நாவூரும் சுவையில் எண்ணெய் கத்தரிக்காய் குழம்பு... இப்படி செய்து பாருங்க

பொதுவாகவே கத்தரிக்காய் எல்லா காலங்களிலும் பெற்றுக்கொள்ளக் கூடிய காய்கறியாகவும், குறைந்த கலோரியும், நிறைய சத்துக்களும் கொண்ட காய்கறியாகவும் காணப்படுகின்றது.

கல்யாண வீட்டு பாணியில் வைட்டமின் சி நிறைந்த சுரக்காய் அல்வா! ரெசிபி இதோ

உடல் எடையை குறைக்க விரும்புபவர்களுக்கு கத்தரிக்காய் மிகச்சிறந்த தெரிவாக இருப்பதுடன்,வாதநோய், ஆஸ்துமா, ஈரல் நோய்கள், கீல்வாதம், சளி, பித்தம், தொண்டைக்கட்டு, மலச்சிக்கல், கரகரப்பானகுரல் போன்றவற்றுக்கு அருமருந்தாகவும் திகழ்கின்றது.

இவ்வளவு மருத்துவ குணம் நிறைந்த கத்தரிக்காயை கொண்டு நாவூரும் சுவையில் எண்ணெய் கத்தரிக்காய் குழம்பு எப்படி செய்வதென்று இந்த பதிவில் பார்க்கலாம்.

தேவையான பொருட்கள்

கத்தரிக்காய் - 8

சின்ன வெங்காயம் - 10

பெரிய வெங்காயம் - 2

தக்காளி - 2

தேங்காய் துருவல்- அரை கப்

இஞ்சி- 1 துண்டு

பூண்டு - 4 பல்

கடுகு - 1/4 தே.கரண்டி 

வெந்தயம் - 1/4 தே.கரண்டி

மிளகாய் பொடி - 2 தே.கரண்டி

தனியா பொடி - 1 தே.கரண்டி

மஞ்சள் பொடி - 1/2 தே.கரண்டி

சீரகம், சோம்பு- 1 தே.கரண்டி

புளி தண்ணீர் - 1 கப்

காய்ந்த மிளகாய் -2

நல்லெண்ணெய் - ஒரு குழிக்கரண்டி

கறிவேப்பிலை - 1 கீற்று

கொத்தமல்லி - தேவையான அளவு

உப்பு - தேவையான அளவு

செய்முறை

முதலில் ஒரு பாத்திரத்தை அடுப்பில் வைத்து எண்ணெய் ஊற்றி சூடானதும், நறுக்கிய பெரிய வெங்காயத்தை போட்டு பொன்நிறமான வதக்கிக்கொள்ள வேண்டும்.

நன்றாக வதங்கியதும் அதனுடன் இஞ்சி, பூண்டு வேத்து பச்சை வாசனை போகும் வரையில் நன்றாக வதக்கிக்கொள்ள வேண்டும்.

அதனையடுத்து மஞ்சள்தூள், மல்லித்தூள், மிளகாய்த்தூள் ஆகியவற்றை சேர்த்து நன்கு கலந்துவிட்டு, அதனையடுத்து தக்காளி சேர்த்து நன்றாக வதக்கி ஆரவிட வேண்டும்.

பின்னர் அதனை ஒரு  மிக்சி ஜாரில் மாற்றி அதனுடன் தேங்காய் துருவல், சோம்பு, சீரகம் ஆகியவற்றை சேர்த்து நன்கு அரைத்து எடுத்துக்கொள்ள வேண்டும்.

அதன் பின்பு  கத்திரிக்காய் எடுத்து முழுவதுமாக வெட்டாமல் எக்ஸ் வடிவில் வெட்டி எடுத்துக்கொள்ள வேண்டும்.

பின்னர் பாத்திரமொன்றை அடுப்பில் வைத்து எண்ணெய் விட்டு சூடானதும் கத்திரிக்காய் சேர்த்து நன்றாக வதக்கி தனியாக எடுத்துக்கொள்ள வேண்டும்.

அதனையடுத்து அதே பாத்திரத்தில்  எண்ணெய் ஊற்றி கடுகு, வெந்தயம், காய்ந்த மிளகாய் , கறிவேப்பில்லை சேர்த்து வதக்கிக்கொள்ள வேண்டும்.

பின்னர்  சின்னவெங்காயம் சேர்த்து வதக்கி, இதோடு அரைத்த மசாலா சேர்த்து நன்றாக கலந்து மூடி வைத்து எண்ணெய் பிரிந்து வரும் வரை வேகவிட வேண்டும்.

அதனையடுத்து புளி தண்ணீர் சேர்த்து தேவையான அளவு தண்ணீர் ஊற்றி உப்பு சேர்த்து நன்றாக கொதிக்கவிட வேண்டும்.

அதன் பின்பு வதக்கிய கத்திரிக்காயையும் சேர்த்து லேசாக வதக்கி மூடி போட்டு 5 நிமிடம் மிதமான சூட்டில் மூடி வைக்க வேண்டும்.

கடைசியாக கொத்தமல்லி தூவி இறக்கினால் அவ்வளவு தான், அசத்தல் சுவையில் எண்ணெய் கத்திரிக்காய் குழம்பு தயார்.

sunday special: கிராமத்து பாணியில் காரசாரமான மட்டன் குழம்பு...