவும் முக்கியமாக காசநோய் பரவுவதைத் தடுக்க தேவையான சுற்றுச்சூழல் மற்றும் நிர்வாக நடைமுறைகள் எடுக்கப்பட வேண்டும். அந்த முன்னெச்சரிக்கைகள் அல்லது நடைமுறைகள் செயல்படுத்தப்பட்டவுடன் காசநோய்க்கு ஆளாகும் அபாயம் குறைகிறது.

பெண்களை தாக்கும் கருப்பை நீர்க்கட்டி... இதன் ஆரம்ப கட்ட அறிகுறிகள் என்ன?

தனிப்பட்ட சுவாச பாதுகாப்பு சாதனங்களைப் பயன்படுத்துவதை உள்ளடக்கிய கூடுதல் தனிப்பட்ட நடவடிக்கைகளையும் எடுப்பது நன்மை தரும். இந்த நோய் உள்ளவர்கள் இடத்தில் நீங்கள் இருந்தால் குழந்தைகளுக்கு பேசிலஸ் கால்மெட்-குரின் (BCG) தடுப்பூசி போட வேண்டும். இதை சரிவர செய்தால் இந்த நோயை தடுக்க முடியும்.