லங்காசிறி FM
விஜயகுமார் வீட்டில் கொண்டாட்டம்... குட்டி வரவுக்காக காத்திருக்கும் குடும்பம்! வைரல் புகைப்படங்கள்
பழம்பெரும் நடிகர் விஜயகுமாரின் பேத்தி தியா கர்ப்பமாக இருப்பதை அண்மையில் மகிழ்ச்சியுடன் அறிவித்திருந்த நிலையில், தற்போது அவருக்கு வளைகாப்பு கோலாகலமாக நடைபெற்றுள்ளது.
குறித்த வளைகாப்பு விழவின் அழகிய புகைப்படங்களை தியா தனது இன்ஸ்டாகிராம் பக்கத்தில் பகிர்ந்திருப்பது ரசிகர்கள் மத்தியில் தற்போது கவனம் ஈர்த்து வருகின்றது.
நடிகர் விஜயகுமார்
தமிழ் சினிமாவில் பல தசாப்தங்களாக தனக்கென தனி இடம் பிடித்திருக்கும் நடிகர் விஜயகுமார், தமிழ் மட்டுமின்றி தெலுங்கு, இந்தி, மலையாளம் உள்ளிட்ட பல மொழிகளில் 400-க்கும் மேற்பட்ட படங்களில் நடித்து ரசிகர்களின் மனதில் அழியாத இடம் பிடித்தவர்.
இவரின் குடும்பத்தை சேர்ந்த அனைவருமே நடிப்புத் துறையில் பயணித்திருந்தாலும் அனிதா விஜயகுமார் மாத்திரம் தனக்கென வேறு பாதையை தெரிவுசெய்துக் கொண்டார்.
நடிகர் விஜயகுமாரின் மனைவிகள் இருவருக்கும் பிறந்த குழந்தைகள் தான் அனிதா விஜயகுமார், கவிதா விஜயகுமார், அருண் விஜய், பிரீத்தா விஜயகுமார், ஸ்ரீதேவி விஜயகுமார் மற்றும் பிக் பாஸ் பிரபலம் வனிதா விஜயகுமார்.
மருத்துவரான அனிதா விஜயகுமார், கோகுல் என்பவரை திருமணம் செய்து கொண்டார். அனிதாவிற்கு, தியா, ஸ்ரீஜெய் என இரண்டு பிள்ளைகள் உள்ளனர். இதில், விஜயகுமாரின் பேத்தி தியா அப்பா அம்மாவை போலவே மருத்துவம் படித்துள்ளார்.
கடந்த 2024 ஆம் ஆண்டு, தியாவுக்கு தில்லா என்பவருடன் திருமணம் மிகவும் கோலாகலமாக நடைபெற்றது. தற்போது லண்டனில் செட்டிலாகி இருக்கும் தியா கடந்த வருடம் புதிதாக வீடு வாங்கி கிரபிரவேஷம் செய்த புகைப்படங்களும் இணையத்தில் வைரலானது.
குடும்ப பாசத்திற்கும், ஒற்றுமைக்கும் எடுத்துக்காட்டாக சொல்லப்படும் இந்த குடும்பத்தில் தற்போது இன்னொரு சந்தோஷ தருணம் கொண்டாடப்பட்டுள்ளது.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
கோண்டாவில், யாழ்ப்பாணம், மட்டக்களப்பு, கொழும்பு, London, United Kingdom, Richmond Hill, Canada
23 Jun, 2026
