2வது திருமணம் செய்த நடிகர் விஷ்ணு விஷால் செய்த கப்பிங் தெரபி! எதற்காக இந்த சிகிச்சை?

தமிழ் சினிமாவில் முன்னணி நடிகராக வலம் வரும் நடிகர் விஷ்ணு விஷால் கப்பிங் தெரபி செய்து கொண்ட புகைப்படங்கள் இணையத்தில் வைரலாகி வருகிறது.

சமீபத்தில் பேட்மிண்டன் வீராங்கனையான ஜீவாலா கட்டாவை 2வதாக திருமணம் செய்து கொண்டார் விஷ்ணு விஷால்.

வித்தியாசமான கதையம்சம் கொண்ட படங்களை தேர்ந்தெடுத்து நடிப்பதில் வல்லவரான விஷ்ணு விஷால் சமீபத்தில் கப்பிங் தெரபி சிகிச்சையை செய்து கொண்டார்.

எதற்காக இந்த சிகிச்சை செய்யப்படுகிறது என்பது குறித்து விரிவாக தெரிந்து கொள்ளலாம்.

'கப்பிங் தெரபி' என்பது கப்பை (Cup) வைத்து செய்யப்படும் பண்டைய கால சிகிச்சை முறை, எகிப்தில் பிறந்த இந்த சிகிச்சை முறையை அரபி மொழியில் ஹிஜாமா என அழைக்கின்றனர்.

ஹாலிவுட் நடிகை கிவ்யினெத் பால்த்ரோ (Gwyneth Paltrow), அமெரிக்க நீச்சல் வீரர் மைக்கேல் ஃபெல்ப்ஸ் போன்றோர் இந்த சிகிச்சையை எடுத்துக் கொள்கின்றனர்.

இந்தியாவிலும் பிரபலங்கள் மத்தியில் இச்சிகிச்சை முறை பிரபலமாகி வரும் நிலையில், தமிழ் நடிகரான விஷ்ணு விஷால் எடுத்துக் கொண்டுள்ளார்.

எப்படி செய்யப்படுகிறது?

நம் உடலில் நான்கு வகையான திரவங்கள் உள்ளன. அவை ரத்தம் ((Blood), சளி (Phlegm), மஞ்சள் பித்தம் (yellow bile) மற்றும் கரும் பித்தம் (black bile).

இதில் நச்சுத்தன்மை உடைய கரும் பித்தத்தால் உடலில் பல்வேறு தீமைகள் ஏற்படுகின்றன, இதனை உடலிலிருந்து நாம் நீக்க வேண்டும்.

கை மற்றும் கால் பகுதி, முதுகுப்பகுதி, தோள்பட்டைப்பகுதி, தலைப் பகுதி ஆகிய இடங்களில் இந்த 'கப்பிங் தெரபி' செய்யப்படும்.

தெரபி செய்யப்படும் இடத்தில் ஒரு கப்பை வைக்க வேண்டும். ஏர் பிரசர் மூலமாக கப்பில் உள்ள காற்று வெளியேற்றப்படும். காற்று வெளியேறும் போது கப் தோலை இறுக்கமாக பிடித்துக்கொள்ளும்.

கப்பின் உள்ளே காற்று இல்லாத காரணத்தால் சருமத்தில் சிகப்பு மார்க் விழும். சிறிதுநேரம் கழித்து, கப் அகற்றப்படும்.

இப்போது, மார்க் விழுந்த இடத்தில் ஊசியைகொண்டு துளையிட வேண்டும் (Air line cracking) . மீண்டும் ஏர்பிரசர் மூலமாக அதே இடத்தில் கப்பை பொறுத்தி கீறிய துளைகளின் வழியாக நச்சுக்கள் ரத்தத்தின் மூலமாக வெளியேற்றப்படும். முழுவதுமாக வெளியேறிய பின்பு கப் அகற்றப்படும்.

எந்த நோய்க்கு மருந்தாகிறது?

கை, கால் வலி, உடல் வலி, தூக்கமின்மை, மன அழுத்தம், ஒற்றைத் தலைவலி, முடக்கு வாதம், மூட்டு வீக்கம், வயிற்றுப் புண், உயர் ரத்த அழுத்தம், மன அழுத்தம், தூக்கமின்மை, முதுகு வலி மற்றும் மூட்டு வலி, கீழ்வாதம், மாதவிடாய் பிரச்னைகள், கால் நரம்பு வலி, தன்னிச்சையாக சிறுநீர் கழிதல் போன்றவற்றிற்கு தீர்வாகிறது.