லங்காசிறி FM
யூரிக் அமில பிரச்சனையால் அவதியா? இந்த உணவுகளை எடுத்துக்கோங்க
யூரிக் அமில பிரச்சனையால் அவதிப்படுகிறவர்கள் எந்தெந்த உணவுகளை எடுத்துக் கொள்ளலாம் என்பதை தெரிந்து கொள்வோம்.
இன்றைய நவீன காலத்தில் பெரும்பாலான நபர்கள் யூரிக் அமில பிரச்சனையினால் அவதிப்பட்டு வரும் நிலையில், இதற்கு ஆரோக்கியமற்ற உணவுமுறை, வாழ்க்கை முறையே முக்கிய காரணமாக இருக்கின்றது.
யூரிக் அமிலம் என்பது பியூரின்கள் எனப்படும் புரத முறிவால் உடலில் உருவாகும் ஒரு கழிவுப்பொருளாகும். இவை சரியான அளவில் இருக்க வேண்டும். அவ்வாறு இல்லை என்றால் மூட்டுவலி, வீக்கம், நடப்பதில் சிரமம், சிறுநீரக கற்கள், சோர்வு, பசியின்மை போன்ற பிரச்சனைகள் ஏற்படும்.
நமது உணவு பழக்கவழக்கங்களில் கவனம் செலுத்தாமல் இருந்தால் நீரிழப்பு ஏற்படுவதுடன், யூரிக் அமிலத்தின் அளவும் அதிகரிக்கும்.
இந்த பதிவில் யூரிக் அமில பிரச்சனை உள்ளவர்கள் புரதச்சத்து உணவுகளை முற்றிலும் தவிர்க்க வேண்டுமா? என்பதையும் குறித்த பிரச்சனை உள்ளவர்கள் என்னென்ன உணவுகளை எடுத்துக் கொள்ள வேண்டும்.
என்னென்ன உணவுகள் எடுத்துக் கொள்ளலாம்?
யூரிக் அமில அளவு அதிகமாக இருக்கும்போது புரத உட்கொள்வதை தவிர்க்காமல், மாறாக பியூரின் உணவுகளை சாப்பிடுவதைத் தவிர்க்க வேண்டும்.
சிறுநீரகங்கள் யூரிக் அமிலத்தை அகற்ற யூரிக் அமில பிரச்சனை உள்ளவர்கள் வைட்டமின் சி சத்து நிறைந்த உணவுகளாக நெல்லிக்காய் அல்லது ஆரஞ்சு இவற்றினை எடுத்துக் கொள்ளலாம்.
மேலும் பச்சை பப்பாளியில் உள்ள பப்பேன் என்னும் நொதி செரிமானத்திற்கு உதவுவதுடன், வீக்கத்தையும் குறைக்கின்றது. ஆதலால் சரியான அளவில் எடுத்துக் கொண்டால் மூட்டுவலி பிரச்சனையிலிருந்து விடுபடலாம்.
இலவங்கபட்டை யூரிக் அமில அளவுகளை கட்டுப்படுத்த உதவுகின்றது. காலை வெதுவெதுப்பான நீரில் சிறிய துண்டு இலவங்கப்பட்டை சேர்த்து கொதிக்க வைத்து குடிக்கலாம். காலை அல்லது மதியம் ஒன்று அல்லது இரண்டு கப் பிளாக் காபி அல்லது கிரீன் டீ பருகலாம்.
டோஃபு, முட்டை, தயிர் மற்றும் நட்ஸ், முழு தானியங்கள், வேர்க்கடலை வெண்ணெய், குறைந்த கொழுப்புள்ள பால், செர்ரி, ஸ்ட்ராபெர்ரி, ப்ளூபெர்ரி இவற்றினை எடுத்துக் கொண்டால் யூரிக் அமிலம் மற்றும் மூட்டு வீக்கத்தை குறைக்குமாம்.
பருப்பு, காளான், பட்டாணி இவற்றினை மிதமாக எடுத்துக் கொள்ளலாம். யூரிக் அமில பிரச்சனையால் அனைத்து உணவுகளையும் தவிர்ப்பது வேண்டாம்.
பீர், விஸ்கி, அதிக இனிப்பு உணவுகள், குளிர்பானங்கள், சிவப்பு இறைச்சி, கல்லீரல் மற்றும் இறால் போன்றவற்றை சாப்பிடுவதை தவிர்க்கவும்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
