லங்காசிறி FM
‘டிசி’ படக்குழுவினருக்கு BMW கார் பரிசளித்த கலாநிதி மாறன்! படுவைரலாகும் வீடியோ!
சன் பிக்சர்ஸ் நிறுவனத்தின் தயாரிப்பாளர் கலாநிதி மாறன், ‘டிசி’ திரைப்படத்தின் வெற்றியைத் தொடர்ந்து படத்தின் இயக்குநர் அருண் மாதேஸ்வரன், நடிகர் லோகேஷ் கனகராஜ் மற்றும் இசையமைப்பாளர் அனிருத் ஆகியோருக்கு விலையுயர்ந்த கார்களை பரிசாக வழங்கியுள்ளார்.
‘டிசி’ திரைப்படம்
அருண் மாதேஸ்வரன் இயக்கத்தில் லோகேஷ் கனகராஜ் நடிப்பில் உருவான ‘டிசி’ திரைப்படம் கடந்த ஆகஸ்ட் 7ஆம் தேதி திரையரங்குகளில் வெளியானது. இப்படத்தில் வாமிகா கபி மற்றும் சஞ்சனா கிருஷ்ணமூர்த்தி ஆகியோர் கதாநாயகிகளாக நடித்துள்ளனர்.
படத்திற்கு அனிருத் இசையமைத்துள்ளார். திரைப்படம் வெளியானது முதல் ரசிகர்கள் மற்றும் திரையுலகினர் மத்தியில் நல்ல வரவேற்பைப் பெற்றது. குறிப்பாக படத்தின் கதை, திரைக்கதை மற்றும் நடிகர்களின் நடிப்புடன், அனிருத்தின் இசையும் படத்தின் வெற்றிக்கு முக்கிய காரணமாக அமைந்ததாக ரசிகர்கள் சமூக வலைத்தளங்களில் கருத்து தெரிவித்து வந்தனர்.
சுமார் ரூ.25 கோடி பட்ஜெட்டில் உருவாக்கப்பட்டதாக கூறப்படும் ‘டிசி’ திரைப்படம், வெளியான சில நாட்களிலேயே வசூலில் நல்ல முன்னேற்றத்தைப் பதிவு செய்தது. உலகளவில் இப்படம் ரூ.100 கோடிக்கும் மேல் வசூல் செய்துள்ளது.
BMW கார் பரிசளிப்பு
இந்நிலையில், ‘டிசி’ திரைப்படத்தின் வெற்றியை கொண்டாடும் விதமாக சன் பிக்சர்ஸ் நிறுவனத்தின் கலாநிதி மாறன், இயக்குநர் அருண் மாதேஸ்வரன், நடிகர் லோகேஷ் கனகராஜ் மற்றும் இசையமைப்பாளர் அனிருத் ஆகியோருக்கு விலையுயர்ந்த கார்களை பரிசாக வழங்கியுள்ளார்.
கலாநிதி மாறன் படக்குழுவினருக்கு கார்களை வழங்கும் காட்சிகள் அடங்கிய காணொளி தற்போது சமூக வலைத்தளங்களில் வேகமாகப் பரவி வருகிறது. இந்த சிறப்பு பரிசு ரசிகர்களின் கவனத்தையும் ஈர்த்துள்ளது.
Mr. Kalanithi Maran congratulated and presented the keys to brand-new BMW cars to Arun Matheswaran, Lokesh Kanagaraj and Anirudh, for the success of Blockbuster #DC! 💥 @Dir_Lokesh @ArunMatheswaran @anirudhofficial #DCMegaBlockbuster https://t.co/QOgmCA6ZqI
— Sun Pictures (@sunpictures) September 10, 2026
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
