நீண்ட ஆயுளில் ஜப்பான் முதலிடம்: ரகசியம் இது தான்!

Why do Japanese people live longer : ஜப்பான் நாட்டில் 100 வயதைக் கடந்தவர்களின் எண்ணிக்கை ஒரு லட்சத்தை நெருங்கியுள்ளது.

உலகிலேயே நீண்ட ஆயுட்காலம் கொண்ட மக்களைக் கொண்ட நாடுகளில் ஒன்றாகத் திகழும் ஜப்பானில், இவ்வாறு அதிக எண்ணிக்கையிலானோர் நூறு வயதைக் கடந்து வாழ்வதற்கு இவர்கள் தொன்று தொட்டு பின்பற்றும் தனித்துவமான உணவு முறைகள் மற்றும் வளர்ச்சியடைந்த மருத்துவம் என்பன காரணமாக இருக்கின்றது. 

ஒவ்வொரு குடிமகனும் கோடீஸ்வரரா? உலகின் செல்வந்த நாடு இதுதான்!

அந்தவகையில், அவர்களின் உணவுப் பழக்கம், வாழ்க்கை முறை, உடல் இயக்கம், சமூக உறவுகள் மற்றும் மருத்துவ வசதிகள் ஆகியவை இதில் எந்த அளவுக்கு முக்கியப் பங்கு வகிக்கின்றன என்பதை விரிவாகப் பார்க்கலாம்.

ஜப்பானியர்களின் நீண்ட ஆயுளின் ரகசியம் 

ஜப்பானில் நூறு வயதைக் கடந்த முதியவர்களின் எண்ணிக்கை, 2025 செப்டம்பர் நிலவரப்படி, 99,763 ஆக உயர்ந்து புதிய உச்சத்தை எட்டியுள்ளது.கடந்த 55 ஆண்டுகளாக இந்த எண்ணிக்கை தொடர்ந்து அதிகரித்து வருகின்றமையும்,  நூறு வயதைக் கடந்தவர்களில் சுமார் 88 சதவீதம் பேர் பெண்கள் என்பதும் கவனிக்கத்தக்க அம்சமாகும்.

ஜப்பானியர்களின் நீண்ட ஆயுளுக்குப் பின்னால் அவர்களின் கட்டுப்பாடான வாழ்க்கை முறை மட்டுமின்றி, சமூக அமைப்பு மற்றும் சுகாதாரக் கட்டமைப்பும் முக்கியப் பங்கு வகிக்கின்றன.

அளவான உணவும் ஆரோக்கியமான உணவுப் பழக்கமும் ஜப்பானியர்களின் நீண்ட ஆயுளுக்கான முக்கியக் காரணங்களில் ஒன்றாக அவர்களின் உணவுப் பழக்கம் கருதப்படுகிறது.

வயிறு முழுமையாக நிரம்பும் வரை உண்பதைத் தவிர்த்து, சுமார் 80 விழுக்காடு நிறைந்தவுடன் உண்பதை நிறுத்தும் பழக்கம் அவர்களிடம் காணப்படுகிறது. இதன் மூலம் தேவைக்கு அதிகமாக உணவு உட்கொள்வதைத் தவிர்த்து, உடல் எடையைக் கட்டுக்குள் வைத்திருக்க முடிகிறது.

அதேபோல், பாரம்பரிய ஜப்பானிய உணவில் காய்கறிகள், மீன், கடல் உணவுகள், சோயா சார்ந்த உணவுகள் உள்ளிட்ட பல்வேறு ஊட்டச்சத்துமிக்க உணவுகள் இடம்பெறுகின்றன.அளவோடு உண்பதும், உணவில் பல்வேறு ஊட்டச்சத்துகளுக்கு முக்கியத்துவம் அளிப்பதும் உடல் ஆரோக்கியத்தைப் பாதுகாப்பதில் பெரும் பங்கு வகிக்கின்றது. 

அன்றாட வாழ்க்கையிலேயே உடல் இயக்கம் ஜப்பானியர்களின் வாழ்க்கை முறையில் உடற்பயிற்சி என்பது தனியாக ஒதுக்கப்படும் ஒரு செயலாக மட்டுமல்லாமல், அன்றாட நடவடிக்கைகளின் ஒரு பகுதியாகவே உள்ளது.

நடைப்பயிற்சி மேற்கொள்வது, வீட்டு வேலைகளைச் செய்வது, அன்றாடத் தேவைகளுக்காக நடந்து செல்வது போன்ற செயல்பாடுகள் அவர்களின் உடல் இயக்கத்தைத் தொடர்ந்து பராமரிக்க உதவுகின்றன.

மேலும், வயது முதிர்ந்த பின்னரும் தங்களுக்குப் பிடித்தமான பணிகள் மற்றும் செயல்பாடுகளில் தொடர்ந்து ஈடுபடுகின்றனர்.

