லங்காசிறி FM
நாவல் பழம் சாப்பிட்ட பின்பு இந்த உணவுகளை மறந்தும் கூட சாப்பிடாதீங்க
நாவல் பழம் சாப்பிட்ட பிறகு எந்தெந்த உணவை சாப்பிடக்கூடாது என்று இந்த பதிவில் விரிவாக காணலாம்.
நாவல் பழம்
நாவல் பழத்தில் கால்சியம், பாஸ்பரஸ், இரும்புச்சத்து, வைட்டமின் B, பொட்டாசியம், வைட்டமின் சி போன்ற தாதுக்கள் நிறைந்துள்ளன.
நாவல் மரத்திலுள்ள இலை, மரப்பட்டை, விதை அனைத்தும் மருத்துவ குணங்கள் நிறைந்து காணப்படுகின்றது.
ஹீமோகுளோபின் அளவினை மேம்படுத்தவும், உடல் எடையைக் குறைக்கவும் செய்கின்றது. அதுமட்டுமின்றி நீரிழிவு நோயாளிகளுக்கு சிறந்த நண்பனாக இருப்பதுடன், சிறியவர் முதல் பெரியவர்கள் வரை அனைவரும் விரும்பி சாப்பிடுகின்றனர்.
நாவல் பழ சீசன் ஆரம்பித்துவிட்டால் இதனை வாங்கி சாப்பிடுவதற்கு மறந்துவிட வேண்டாம். நாவல் பழம் சாப்பிட்ட பின்பு எந்தெந்த உணவை சாப்பிடக்கூடாது என்று இங்கு கீழே காணலாம்.
என்ன சாப்பிடக்கூடாது
ஊறுகாய் சாப்பிடக்கூடாது. ஏனென்றால் நாவல் பழம் மற்றும் ஊறுகாய் இரண்டிலும் அமிலத்தன்மை இருப்பதால் இது நம் உடலுக்குள் சென்று நெஞ்செரிச்சல் அஜீரணம் போன்ற பிரச்சனைகளை ஏற்படுத்தும். ஆதலால் ஒரு மணி நேரம் கழித்து சாப்பிடவும்.
மஞ்சள் அதிகம் சேர்த்துள்ள உணவுகளை சாப்பிடக்கூடாது. மஞ்சள் நம் உடலுக்கு நன்மையாக இருந்தாலும், நாவல் பழம் சாப்பிட்ட உடன் மஞ்சள் கலந்த உணவு எடுத்துக் கொள்வது வயிறு எரிச்சல், குமட்டல் பிரச்சனைக்கு வழிவகுக்கும்.
எண்ணெயில் பொரித்த உணவுகளை சாப்பிடக்கூடாது. ஏனென்றால் நாவல் பழம் எளிதில் செரிமானம் ஆகக்கூடிய ஒன்றாகும். ஆனால் எண்ணெய்யில் பொரித்த உணவுகள், பலகாரங்கள் செரிமானம் ஆவதற்கு நேரம் எடுத்துக் கொள்ளும். இதனால் வயிறு உப்புசம், வாயு தொல்லை ஏற்படும்.
நாவல் பழம் சாப்பிட்டதும் பால் குடிப்பதை தவிர்க்கவும். ஏனென்றால் நாவல் பழம் புளிப்பு சுவை கொண்டது. இதனால் நாம் குடிக்கும் பால் திரிந்து போய்விடும். இதனால் வயிறு வலி, குமட்டல் ஏற்படும். ஒரு மணி நேரம் கழித்து இதனை எடுத்துக் கொள்ளலாம்.
நாவல் பழம் சாப்பிட்டு தண்ணீர் குடிக்கும் பழக்கம் நம்மில் பலருக்கு உண்டு. ஆனால் தண்ணீரும் குடிக்கக்கூடாது. ஏனென்றால் இது நம் வயிற்றில் உள்ள செரிமான சாறுகளை நீர்த்துப் போக செய்யும். இதனால் வயிற்றுப்போக்கு, உப்புசம் போன்ற பிரச்சனைகள் ஏற்படும்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
