லங்காசிறி FM
தங்கம் விலை அதிரடி சரிவு: சவரனுக்கு ரூ.1,080 குறைவு!
இன்றைய செப்டம்பர் 24ஆம் தேதி தங்கம் மற்றும் வெள்ளியின் விலையில் ஏற்பட்டுள்ள மாற்றம் குறித்து விரிவாக பார்க்கலாம்.
செப்டம்பர் மாத தொடக்கம் முதலே தங்கத்தின் விலை தொடர்ந்து ஏற்ற இறக்கங்களைச் சந்தித்து வருகிறது. கடந்த சில நாட்களாக விலையில் மாற்றங்கள் ஏற்பட்டு வரும் நிலையில், இன்று தங்கத்தின் விலை கணிசமாகக் குறைந்துள்ளது.
நேற்றைய நிலவரப்படி, 22 காரட் தங்கம் விலை ஒரு கிராமுக்கு ரூ.50 குறைந்து ரூ.14,135 ஆகவும், ஒரு சவரனுக்கு ரூ.400 குறைந்து ரூ.1,13,080 ஆகவும் விற்பனை செய்யப்பட்டது.
இன்றைய நிலவரம்
இந்நிலையில், இன்று தங்கம் விலை மேலும் அதிரடியாகக் குறைந்துள்ளது. இதனால் தங்கம் வாங்கக் காத்திருக்கும் நகைப்பிரியர்கள் மற்றும் பொதுமக்கள் மத்தியில் மகிழ்ச்சி ஏற்பட்டுள்ளது.
அதன்படி, இன்று 22 காரட் தங்கம் விலை ஒரு கிராமுக்கு ரூ.135 குறைந்து ரூ.14,000 ஆகவும், ஒரு சவரனுக்கு ரூ.1,080 குறைந்து ரூ.1,12,000 ஆகவும் விற்பனை செய்யப்படுகிறது.
அதேபோல், 18 காரட் தங்கத்தின் விலையும் ஒரு கிராமுக்கு ரூ.135 குறைந்துள்ளது. இதன்படி, ஒரு கிராம் 18 காரட் தங்கம் ரூ.11,770 ஆகவும், ஒரு சவரன் ரூ.1,080 குறைந்து ரூ.94,160 ஆகவும் விற்பனை செய்யப்படுகிறது.
தங்கத்தைத் தொடர்ந்து வெள்ளியின் விலையிலும் இன்று சரிவு ஏற்பட்டுள்ளது. வெள்ளி விலை ஒரு கிராமுக்கு ரூ.5 குறைந்து ரூ.250 ஆகவும், ஒரு கிலோ வெள்ளி ரூ.2 லட்சத்து 50 ஆயிரமாகவும் விற்பனை செய்யப்படுகிறது.
தொடர்ச்சியாக ஏற்பட்டுள்ள இந்த விலை மாற்றங்கள், தங்கம் மற்றும் வெள்ளி வாங்கத் திட்டமிடுபவர்களின் கவனத்தை வெகுவாக ஈர்த்து வருகின்றது.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP இல் இணையுங்கள். JOIN NOW |
வறுத்தலைவிளான், யாழ்ப்பாணம், கோண்டாவில், கொழும்பு, அநுராதபுரம்
25 Sep, 2022
யாழ்ப்பாணம், வவுனியா, கனடா, Canada, Montreal, Canada
31 Aug, 2015