இதனால் முதுமையிலும் உடல் சுறுசுறுப்புடன் இருப்பதோடு, மனதளவிலும் உற்சாகத்தையும் வாழ்க்கையின் மீதான ஆர்வத்தையும் தொடர்ந்து பேண முடிகிறது.

பெண்களின் நீண்ட ஆயுளுக்கான காரணங்கள் ஜப்பானில் நூறு வயதைக் கடந்தவர்களில் பெண்களின் எண்ணிக்கை அதிகமாக இருப்பது குறிப்பிடத்தக்கது.

இதற்கு உயிரியல் ரீதியான காரணிகளுடன், பெண்களின் சுகாதார விழிப்புணர்வும் ஒரு காரணமாகக் கூறப்படுகிறது. நோய் தீவிரமடைவதற்கு முன்பே அதைக் கண்டறிவதற்கான மருத்துவப் பரிசோதனைகளை மேற்கொள்வது, உடல்நிலையில் ஏற்படும் மாற்றங்களைத் தொடர்ந்து கவனிப்பது போன்ற தடுப்பு சுகாதார நடைமுறைகள் அவர்களின் ஆரோக்கியத்தைப் பாதுகாக்க உதவுகின்றன.

அதுமட்டுமின்றி, முதுமையிலும் வலுவான சமூகத் தொடர்புகளைப் பேணுவதும் முக்கியமானதாகக் கருதப்படுகிறது. நண்பர்கள் மற்றும் உறவினர்களுடன் தொடர்ந்து தொடர்பில் இருப்பது, தினசரி உரையாடல்களில் ஈடுபடுவது போன்றவை தனிமை உணர்வையும் மன அழுத்தத்தையும் குறைக்க உதவுகின்றன.

தரமான மருத்துவ வசதிகளும் நோய்த் தடுப்பு நடவடிக்கைகளும் ஜப்பானின் சுகாதாரக் கட்டமைப்பும் மக்களின் நீண்ட ஆயுளில் முக்கியப் பங்கு வகிக்கிறது. அரசு வழங்கும் தரமான பொது மருத்துவக் காப்பீட்டின் உதவியுடன், மக்கள் தேவையான மருத்துவச் சேவைகளைப் பெறுவதற்கான வாய்ப்பு பரவலாக உள்ளது.

குறிப்பாக, நோய் ஏற்பட்ட பிறகு சிகிச்சை பெறுவதற்கு மட்டும் முக்கியத்துவம் அளிக்காமல், நோய்களை ஆரம்ப நிலையிலேயே கண்டறிந்து தடுப்பதற்கான மருத்துவப் பரிசோதனைகளுக்கும் முக்கியத்துவம் அளிக்கப்படுகிறது.

இதனால் பல்வேறு நோய்களை ஆரம்பக் கட்டத்திலேயே கண்டறிந்து, உரிய சிகிச்சையை விரைவாகத் தொடங்க முடிகிறது. நீண்ட ஆயுளுக்குப் பின்னால் உள்ள வாழ்க்கை முறை ஒட்டுமொத்தமாகப் பார்க்கும்போது, ஜப்பானியர்களின் நீண்ட ஆயுளுக்கான ஒரே ஒரு காரணத்தைக் குறிப்பிட்டு சொல்ல முடியாது. 

Computer keyboardஇல் எழுத்துக்கள் ஏன் வரிசைப்படி இல்லை? சுவாரஸ்ய ரகசியம்!

அளவான உணவு, ஊட்டச்சத்துமிக்க பாரம்பரிய உணவுப் பழக்கம், தொடர்ந்து மேற்கொள்ளப்படும் உடல் இயக்கம், முதுமையிலும் சுறுசுறுப்பாக இருப்பது, வலுவான சமூக உறவுகளைப் பேணுவது, நோய்களை முன்கூட்டியே கண்டறியும் மருத்துவப் பரிசோதனைகள் மற்றும் தரமான மருத்துவ வசதிகள் எனப் பல்வேறு காரணிகள் ஒன்றிணைந்து அவர்களின் நீண்ட ஆயுளுக்கு அடித்தளமாக அமைந்துள்ளன.

இதனால், ஜப்பான் உலகிலேயே நீண்ட ஆயுட்காலம் கொண்ட மக்களைக் கொண்ட நாடுகளில் ஒன்றாகத் தொடர்ந்து விளங்கி வருகிறது.

நீண்ட காலம் வாழ்வது மட்டுமல்லாமல், முதுமையிலும் ஆரோக்கியமாகவும் சுறுசுறுப்பாகவும் வாழ்வதற்கான வாழ்க்கை முறையைப் பின்பற்றுவதுதான் ஜப்பானியர்களின் சிறப்பாகவும் பார்க்கப்படுகின்றது.