லங்காசிறி FM
நாவூரும் சுவையில் தக்காளி குழம்பு... 10 நிமிடத்தில் தயார் செய்யலாம்
Vinoja
எல்லா காலங்களிலும் கிடைக்கக்கூடிய தக்காளி சமையலில் முக்கிய இடத்தை பிடித்து விடுகின்றது. இதன் நிறமும் சுவையும் பார்ப்பவர்களை கவரும் வகையில் அமைந்திருக்கும்.
சைவ சமையலாக இருந்தாலும் அசைவ சமையலாக இருந்தாலும் தக்காளி இன்றியமையாதது.
தக்காளியில் அதிகளவு வைட்டமின் -சி மற்றும் பீட்டா கரோட்டின் இருப்பதால் நோய் எதிர்ப்பு சக்தியை அதிகரிப்பதில் மிக முக்கிய பங்கு வகிப்பதுடன் கண்பார்வையை சீர் செய்கின்றது.
இப்படி மருத்துவ குணங்கள் நிறைந்த தக்காளியில் 10 நிமிடத்தில் ஆரோக்கியத்துடன் கூடிய சுவையான குழம்பு செய்வது எப்படி என பார்க்கலாம்.
தேவையான பொருட்கள்
நாட்டுத் தக்காளி, அல்லது சாதாரண தக்காளி - 4
பச்சை மிளகாய் - 1
சின்ன வெங்காயம்- 15
பூண்டு - 10பல்
இஞ்சி சிறிய துண்டு
பொடியாக துருவிய தேங்காய் - சிறிதளவு
சீரகத்தூள் - 1 தே.கரண்டி
மிளகாய்த்தூள் -1 தே.கரண்டி
மஞ்சள்தூள் - 1/4 தே. கரண்டி
தனியாத்தூள் - 2 தே. கரண்டி
கடுகு, உளுத்தம்பருப்பு - தலா அரை தே.கரண்டி
பெரிய வெங்காயம் - 1
கறிவேப்பிலை கொத்தமல்லி - தேவையான அளவு
எண்ணெய், உப்பு - தேவையான அளவு
செய்முறை
முதலில் கடாயில் எண்ணெய் ஊற்றி அதில் சோம்பு சேர்த்து தாளித்து பட்டை, கிராம்பு சேர்த்து வதக்கி கொள்ள வேண்டும். அதன்பின் சின்ன வெங்காயம் சேர்த்து நன்றாக வதக்கிக் கொள்ள வேண்டும்.
அதன் பின்னர் தக்காளியை சேர்க்கவும், தக்காளி நன்றாக வதங்கியதும் மஞ்சள் தூள், சாம்பார் தூள், மிளகாய்த்தூள் ஆகியவற்றை சேர்த்து மீண்டும் நன்றாக வதக்கிக் கொள்ள வேண்டும்.
பின் கலவை ஆறியவுடன் ஆட்டு கல்லை பயன்படுத்தி நன்றாக அரைத்து எடுத்துக் கொள்ள வேண்டும்.
வேறு கடாயில் எண்ணெய் ஊற்றி கடுகு, உளுத்தம் பருப்பு போட்டு தாளிக்க வேண்டும். பொடியாக நறுக்கி வைத்திருக்கின்ற பெரிய வெங்காயத்தை அதில் சேர்த்து வதக்கிக் கொள்ள வேண்டும்.பின் கருவேப்பிலையை அதில் சேர்க்க வேண்டும்.
வெங்காயம் வதங்கியதும் அரைத்து வைத்திருக்கின்ற தக்காளி விழுதை அதில் சேர்த்து உப்பு சேர்த்து சிறிது தண்ணீர் சேர்த்து 5 நிமிடங்கள் கொதிக்க வைத்து இறக்கினால் மணமணக்கும் சுவையான தக்காளி குழம்பு தயார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
வேலணை மேற்கு 8ம் வட்டாரம், Jaffna, London, United Kingdom
23 Nov, 2024
வட்டுக்கோட்டை, மட்டக்களப்பு, கல்முனை, சுன்னாகம், வெள்ளவத்தை, கனடா, Canada
30 Nov, 2023
கோண்டாவில் மேற்கு, மானிப்பாய், சவுதி அரேபியா, Saudi Arabia, Baden, Switzerland
26 Nov, 2021
புங்குடுதீவு 4ம் வட்டாரம், புங்குடுதீவு 8ம் வட்டாரம், Zürich, Switzerland
20 Nov, 2024
சங்கானை, யாழ்ப்பாணம், புங்குடுதீவு 6ம் வட்டாரம், Scarborough, Canada
20 Nov, 2024
கோண்டாவில் மேற்கு, வவுனியா, Milton Keynes, United Kingdom
17 Nov, 2024
