பிக்பாஸ் பேச்சால் வெடித்த சர்ச்சை… விஜய் சேதுபதிக்கு ஆதரவாக களமிறங்கிய சீனு ராமசாமி!

பிக்பாஸ் நிகழ்ச்சியில் விஜய் சேதுபதி பேசிய கருத்துகள் அரசியல் சர்ச்சையை ஏற்படுத்தியுள்ள நிலையில், அவரை தனிப்பட்ட முறையில் விமர்சிக்க வேண்டாம் என இயக்குநர் சீனு ராமசாமி கேட்டுக்கொண்டுள்ளார்.

 விஜய் சேதுபதி சர்ச்சை கருத்து 

கமல்ஹாசனைத் தொடர்ந்து கடந்த சில ஆண்டுகளாக பிக்பாஸ் நிகழ்ச்சியை விஜய் சேதுபதி தொகுத்து வழங்கி வருகிறார். தற்போது நடைபெற்று வரும் 10வது சீசனையும் அவரே தொகுத்து வழங்குகிறார். சமீபத்திய நிகழ்ச்சியில் போட்டியாளருக்கு அறிவுரை வழங்கிய விஜய் சேதுபதி, தலைமைத்துவம், வாக்குறுதிகள், பொறுப்பு உள்ளிட்டவை குறித்து பேசிய கருத்துகள் சமூக வலைதளங்களில் வைரலானது.

த்ரிஷா இடத்தில் நான் இருந்தால்...நிச்சயம் இதை தான் செய்வேன் - நடிகை அம்பிகா ஓபன் டாக்!

இதனைத் தொடர்ந்து, அவர் தமிழக அரசியலை மறைமுகமாக விமர்சித்ததாக சிலர் கருத்து தெரிவித்து வந்தனர். இதனால் விஜய் சேதுபதிக்கு எதிராகவும் விமர்சனங்கள் எழுந்தன.

இயக்குநர் சீனு ராமசாமி பதிவு 

இந்நிலையில், இயக்குநர் சீனு ராமசாமி தனது எக்ஸ் பதிவில், விஜய் சேதுபதியை நீண்ட காலமாக அறிந்திருப்பதாகவும், அவர் மறைந்திருந்து தாக்கும் குணம் கொண்டவர் அல்ல என்றும் குறிப்பிட்டுள்ளார்.

மேலும், பொழுதுபோக்கு நிகழ்ச்சியில் இடம்பெற்ற ஒரு வசனத்தை வைத்து இவ்வளவு தீவிரமாக எதிர்வினையாற்றுவதும், அதனை அடிப்படையாகக் கொண்டு விஜய் சேதுபதியை தனிப்பட்ட முறையில் தாக்குவதும் வருத்தமளிப்பதாக தெரிவித்துள்ளார்.

20 ஆண்டுகளின் பின் மீண்டும் திருமணம் செய்துகொண்ட சூர்யா - ஜோதிகா! படு வைரலாகும் வீடியோ

புதியவர்களை ஊக்குவிப்பது, பல்வேறு இயக்குநர்களுடன் பணியாற்றுவது, சிக்கலில் இருந்த திரைப்படங்களுக்கு உதவுவது உள்ளிட்ட விஜய் சேதுபதியின் பல்வேறு செயல்பாடுகளையும் சுட்டிக்காட்டிய சீனு ராமசாமி, அவசரப்பட்டு அவரை தனிப்பட்ட முறையில் விமர்சிக்க வேண்டாம் என அன்புடன் கேட்டுக்கொண்டுள்ளார்.குறித்த பதிவு தற்போது இணையத்தில் வைரலாகி வருகின்றது.

அனைவருக்கும் அன்பான வணக்கம். விஜய் சேதுபதியை உள்ளும் புறமும் நன்கறிவேன். எதையும் நேர்பட கண்கள் பார்த்து சொல்லக் கூடிய மனிதன்; மறைந்திருந்து தாக்கும் குணம் கொண்ட மனிதன் அல்ல. உண்மையில் தமிழக சட்டசபை நிகழ்ச்சிகளை மக்கள் அதிகமாக பார்க்கிறார்கள். மற்ற ஓடிடி, சினிமா, இணையதள செயல்பாடுகள் எல்லாம் சட்டசபை காலங்களிலே மந்தமாகிவிட்டது, இதுதான் உண்மை. பிக்பாஸ் நிகழ்ச்சியை கொஞ்சம் அரசியல் சாயம் பூசி விட்டால் மக்களின் கவனத்தை பெற்று விடலாம் என்று அதை நடத்துபவர்கள் நினைத்திருக்கலாம். ஒரு பொழுதுபோக்கு நிகழ்ச்சியில் சொல்லப்படும் ஒரு வசனத்தை எடுத்துக் கொண்டு இவ்வளவு சீரியஸாக ரியாக்ட் பண்ண வேண்டிய அவசியம் இல்லை என்று நான் நினைக்கிறேன். அதை வைத்து அவரைத் தனிப்பட்ட முறையில் தாக்குவது என்பது மிகவும் வருத்தமாக இருக்கிறது. இன்று இந்தியா முழுக்க நன்கறிந்த பெருமைக்குரிய கலைஞன் சேது. புதியவர்களை ஊக்கப்படுத்த பல படங்களில் கெஸ்ட் ரோல் நடித்தவர், தனக்குப் பிடித்த பெரிய நடிகர்களின் படங்களிலே இமேஜ் பார்க்காமல் வில்லனாகவும் நடித்தவர், நிறைய புதிய இயக்குனர்களோடு பயணித்தவர், 100 மூத்த திரைத் தொழிலாளர்களுக்கு 100 சவரன் தங்கம் தந்தவர், பல படங்கள் சிக்கலில் இருந்தபோது தன் சம்பளத்தை விட்டுக்கொடுத்து உதவியவர். முன்பின் தெரியாத பலருக்கும் நன்மைகள் செய்த மனிதன் விஜய் சேதுபதி. ஆகவே அவசரப்பட்டு தனிப்பட்ட முறையில் அவரை யாரும் தாக்க வேண்டாம் என்று அன்போடு கேட்டுக்கொள்கிறேன். 🙏🙏 அன்பன் சீனு ராமசாமி

— Seenu Ramasamy (@seenuramasamy) September 16, 2026