கோடைக்கு இதமான வெள்ளரிக்காய் தம்புளி... இவ்வளவு நன்மைகள் இருக்கா?

பொதுவாகவே கோடை காலம் வந்துவிட்டால் உடலில் நீர் இழப்பு அதிகமாக இருக்கும் என்பதால், அதனை ஈடு செய்யும் உணவுளை தினசரி உணவில் சேர்த்துக்கொள்ள வேண்டியது அவசியம்.

அந்தவகையில், கோடைக்கால உணவுகளின் பட்டியலில் வெள்ளரிக்காய் முக்கிய இடம் வகிக்கின்றது. வெள்ளரிக்காயில் வைட்டமின் A, C, பொட்டாசியம், மெக்னீசியம், புரோட்டீன், கால்சியம், இரும்புச்சத்து, பாஸ்பரஸ், கார்போஹைட்ரேட், சர்க்கரை, நார்ச்சத்து போன்ற ஊட்டச்சத்துக்கள் செரிந்து காணப்படுகின்றது.

மேலும் வெள்ளரிக்காய் அதிக நீர்ச்சத்துள்ள காய். இது எளிதில் ஜீரணிக்கக் கூடியது. மேலும், செரிமான அமைப்பை சீராக வைத்துக்கொள்ளவும் பெரிதும் துணைப்புரிகின்றது.

வெள்ளரி சாறு இரைப்பை மற்றும் குடல் புண்கள், அமிலத்தன்மை, நெஞ்செரிச்சல், மலச்சிக்கல் போன்றவற்றை குணப்படுத்துவதிலும் ஆற்றல் காட்டுகின்றது.

இவ்வளவு ஆரோகிய நன்மைகளை கொண்டுள்ள வெள்ளரிக்காயில் கோடைக்கு இதமாக வெள்ளரிக்காய் தம்புளி எவ்வாறு செய்யலாம் என இந்த பதிவில் பார்க்கலாம்.

கிராமத்து பாணியில் வறுத்தரைத்த சிக்கன் குழம்பு... இப்படி ஒரு முறை செய்து பாருங்க

தேவையான பொருட்கள்

வெள்ளரிக்காய் - 1 ( சாதாரண அளவு)

பச்சை மிளகாய் -2

தேங்காய் - 1/4 கப்

கொத்தமல்லி - ஒரு கைப்பிடியளவு

சீரகம் - 1/2 தே.கரண்டி

மிளகு- 1/2 தே.கரண்டி

உப்பு -தேவையான அளவு

தயிர் - 1 கப்

தண்ணீர் - 1 கப்

தாளிக்க தேவையானவை

தேங்காய் எண்ணெய்- 2 தே.கரண்டி

கடுகு- 1/4 தே.கரண்டி

காய்ந்த மிளகாய்- 2

கறிவேப்பிலை- சிறிதளவு

செய்முறை

முதலில் ஒரு மிக்ஸி ஜாரில், தேல் சீவிய வெள்ளரிக்காய், பச்சை மிளகாய், தேங்காய், கொத்தமல்லி, மிளகு, சீரகம் , உப்பு மற்றும் தேவையான அளவுக்கு தண்ணீர் சேர்த்து நன்றாக அரைத்து நன்றாக அரைத்து எடுத்துக்கொள்ள வேண்டும்.

செல்வ செழிப்பு பெருகணுமா? இந்த பொருட்களில் ஒன்றை வீ்ட்டில் வைத்து பாருங்க!

அதனை ஒரு பாத்திரத்தில் ஊற்றி, அதனுடன் தயிர் மற்றும் தண்ணீர் சேர்த்து நன்றாக கலந்துவிட்டுக்கொள்ள வேண்டும்.

பின்னர் ஒரு பாத்திரத்தை அடுப்பில் வைத்து எண்ணெய் ஊற்றி, சூடானதும் கடுகு, காய்ந்த மிளகாய், கறிவேப்பிலை சேர்த்து தாளித்து, ஏற்கனவே கலந்துவைத்துள்ள வெள்ளரிக்காய் தயிர் கலவையில் ஊற்றினால் அவ்வளவு தான் அசத்தல் சுவையில் வெள்ளரிக்காய் தம்புளி தயார்.