லங்காசிறி FM
ஹோட்டல் சுவையில் சின்ன வெங்காய சட்னி வேண்டுமா? எளிய செய்முறை இதோ!
இட்லி, தோசை, ஊத்தப்பம் போன்ற தென்னிந்திய உணவுகளுக்கு ஹோட்டலில் பரிமாறப்படும் சுவையான சின்ன வெங்காய சட்னியின் சுவை பெரும்பாலானவர்களுக்கு பிடிக்கும்.
அதே சுவையில் வீட்டிலேயே எளிதாகத் சின்னவெங்காய சட்னி தயாரிக்கலாம் என்பது உங்களுக்குத் தெரியுமா? சின்ன வெங்காயத்தின் இயற்கையான இனிப்புச் சுவையுடன், வரமிளகாயின் காரமும், புளியின் புளிப்பும் கலந்து இந்தச் சட்னிக்கு தனித்துவமான சுவையை கொடுக்கின்றது.
மேலும், சரியான முறையில் வதக்கி அரைத்தால், ஹோட்டல்களில் கிடைக்கும் அதே சுவையையும் மணத்தையும் வீட்டிலேயே பெறலாம்.
அனைவரும் விரும்பிச் சாப்பிடும் ஹோட்டல் ஸ்டைல் சின்ன வெங்காய சட்னியை வீட்டிலேயே எப்படித் தயாரிப்பது, அதற்குத் தேவையான பொருட்கள் என்னென்ன, சட்னி சுவையாகவும் மணமாகவும் வருவதற்கு என்னென்ன குறிப்புகளைப் பின்பற்ற வேண்டும் என்பது குறி்த்து இந்த பதிவில் விரிவாக பார்க்கலாம்.
தேவையான பொருட்கள்
சின்ன வெங்காயம் – 250 கிராம்.
துருவிய தேங்காய் – ½ கப்
வரமிளகாய் – 12
பூண்டு – 10 பல்
கறிவேப்பிலை – 2 கொத்து
தக்காளி – 1 (நறுக்கியது)
புளி – சிறிய எலுமிச்சை அளவு
உப்பு – தேவையான அளவு
காஷ்மீரி மிளகாய்த்தூள் – 1 டீஸ்பூன்
எண்ணெய் – 3 டேபிள்ஸ்பூன்
தாளிக்கத் தேவையான பொருட்கள்
எண்ணெய் – 2 டேபிள்ஸ்
பூன் கடுகு – 1 டீஸ்பூன்
உளுத்தம் பருப்பு – 1 டீஸ்பூன்
வரமிளகாய் – 2
கறிவேப்பிலை – 1 கொத்து
செய்முறை
முதலில் ஒரு பாத்திரத்ழத அடுப்பில் வைத்து எண்ணெய் ஊற்றி சூடானதும், வரமிளகாய் மற்றும் பூண்டு சேர்த்து நன்றாக வதக்கிக்கொள்ள வேண்டும்.
அடுத்து சின்ன வெங்காயத்தைச் சேர்த்து, அது நன்கு வதங்கும் வரை வதக்கவும். பின்னர் கறிவேப்பிலை மற்றும் நறுக்கிய தக்காளியைச் சேர்த்து, தக்காளி மென்மையாகும் வரையில் வதக்கிக்கொள்ள வேண்டும்.
இப்போது புளி மற்றும் காஷ்மீரி மிளகாய்த்தூள் சேர்த்து நன்றாகக் கிளறி வதக்கவும். தொடர்ந்து துருவிய தேங்காய், தேவையான அளவு உப்பு சேர்த்து சில நிமிடங்கள் வதக்கி அடுப்பை அணைக்கவும்.
கலவையை நன்றாக ஆறவிடவும். ஆறிய கலவையை மிக்ஸி ஜாரில் சேர்த்து, தேவையான அளவு தண்ணீர் விட்டு சட்னியாக அரைத்துக் கொள்ளவும்.
இப்போது தாளிப்பதற்காக ஒரு சிறிய பாத்திரத்தை அடுப்பில் வைத்து எண்ணெய் ஊற்றி சூடானதும், அதில் கடுகு சேர்த்துப் பொரிந்ததும் உளுத்தம் பருப்பு, வரமிளகாய் மற்றும் கறிவேப்பிலை சேர்த்துத் தாளிக்க வேண்டும்.
அதனையடுத்து இந்தத் தாளிப்பை அரைத்து வைத்துள்ள சட்னியில் சேர்த்துக் கலந்து விட்டால் , அவ்வளவுதான் சுவையான ஹோட்டல் ஸ்டைல் சின்ன வெங்காய சட்னி தயார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
புலோலி கிழக்கு, Villeneuve-Saint-Georges, France
30 Sep, 2026
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
