தங்க விலை கிடுகிடு உயர்வு – சவரனுக்கு ரூ.1,160 அதிகரிப்பு!

இன்றைய செப்டம்பர் 18ஆம் தேதிக்கான தங்கம் மற்றும் வெள்ளி விலை நிலவரத்தில் குறிப்பிடத்தக்க உயர்வு ஏற்பட்டுள்ளது. இது குறித்த விரிவான விளக்கத்தை இந்த பதிவில் பார்க்கலாம்.

செப்டம்பர் மாத தொடக்கத்தில் இருந்து தங்கம் விலை தொடர்ந்து ஏற்ற இறக்கங்களைச் சந்தித்து வரும் நிலையில், இன்று தங்கம் விலை திடீரென உயர்ந்துள்ளது.

மயக்கம் என்ன’ ரிச்சாவா இது? குடும்பத்துடன் வெளிநாட்டில்... வைரலாகும் புகைப்படங்கள்!

நேற்று, செப்டம்பர் 17ஆம் தேதி, 22 காரட் தங்கம் விலை ஒரு கிராமுக்கு ரூ.55 குறைந்து ரூ.14,010 ஆகவும், ஒரு சவரனுக்கு ரூ.440 குறைந்து ரூ.1,12,080 ஆகவும் விற்பனை செய்யப்பட்டது.

இன்றைய நிலவரம் 

இந்நிலையில், இன்று தங்கம் விலை மீண்டும் அதிரடியாக உயர்ந்துள்ளது. அதன்படி, 22 காரட் தங்கம் விலை ஒரு கிராமுக்கு ரூ.145 அதிகரித்து ரூ.14,155 ஆகவும், ஒரு சவரனுக்கு ரூ.1,160 உயர்ந்து ரூ.1,13,240 ஆகவும் விற்பனை செய்யப்படுகிறது.

ஒரே நாளில் ஏற்பட்டுள்ள இந்த விலை உயர்வு, தங்க நகை வாங்கத் திட்டமிட்டுள்ளவர்களின் கவனத்தை ஈர்த்துள்ளது.18 காரட் தங்கம் விலையும் உயர்வு அதேபோல், 18 காரட் தங்கத்தின் விலையும் இன்று அதிகரித்துள்ளது.

ஒரு கிராமுக்கு ரூ.145 உயர்ந்து ரூ.11,925 ஆகவும், ஒரு சவரனுக்கு ரூ.1,160 உயர்ந்து ரூ.95,400 ஆகவும் விற்பனை செய்யப்படுகிறது.

தங்கத்தைத் தொடர்ந்து வெள்ளி விலையும் இன்று உயர்ந்துள்ளது. ஒரு கிராமுக்கு ரூ.5 அதிகரித்து ரூ.255 ஆகவும், ஒரு கிலோ வெள்ளி ரூ.2 லட்சத்து 55 ஆயிரம் ஆகவும் விற்பனை செய்யப்படுகிறது.

சூரியன்–சனி உருவாக்கும் சமசப்தம யோகம்: அடுத்த 30 நாட்கள் இந்த ராசிகள் ஜாக்கிரதை!

இதனால், செப்டம்பர் மாதத்தில் தங்கம் மற்றும் வெள்ளி விலையில் தொடர்ந்து காணப்படும் ஏற்ற இறக்கங்களுக்கு மத்தியில், இன்று இரு உலோகங்களின் விலையும் குறிப்பிடத்தக்க அளவில் உயர்ந்துள்ளமை நகை வாங்குபவர்கள் மத்தியில் கவனம் பெற்றுள்ளது.