இந்த 7 ராசிகளில் ஒருவரை திருமணம் செய்தால் நீங்க வரம் வாங்கி வந்தவர்களாம்!

திருமணங்கள் சொர்க்கத்தில் நிச்சயிக்கப்படுகிறது என்பார்கள். 

சிலருக்கு திருமணம் சொர்க்கமாகவும், சிலருக்கு தான் ஏன் திருமணம் செய்து கொண்டேனோ என்ற மன வேதனையுடன் இருப்பார்கள்.

இந்த பதிவில் சில ராசியினரை திருமணம் செய்தால் அவர்கள் வாழ்நாள் முழுவதும் பெரியளவில் இன்பமும், அன்பும், அரவணைப்பும் தரக்கூடிய ராசியினர் யார் என்ற பொதுப் பலனை விரிவாகப் பார்ப்போம். 

​ரிஷபம்

ரிஷப ராசியினர் விசுவாசம் மிக்கவர்கள். நாம் நம் துணையிடம் எதிர்பார்க்கும் மிக முக்கிய விஷயமும் கூட. இது உறவை சீராக இயங்கச்செய்யக்கூடிய முக்கிய பண்புகளில் ஒன்று.

துரதிர்ஷ்டம் என்னவென்றால் விசுவாசமான துணையைக் கண்டுபிடிப்பது கடினம். ரிஷப ராசியினர் திருமண வாழ்க்கை மட்டுமல்ல எந்த ஒரு வேலையிலும் விசுவாசமாக, ஒரு வேலையை செய்து முடிக்க வேண்டிய பிடிவாதம், அர்ப்பணிப்பு குணம் கொண்டவர்களாக இருப்பார்கள். அதுவே திருமண வாழ்க்கையில் அர்ப்பணிப்பும், அன்பு, ஆதரவு தருவதில் இவர்கள் சிறப்பாக செயல்படுவார்கள். ​

கடகம்  

சந்திரன் அதிபதியாக கொண்ட கடக ராசியினர் அதிக ஆபத்து நிறைந்த நபர்களாக இருப்பார்கள். ஆனால் காதல், திருமண உறவு என்று வரும்போது அவர்கள், தன் துணைக்கு மிகவும் விரும்பத்தகுந்த, அர்ப்பணிப்பு கொண்ட நபர்களாக தான் இருப்பார்கள்.

எந்த ஒரு கஷ்டமான சூழலிலும் தன் அன்புக்குரியவர்களுக்காக எதையும் செய்ய தயாராக இருப்பார்கள். கடக ராசியினர் பிறருக்கு உதவி செய்வதில் மிகுந்த ஈடுபாடு கொண்டவர்கள். அப்படியெனில் தன் துணைக்கு என்றால் எப்படி பார்த்துக் கொள்வார்கள் என்பது விளங்கும். திருமண வாழ்க்கையில் திருப்தியும், மன மகிழ்ச்சியும் தரக்கூடிய நபர்கள் கடக ராசியினர். ​

மகரம்

சனி அதிபதியாக கொண்ட மகர ராசியினர் எந்த ஒரு வேலையிலும் அர்ப்பணிப்புடன் செய்யக்கூடியவர்கள். அதே போல தன் திருமண பந்தத்திலும் தன் துணைக்கு மிகுந்த அன்பும், ஆதரவுடன் இருக்கக்கூடிய நபர்களாக இருப்பார்கள்.

மகர ராசியினர் தாங்கள் நேசிப்பவர்கள் மீது எப்போதும் ஆர்வம் கொண்டுள்ளவராக இருப்பார்கள். ஆனால் தன் துணையிடம் கருத்து விவாதத்தில் ஈடுபடுவதில் தைரியம் இல்லாதவர்களாக இருக்கலாம்.

