Seven Stars in Kyushu: பயணத்தை ரசிக்க வைக்கும் ஜப்பானின் சொகுசு ரயில்!

ஜப்பான் அதன் அதிவேக ரயில்களுக்கு பெயர் பெற்றது என்பது அனைவரும் அறிந்த விடயம் தான். பாரம்பரிய ஜப்பானிய கைவினைத்திறனையும் நவீன சொகுசு வசதிகளையும் இணைத்து உருவாக்கப்பட்டுள்ள இந்த ரயில், ஒரு கலைப் படைப்பைப் போல காட்சியளிக்கிறது.  

ஜப்பானின் முன்னணி ரயில் நிறுவனமான JR Kyushu இயக்கும் இந்த ரயில், புகழ்பெற்ற தொழில்துறை வடிவமைப்பாளர் ஈஜி மிட்டூக்காவால் வடிவமைக்கப்பட்டது. ‘செவன் ஸ்டார்ஸ்’ ரயிலின் மிகப்பெரிய சிறப்பு அதன் வெளிப்புற தோற்றம் மட்டுமல்ல; அதன் உட்புற வடிவமைப்பும் ஆகும்.

10 நாடுகளை இணைக்கும் ஒரே ஒரு நதி.., எது தெரியுமா?

‘செவன் ஸ்டார்ஸ் இன் கியூஷு’

ஒவ்வொரு அறையிலும் நுணுக்கமான மர வேலைப்பாடுகள், கையால் செய்யப்பட்ட மரச்சாமான்கள் மற்றும் ஜப்பானிய கலாச்சாரத்தை பிரதிபலிக்கும் அலங்காரங்கள் இடம்பெற்றுள்ளன.  தனிப்பட்ட அறைகள், உயர்தர உணவு வழங்கும் வசதி மற்றும் ஓய்வெடுக்கும் சிறப்பு பகுதிகள் இதில் உள்ளன.

பயணிகள் ரயிலில் பயணிப்பதைவிட, ஒரு பாரம்பரிய ஜப்பானிய அரண்மனையில் தங்கியிருப்பது போன்ற உணர்வைப் பெறும் வகையில் இதன் வடிவமைப்பு உருவாக்கப்பட்டுள்ளது.

இயற்கையின் வழியாக செல்லும் கனவு பயணம்

‘செவன் ஸ்டார்ஸ் இன் கியூஷு’ ரயில், ஃபுகுவோகா நகரில் உள்ள ஹகாட்டா நிலையத்திலிருந்து தனது பயணத்தை தொடங்கி மீண்டும் அதே இடத்தில் நிறைவடையும் சுற்றுப்பயணத்தை மேற்கொள்கிறது.

பருவநிலைக்கு ஏற்ப பயணிகள் இரண்டு வகையான அனுபவங்களைத் தேர்வு செய்யலாம்.  2 நாட்கள் மற்றும் 1 இரவு கொண்ட குறுகிய பயணம் 4 நாட்கள் மற்றும் 3 இரவுகள் கொண்ட முழுமையான சொகுசு பயணம் இந்த பயணத்தின் போது, பயணிகள் ஜப்பானின் இயற்கை அழகு மட்டுமல்லாமல், அப்பகுதியின் பாரம்பரிய உணவு, உள்ளூர் கலாச்சாரம் மற்றும் வரலாற்றுச் சிறப்புமிக்க இடங்களையும் அனுபவிக்க முடியும்.

170 படங்களில் நடித்த பிரபல நடிகர்... இன்று முதியோர் இல்லத்தில் கண்ணீருடன் மோகன் சர்மா!

வியக்கவைக்கும் ரயில் கட்டணம் 

இந்த ரயிலின் கட்டணம் அதன் தனித்துவத்திற்கேற்ப மிகவும் உயர்ந்ததாக உள்ளது. பயணத் திட்டம் மற்றும் அறை வகையைப் பொறுத்து கட்டணங்கள் மாறுபடுகின்றன.

2 நாட்கள் மற்றும் 1 இரவு கொண்ட பயணத்தில், இருவர் தங்கும் ‘சூட் கேபின்’ வசதிக்கான கட்டணம் ஒரு நபருக்கு சுமார் ¥700,000-லிருந்து தொடங்குகிறது.

அதே சமயம் தனிப்பட்ட ‘DX Suite A’ வசதி தேர்வு செய்தால் கட்டணம் ¥1.6 மில்லியன் வரை செல்லலாம். 4 நாட்கள் மற்றும் 3 இரவுகள் கொண்ட நீண்ட பயணத்தில், சூட் கேபின் வசதி ஒரு நபருக்கு சுமார் ¥1.35 மில்லியனிலிருந்து தொடங்குகிறது.

உயர்தர தனிப்பட்ட அறையான DX Suite A வசதிக்கு ¥2.85 மில்லியன் வரை கட்டணம் இருக்கலாம். இந்திய மதிப்பில் பார்த்தால், இது தோராயமாக ₹4 லட்சம் முதல் ₹17 லட்சம் வரையிலான ஒரு ஆடம்பர அனுபவமாக அமைகிறது.

View this post on Instagram

A post shared by Will Davis (@trektrendy)