லங்காசிறி FM
பப்பாளியை காயாக சாப்பிட்டால் இவ்வளவு நன்மையா? பலரும் அறியாத ரகசியம்
பப்பாளியை காயாக சாப்பிடுவதால் கிடைக்கும் ஏராளமான நன்மையினை இந்த பதிவில் தெரிந்து கொள்வோம்.
பப்பாளி
பொதுவாக பப்பாளியில் எண்ணற்ற சத்துக்கள் காணப்படுகின்றது. உடல் நலத்திற்கு மிகவும் அருமையான பழமாக இருப்பதுடன் சிறியவர்கள் முதல் பெரியவர்கள் வரை அனைவரும் விரும்பி சாப்பிடுவார்கள்.
பெரும்பாலும் பப்பாளியினை பழமாகவே பலரும் சாப்பிட்டு பழகியிருப்பார்கள். பழுக்காத பப்பாளியினை சாப்பிட்டாலும் எண்ணற்ற சத்துக்கள் இருப்பதாக நிபுணர்கள் கூறுகின்றனர்.
அதாவது பழத்தினை விட பழுக்காத பப்பாளியில் தான் அதிக நன்மைகள் இருக்கின்றதாம். நார்ச்சத்து, வைட்டமின் சி, கரோட்டினாய்டுகள் மற்றும் இயற்கை நொதிகள் இறைந்துள்ளதுடன், உடலுக்கு தேவையான ஊட்டச்சத்துக்களையும் அளிக்கின்றது.
பச்சை பப்பாளியின் பயன்கள்
செரிமான பிரச்சனை உள்ளவர்களுக்கு பழுக்காத பப்பாளி நல்ல தீர்வாக இருக்கின்றது. ஆம் வயிற்றில் கனமான உணர்வு, வாயுத் தொல்லை, அஜீரணம் பிரச்சனைக்கு இதிலுள்ள பப்பாயின் என்ற நொதி உதவுகின்றது.
குறைவான அளவில் இதனை தவறாமல் எடுத்துக் கொண்டால் செரிமானம் மேம்படுவதுடன், பசியையும் அதிகரிக்கும்.
எடையைக் குறைக்க நினைப்பவர்களுக்கு இது சிறந்த உணவாகும். பழுக்காத பப்பாளியில் கலோரிகள் குறைவாகவும், நார்ச்சத்து அதிகமாகவும் இருக்கின்றது. வயிறு நிறைந்த உணர்வை அளிப்பதால் அடிக்கடி வேறு உணவுகளை சாப்பிடுவதை தவிர்க்க முடியும்.
உடம்பில் தேங்கியுள்ள அசுத்தங்களையும், நச்சுக்களையும் வெளியேற்ற உதவுவதுடன், சோர்வு, வாயுத்தொல்லை இவற்றிற்கும் சிறந்ததாக இருக்கின்றது.
சருமத்திற்கு பொலிவினை அளிப்பதுடன், ரத்தத்தை சுத்திகரித்து, முகத்தை மென்மையாகவும் வைத்திருக்க உதவுகின்றது. முகப்பரு, பொழிவிழந்த சருமம் இவற்றிற்கு பயனுள்ளதாக இருக்கின்றது.
ஹார்மோன் சமநிலையின்மையை சரிசெய்வதற்கு உதவுகின்றது. ஆனால் கர்ப்பிணிகள் அல்லது கருத்தரிக்க திட்டமிடுபவர்கள் இதனை சாப்பிடாமல் தவிர்க்கவும்.
பப்பாளி காயை காய்கறியாகவே, சூப்பாகவே, சாலட்டாகவே எடுத்துக்கொள்ளலாம். வேக வைத்து பொரியலாகவும் சாப்பிடலாம், ஆனால் பப்பாளி காய் அனைவருக்கும் ஏற்றதல்ல.
மருந்து, மாத்திரை மற்றும் சிகிச்சை நோயாளிகள் பப்பாளியை மருத்துவ ஆலோசனை இல்லாமல் எடுத்துக்கொள்வது கூடாது.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