ஆனால் ஒருபோதும் தன் உள்ளுணர்வைக் கட்டுப்பாட்டில் வைத்திருக்கும் இவர்கள், பெரிய ரொமாண்டிக்கான நபராக இல்லாவிட்டாலும், அன்பும், அக்கறைக்கும் குறையிருக்காது. ​

விருச்சிகம்

பிறரால் மிகவும் விரும்பப்படக்கூடிய நபராக விருச்சிக ராசியினர் இருப்பார்கள். இதனால் திருமண வாழ்க்கையில் சரியானவர்களாக இருப்பதில்லை. துணைக்கு விருச்சிக ராசியினர் மீது சற்று பொறாமையுடன் இருப்பார்கள்.

ஆனால் விருச்சிக ராசியினரை திருமணம் செய்தவர்கள் மிகவும் கொடுத்து வைத்தவர்களாக இருப்பார்கள். அவர்கள் தன் வாழ்நாள் முழுவதும் தன் துணைக்காகவும், குடும்பத்திற்காகவும் அவர்கள் மீது கொண்ட அன்பிற்காக மிகவும் அர்ப்பணிப்புடன் செயல்படுவார்கள் என்பதில் சந்தேகம் இல்லை.

இவர்களிடம் விசுவாசமாக நடந்து கொள்ளக்கூடிய நபருக்காக எதையும் செய்யக்கூடிய நபர்களாக இருப்பார்கள். ​

துலாம்

காதல் மற்றும் திருமண இன்பம் தரக்கூடிய சுக்கிரன் துலாம் ராசியின் அதிபதி. இந்த ராசியினரிடம் உறுதியற்ற தன்மை, கர்வம் போன்ற விஷயங்கள் இருக்கலாம்.

ஆனால் திருமண உறவில் தன் துணை மீது மிகுந்த அன்பு, விசுவாசமும், முழு அர்ப்பணிப்பும் கொண்டவராக இருப்பார்கள். துலாம் ராசியினர் திருமணம் செய்து கொள்ள மிக சிறப்பான நபராக இருப்பார்கள்.

இவர்கள் தராசு போல வேலை, குடும்பம் என இரண்டையும் சமமாக பாவிப்பவர்களாக இருப்பார்கள். ​

கன்னி

மச்சக்காரன், கன்னி ராசிக்காரன் டா என படத்தில் வசனம் எல்லாம் வருவதுண்டு. ஆனால் கன்னி ராசியினரைப் பொருத்தவரை அதிகம் ரொமான்ஸ் இருக்காது.

அவர்கள் ஒரு சுயம்பாக இருக்க வேண்டும் என நினைக்கக்கூடியவர்கள். எந்த ஒரு வேலையையும் தானே செய்து முடிக்க வேண்டும் என நினைப்பவர்கள். இவர்கள் திருமண வாழ்க்கையில் தனக்கும், தன் குடும்பத்திற்கும் என தானே பார்த்து பார்த்து அனைத்தையும் வாங்கித் தருபவர்களாக இருப்பார்கள்.

இவர்களிடம் உள்ள ஒரு பிரச்னை என்னவென்றால், இவர்களை குறை கூறவோ, தவறாக பேசினால் அவர்களின் அனைத்து கோபத்தையும் நம் மீது திருப்பி விடுவார்கள். ​

மீனம்

குரு அதிபதியாக கொண்ட ராசி மீனம். இவர்கள் யாரையும் எளிதாக நம்பக்கூடியவர்கள். அன்பும், அரவணைப்பும் அனைவரிடத்திலும் காட்ட நினைப்பவர்கள்.

இந்த ராசியினரை திருமணம் செய்து கொண்டால் அவர்கள் வாழ்நாள் முழுவதும் மிகவும் அன்பானவர்களாகவும், நம்பிக்கையானவர்களாக இர்ப்பார்கள்.

அதே சமயம் இவர்கள் தன்னை சிறிது ஏமாற்றினாலும் புயலாக மாறிவிடுவார்கள்.