இறால் முதுகில் இருக்கும் கருப்பு நரம்பை நீக்காமல் சமைத்தால் என்ன நடக்கும்?

கடல் உணவு பிரியர்களுக்கு இறால் என்று சொன்னாலே நாவில் உமிழ்நீர் வடியும். ஒரு உணவகத்தில் இறால் சாப்பிடுவதற்கு முன் அல்லது வீட்டில் சமைப்பதற்கு முன், நினைவில் கொள்ள வேண்டிய ஒன்று உள்ளது.

உங்கள் சிறுநீரகம் படிப்படியாக செயலிழக்கின்றதா? காட்டிக்கொடுக்கும் ஐந்து நிலைகள் இதோ

என்னவெனறால் இறாலின் பின்புறத்தில் ஒரு அடர் நிற கோடு போல இருக்கும் கருப்பு பகுதியை அகற்றுவது. இதனை அகற்றுவது நம் உடலுக்கு பல நன்மைகள் கிடைக்கின்றது.

இறாலின் பின்புறத்திலுள்ள அடர் நிற கோடுசாப்பிட்டால் என்ன நடக்கும்? ஏதேனும் உடல்நல ஆபத்து உள்ளதா? என நாம் இங்கு பார்ப்போம்.

இறாலில் கருப்பு நரம்பை நீக்காமல் சமைக்கிறீங்களா

செரிமானத்தை பாதிக்கும் - இறாலின் பின்புறத்தில் உள்ள இந்தக் கருப்புக் கோடு நரம்பு என்று அழைக்கப்பட்டாலும், அது உண்மையில் இறாலின் செரிமானப் பாதையாகும்.

இதில் செரிக்கப்படாத உணவு, கழிவுகள் மற்றும் சில நேரங்களில் மணல் ஆகியவை உள்ளன. இறால் உண்ணும் உணவு மற்றும் தண்ணீரின் தரத்தைப் பொறுத்து இது பச்சை அல்லது கருப்பு நிறத்தில் இருக்கும். இதில் கழிவுகள் மற்றும் சில நச்சுகள் இருக்கலாம்.

செரிமானப் பிரச்சனைகள் - செரிமானப் பாதை இறால் இறைச்சிக்கு மணல் தன்மை மற்றும் சற்று கசப்பான சுவையை அளிக்கிறது. இது ஒட்டுமொத்த சுவையையும் பாதிக்கிறது.

நமது செரிமான அமைப்பில் நுழையும் இந்தக் கழிவுகள் சிலருக்கு, குறிப்பாக உணர்திறன் வாய்ந்த செரிமானம் அல்லது மீன் ஒவ்வாமை உள்ளவர்களுக்கு செரிமானப் பிரச்சனைகளை ஏற்படுத்தும்.

இறாலை கழுவும் முறை

முதலில் இறாலின் தலை மற்றும் கால்களை அகற்றவும். பின்னர் வாலை அப்படியே விட்டுவிட்டு ஓட்டை அகற்றவும். வாலை அப்படியே விட்டுவிடுவது கையாளுவதை எளிதாக்குகிறது.

கூர்மையான கத்தியைப் பயன்படுத்தி, இறாலின் பின்புறத்தில் ஒரு ஆழமற்ற, லேசான வெட்டு போடுங்கள்.

இப்போது, கத்தியின் நுனி அல்லது ஒரு டூத்பிக் பயன்படுத்தி, கருப்பு நரம்புகளை மெதுவாக மேலே இழுக்கவும். நரம்புகளை அகற்றிய பிறகு மீதமுள்ள அழுக்குகளை அகற்ற இறாலை குளிர்ந்த நீரில் நன்கு அலசவும்.

இறால் பொதுவாக குறைந்த கொழுப்புள்ள கடல் உணவாகக் கருதப்படுகிறது. அதில் உள்ள கொழுப்பு மிகவும் ஆரோக்கியமானது. இறால் ஒமேகா-3 கொழுப்பு அமிலங்களின் நல்ல மூலமாகும்.

இதில் குறிப்பாக ஈகோசாபென்டெனோயிக் அமிலம் (EPA) மற்றும் டோகோசாஹெக்ஸெனோயிக் அமிலம் (DHA) உள்ளன.

இந்த ஒமேகா-3கள் இதய ஆரோக்கியத்திற்கும் மூளை செயல்பாட்டிற்கும் மிகவும் நல்லது. நரம்பு அகற்றப்பட்டாலும் இல்லாவிட்டாலும் இறாலில் உள்ள இந்த ஊட்டச்சத்து மதிப்புகள் மாறாது.

காலையில் எழுந்ததும் எந்தெந்த பொருட்களை பார்த்தால் அதிர்ஷ்டம்? கட்டாயம் தெரிஞ்சிக்கோங்க