ஹரிஷ் கல்யானுக்கு திருமணம்! மணப்பெண் யார் தெரியுமா? இணையத்தில் தீயாய் பரவும் புகைப்படம்
பிக் பாஸ் புகழ் ஹரிஷ் கல்யான் தனது திருமணம் குறித்து மகிழ்ச்சியான செய்தியை வெளியிட்டுள்ளார்.
வருங்கால மனைவியின் கையைப் பிடித்திருக்கும் படத்தை ட்விட்டர் பக்கத்தில் ஷேர் செய்துள்ள அவர், 'புதிய தொடக்கம்' என்று குறிப்பிட்டுள்ளார்.
மேலும், தனது மனைவி யார் என்பதை ஹரீஷ் கல்யாண் இன்னொரு ட்விட்டர் பதிவில் தெரிவித்துள்ளார்.
அதில், "சிறுவயது முதல் எனது கனவை பெற்றோர்கள் ஊக்குவித்தார்கள். அதேபோல் இப்போது நீங்கள் அனைவரும் எனக்கு மிகவும் அன்பையும் ஆதரவையும் காட்டி வருகின்றனர்.
ஒவ்வொரு வெற்றியையும் உங்களுடன் பகிர்ந்துகொள்வதில் எனக்கு திருப்தியானதாகும்" எனக் கூறியுள்ளார்.
மேலும், "இப்போது மகிழ்ச்சி நிறைந்த இதயத்துடன் எனது தனிப்பட்ட வாழ்க்கையின் ஒரு முக்கியமான பயணத்தின் தொடக்கத்தை துவங்க உள்ள மகிழ்ச்சியை உங்களுடன் பகிர்ந்துகொள்ள இதனை எழுதுகிறேன்.
திருமணத்தை அறிவித்த ஹரிஷ் கல்யான்
எங்கள் பெற்றோர்கள், குடும்பத்தினர், திரையுலக நண்பர்கள், ஊடக, பத்திரிகை நண்பர்கள், எனது அன்பான ரசிகர்கள், நலன் விரும்பிகள் அனைவரின் ஆசியுடன் நர்மதா உதயகுமார் உடனான தனது திருமணத்தை அறிவிப்பதில் மகிழ்ச்சி அடைகிறேன்.
எங்களை நாங்களே புதுப்பித்துக்கொள்ளும் இந்த புதிய வாழ்க்கைப் பயணத்தை துவங்கும் நேரத்தில் இப்போதும் எப்போதும் உங்கள் அனைவரின் இரட்டிப்பு ஆசிர்வாதங்களையும் அன்பையும் நாங்கள் எதிர்பார்க்கிறோம்" எனக் குறிப்பிட்டுள்ளார்.
இதனையடுத்து ஹரிஷ் கல்யாணுக்கு திரையுலக பிரபலங்களும் ரசிகர்களும் தங்களது வாழ்த்துகளை தெரிவித்து வருகின்றனர்.