சோளம் ஏன் கண்டிப்பாக சாப்பிட வேண்டும்? இதிலுள்ள நன்மைகள் என்னென்ன?
புரதச்சத்து அதிகம் நிறைந்த ஆரோக்கியமான தானியங்களில் ஒன்று சோளம், சோளத்தை ஆங்கிலத்தில் Great millet (கிரேட் மில்லெட்) என்று அழைப்பார்கள். இதற்கு சொர்கம் (Sorghum). ‘மைலோ’ என்ற வேறு பெயர்களும் உண்டு.
வட அமெரிக்காவில் இருக்கின்ற மெக்சிகோ நாட்டை பூர்விகமாகக் கொண்ட ஒரு பயிர் வகையாகும்.
அந்த நாட்டில் வாழ்ந்த பழங்குடியினர் சோளத்தை உணவிற்கு மட்டுமல்லாமல் பல மருத்துவ சிகிச்சைக்கும் பயன்படுத்தினர்.
சோளத்தில் வெண்சாமரச் சோளம், சிவப்பு சோளம், வெள்ளை சோளம், பழுப்புநிற சோளம் என பல வகைகள் இருக்கின்றன.
இதில் நம் உடலுக்கு தேவையான புரதச்சத்து, இரும்புச்சத்து, கால்சியம், கொழுப்புச்சத்து, நார்சத்து, மாவுச்சத்து, பி-கரோட்டின், தயமின், ரிபோப்ளோவின், நயசின், மெக்னீசியம், பாஸ்பரஸ், பொட்டாசியம், சோடியம்., வைட்டமின் ஏ, வைட்டமின் ஈ, அஸ்கார்பிக் அமிலம் ஆகியவை அடங்கியுள்ளன.
டயட் இல்லாமல் உடல் எடையை சட்டென குறைக்கணுமா? இந்த உணவுகள் மட்டும் போதும்!
சோளத்தின் பயன்கள்
நார்ச்சத்து அதிகம்: அரிசியுடன் ஒப்பிடும்போது இதில் நார்ச்சத்து அதிகம், இதனை பச்சையாகவோ, வேக வைத்தோ சாப்பிடுவதால் நார்ச்சத்து முழுமையாக கிடைக்கிறது, எனவே வயிறு மற்றும் குடல் புற்றுநோய்கள் ஏற்படாமல் தடுக்கிறது.
குளுட்டன் இல்லாதது: கோதுமை போன்ற தானியங்களை ஒப்பிடுகையில் சோளத்தில் குளுட்டன் இல்லை, குளுட்டன் அதிகமாக உட்கொண்டால் செரிமான பிரச்சனைகளை சந்திக்க நேரிடும், ஆனால் சோளத்தில் குளுட்டன் கிடையாது, எனவே இதை தாராளமாக சாப்பிடலாம்.
உடல் எடையை அதிகரிக்கும்: எடையை அதிகரிக்க விரும்பும் மக்கள், சோளத்தை உட்கொள்ள வேண்டும். இதில், போதிய அளவில் கார்போஹைட்ரேட்களும் உள்ளன, இவை உடல் எடையை அதிகரிக்க உதவுகிறது.
ரத்தத்தை சுத்தப்படுத்தும்: சோளத்தில் வைட்டமின் ஏ மற்றும் ஏராளமான இரும்புச்சத்துகள் உள்ளன, இவை இரத்தத்தை சுத்திகரிக்க உதவுகிறது, இது உடலில் ரத்த சிவப்பணுக்களின் எண்ணிக்கையை அதிகரிப்பதால் இரத்த சோகையால் பாதிக்கப்படுபவர்கள் சோளத்தை தாராளமாக உட்கொள்ளலாம்.
ஆரோக்கியமான இதயம்: இதில் நார்ச்சத்து அதிகம் இருப்பதால் கெட்ட கொழுப்புகளின் அளவை குறைத்து விடுகிறது, எனவே இதயம் தொடர்பான நோய்கள் உங்களை நெருங்காது, இதுதவிர ஆன்டி ஆக்சிடன்டுகள், மெக்னீசியம், விட்டமின் பி மற்றும் இ இருப்பதால் இதய நோய்களிலிருந்து பாதுகாக்கிறது.
கர்ப்பிணிகளுக்கு நல்லது: சோளத்தில் போலிக் ஆசிட் நிறைந்துள்ளதால், கருவுற்ற பெண்கள் மருத்துவர் அறிவுறுத்திய அளவின்படி சோளம் சாப்பிட்டு வருவது அவர்களுக்கும், அவர்களின் வயிற்றில் வளரும் குழந்தையின் சீரான வளர்ச்சிக்கும் பெருமளவு உதவுகிறது.
சர்க்கரை அளவை குறைக்கும்: சர்க்கரை நோய் இருப்பவர்கள் தினமும் செள்ளை சோளத்தை உணவில் சேர்த்துக் கொள்வதன் மூலம் நல்ல பலனை பெறலாம். இதில் இருக்கும் கார்போஹைட்டிரேட் இரத்தத்தில் சர்க்கரை அளவை அதிகரித்து விடாமல் பாதுகாக்கின்றது. இதனால் உடல் எடை குறைந்து சர்க்கரை அளவு கட்டுக்குள் இருக்க உதவுகின்றது.
எலும்புகளுக்கு வலுசேர்க்கும்: சோளத்தில் மெக்னீசியம் அதிகம் நிறைந்திருப்பதால் நாட்பட்ட மூட்டு வலி மற்றும் எலும்பு தேய்மானம் உள்ளவர்களுக்கு மிகவும் ஏற்றது. எலும்பு வலு பெறுவதுடன் தேய்மானம் சரிசெய்யப்படுகின்றது, ஏனெனில் நம் உடல் கால்சியத்தை உறிஞ்சுவதற்கு மெக்னீசியம் உதவிபுரியும்.
கண்பார்வை திறன் மேம்படும்: சோளத்தில் உள்ள பீட்டா கரோட்டின் மனிதர்களின் கண் பார்வைத்திறன் தெளிவாகவும் கூர்மையாகவும் இருப்பதற்கு மிகவும் உதவுகிறது, கண்களின் செல்களின் வளர்ச்சியை ஊக்குவிப்பதால் கண்பார்வை தெளிவாக இருக்கும்.
முக அழகுக்கு: சோள மாவை தண்ணீர் அல்லது சிறிது பாலில் கலந்து நன்றாக முகத்தில் பூசிவிட்டு, சிறிது நேரம் கழித்து முகத்தை கழுவி வர முகப்பரு, எண்ணெய் வழிதல் சரியாகும்.
கோடைக் காலம் வந்தாச்சு! பசலைக்கீரை அதிகம் சாப்பிடுங்க
பக்கவிளைவுகள்
சோளத்தை அதிகமாக உட்கொள்வது சருமத்தில் ஒவ்வாமை மற்றும் வாந்தி ஏற்படலாம்.
பச்சை சோளத்தை குழந்தைகள் உட்கொள்ள கூடாது. ஏனெனில், இது குழந்தைகளுக்கு வயிற்றுப்போக்கை ஏற்படுத்துகிறது.
சோளத்தில் நார்ச்சத்து அதிகம் இருப்பதால், இதனை கட்டுப்பாடில்லாமல் உட்கொள்வது வயிற்று வலியை ஏற்படுத்தும்.
நிமோனியா என்பது என்ன? வீட்டிலேயே குணப்படுத்த முடியுமா?