லங்காசிறி FM
chickpeas curry: நோயெதிர்ப்பு சக்தியை அதிகரிக்கும் கொண்டைக்கடலை குழம்பு...
Vinoja
உடலில் நோயெதிர்ப்பு சக்தி மற்றும் ஆற்றலை அதிகரிக்கும் கொண்டைக்கடலையில் மாங்கனீசு, தையமின், மக்னீசியம், பாஸ்பரஸ் போன்ற பல கனிமச்சத்துக்கள் நிறைந்துள்ளது.
இவை உடலின் ஆற்றலை அதிகரிக்கதோடு, நோயெதிர்ப்பு சக்தியையும் அதிகரிக்கும். கொண்டைக்கடலையில் கிளைசீமிக் இன்டெக்ஸ் குறைவாக உள்ளதால், இது நீரிழிவு நோயாளிகளுக்கு சிறந்த உணவாக பார்க்கப்படுகின்றது.
கொண்டைக்கடலையில் அதிக அளவு நார்ச்சத்து உள்ளது. உயர் நார்ச்சத்து உணவு இரத்த அழுத்தத்தைக் குறைக்க உதவுகிறது.
நார்ச்சத்து காரணமாக உடல் பருமன் வேகமாக குறைகிறது. மேலும், இது நரம்புகளில் படிந்திருக்கும் பிளேக்கைக் குறைக்க உதவுகிறது. இது நரம்புகளில் உள்ள அடைப்பைத் திறந்து, இரத்த ஓட்டத்தை மேம்படுத்துகிறது.
இவ்வளவு ஆரோக்கிய நன்மைகள் நிறைந்த கொண்டைக்கடலையை வைத்து அனைவரும் விரும்பும் வகையில் அசத்தல் சுவையில் எவ்வாறு குழம்பு செய்யலாம் என இந்த பதிவில் பார்க்கலாம்.
தேவையான பொருட்கள்
கொண்டைக்கடலை - 250
வெங்காயம் - 100
தக்காளி - 2
பூண்டு - 10 பல்
பச்சை மிளகாய் - 5
தேங்காய் - அரை மூடி
புளி - நெல்லிக்காய் அளவு
மிளகாய்த் தூள் - 1 தே.கரண்டி
தனியாத் தூள் - 2 தே.கரண்டி
மஞ்சள் தூள் - 1/2 தே.கரண்டி
எண்ணெய் - தேவையான அளவு
கடுகு, உளுந்து, சீரகம், மிளகு, சோம்பு - சிறிதளவு
உப்பு - தேவையான அளவு
கறிவேப்பிலை, கொத்தமல்லி இலை - தேவையான அளவு
செய்முறை
முதலில் கொண்டைக் கடலையை ஒரு பாத்திரத்தில் போட்டு முழ்கும் அளவுக்கு தண்ணீர் ஊற்றி இரவே ஊறவைத்து எடுத்துக்கொள்ள வேண்டும்.
பின்னர் குக்கரை அடுப்பில் வைத்து எண்ணெய் ஊற்றிக் சூடானதும் கடுகு, உளுந்து, சீரகம், மிளகு, சோம்பு, கறிவேப்பிலை ஆகியவற்றை சேர்த்து தாளித்துக்கொள்ள வேண்டும்.
அதனையடுத்து அதில் வெங்காயம், பூண்டு, பச்சை மிளகாய் ஆகியவற்றை சேர்து பொன்நிறமாக மாறும் வகையில் நன்றாக வதக்கி எடுத்துக்கொள்ள வேண்டும்.
பின்னர் அதனுடன் தக்காளியைப் சேர்த்து நன்கு மென்மையாக வதக்கி, மஞ்சள் தூள், மிளகாய் தூள், தனியாத்தூள் ஆகியவற்றை சேர்த்து நன்கு வதக்கவும்.
அத்துடன் ஊறிய கடலையை போட்டு நன்றாக கிளறிய பின்பு தண்ணீரில் புளியை கரைத்து அதில் சேர்த்து நன்கு கொதிக்கவிட வேண்டும்.
பின்னர் அரைத்த தேங்காயையும் அதனுடன் சேர்த்து தேவையான அளவு உப்பு சேர்த்து குக்கரை மூடி 5 விசில் வந்ததும் குக்கரை நிறுத்தி ஆறவிடடு இறுதியில் மல்லி இலை தூவி இறக்கினால் அவ்வளவு தான் சுவையான கொண்டைக் கடலைக் குழம்பு தயார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
கொக்குவில் கிழக்கு, Dortmund, Germany, London, United Kingdom
16 Feb, 2025
மலேசியா, Malaysia, கொக்குவில், பிரித்தானியா, United Kingdom, Sharjah, United Arab Emirates
05 Mar, 2020
