லங்காசிறி FM
முட்டை வெறியர்களை குஷியாக்கும் முட்ட பாப்பா ரெசிபி! பண்ணலாமா?
Vinoja
பொதுவாகவே ஆரோக்கிய நன்மைகள் நிறைந்த முட்டை பல்வேறு வகைகளிலும் சமைக்கக்கூடிய ஒரு எளிமையான உணவுப்பொருள் என்பதுடன் புரதத்தின் மிகச்சிறந்த மூலமாகவும் திகழ்கின்றது.
வீட்டில் உள்ள சிறியவர்கள் முதல் பெரியவர்கள் வரையில், அனைவரும் விரும்பி சாப்பிடும் வகையில், குறிப்பாக முட்டை வெறியர்களை குஷியாக்கக்கூடிய முட்டை பாப்பா செசிப்பியை எப்படி எளிமையாக செய்யலாம் என இந்த பதிவில் பார்க்கலாம்.
தேவையான பொருட்கள்
முட்டை - 4
வெங்காயம்- 2 (பொடியாக நறுக்கியது)
பச்சை மிளகாய் -2 ( நறுக்கியது)
தக்காளி - 2 (நறுக்கியது)
பூண்டு - 20 பல்
மிளகாய் தூள் - 1 தே.கரண்டி
உப்பு- தேவையான அளவு
எண்ணெய் - 1 மேசைக்கரண்டி
சீஸ் - 4 துண்டு
கொத்தமல்லி - சிறிதளவு ( பொடியாக நறுக்கியது)
துண்டு மிளகாய்- சிறிதளவு
செய்முறை
முதலில் ஒரு மிக்ஸி ஜாரில், நறுக்கிய வெங்காயம், பச்சை மிளகாய், தக்காளி ஆகியவற்றை சேர்த்து சற்று கொரகொரப்பான பதத்தில் அரைத்து எடுத்துக்கொள்ள வேண்டும்.
அதனையடுத்து ஒரு இடி உரலில், பூண்டு, மிளகாய் தூள், தேவையான அளவுக்கு உப்பு சேர்த்து நன்றாக இடித்து எடுத்து வைத்துக்கொள்ள வேண்டும்.
அதன் பின்னர் அடுப்பில் ஒரு தவாவை வைத்து, சூடானதும் எண்ணெய் ஊற்றி, அரைத்து வைத்த வெங்காயம், தக்காளி பேஸ்ட்டை சேர்த்து நன்றாக வதக்கிக்கொள்ள வேண்டும்.
வெங்காயம், தக்காளியின் பச்சை வாசனை போனதும் இடித்து வைத்த பூண்டு பேஸ்டை சேர்த்து நன்றாக கலந்துவிட்டு சிறிதளவு தண்ணீர் தெளித்து நன்றாக வதக்கிக்கொள்ள வேண்டும்.
இந்த தொக்கு தவாவில் சமமான பரவும் வகையில், கரண்டியால் பரப்பிவிட்டு அதற்கு மேல், முட்டைகளை உடைத்து சேர்த்துக்கொள்ள வேண்டும்.
அதற்கு மேல் சீஸ் துண்டுகளை வைத்து, துண்டு மிளகாயை தூவிவிட்டு, அதற்கு மேல் கொத்தமல்லியை தூவி இறுதியில் துருவிய சீஸ் சிறிதளவு சேர்த்து மூடி போட்டு 5 நிமிடங்கள் வேகவிட்டு எடுத்தால் அவ்வளவு தான் அசத்தலான சுவையில் முட்டை பாப்பா ரெசிபி தாயார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
கிளிநொச்சி, மதுரை, தமிழ்நாடு, India, சென்னை, India, திருகோணமலை, கொழும்பு, London, United Kingdom
28 Mar, 2026
செம்பியன்பற்று, கொழும்பு, திருச்சி, India, London, United Kingdom
24 Mar, 2026
திருநெல்வேலி, கொக்குவில் கிழக்கு, Farnborough, United Kingdom
26 Mar, 2026