மொறு மொறு சுவையில் வெண்டைக்காய் சிப்ஸ்... பண்ணலாமா?

பொதுவாக ஆரோக்கிய நன்மைகளும் மருத்துவ குணங்களும் நிறைந்த காய்கறிகளின் பட்டியலில் வெண்டைக்காய் முக்கிய இடம் வகிக்கின்றது.

ஆனால் அதன் வளவளப்பு தன்மை காரணமாக பெரியவர்களுக்கும் சரி, குழந்தைகளுக்கும் சரி பெரும்பாலும் பிடிப்பதில்லை.

பார்த்தாலே பசி எடுக்கும் முட்டை மிளகு மசாலா: பத்தே நிமிடத்தில் செய்யலாம்!

வெண்டைக்காய்களை வெட்டும்போது வெளியே கசியும் இந்த பிசுபிசுப்பான பொருள் இரைப்பை குழாய் ஆரோக்கியத்துக்கு இன்றியமையாதது. 

வெண்டைக்காய் செரிமானத்திற்கு உதவுவதோடு, நோய் எதிர்ப்பு சக்தியை அதிகரிப்பதிலும் ஆற்றல் காட்டுகின்றது.

இதய ஆரோக்கியத்தை பராமரிப்பது முதல் நினைவாற்றலை அதிகரிப்பது வரையில் உதவும் வெண்டைக்காயை எப்படி செய்து கொடுத்தாலும், வீட்டில் யாரும் சாப்பிடுவதே இல்லையா? அப்போ இனி இந்த முறையில் சிப்ஸ் செய்து கொடுத்து பாருங்கள். நிடங்களில் காலியாகிவிடும்.

தேவையான பொருட்கள்

வெண்டக்காய் - 250 கிராம்

கடலை மாவு - 2 மேசைக்கரண்டி

சோள மாவு - 1 மேசைக்கரண்டி

உப்பு - தேவையான அளவு

மிளகாய் தூள்- 1 தே.கரண்டி

கரம் மசாலா - 1 தே.கரண்டி

மஞ்சள் தூள் - 1/4 தே.கரண்டி

மல்லி தூள் - 1/2 தே.கரண்டி

சீரக தூள் - 1/2 தே.கரண்டி

தேங்காய் எண்ணெய்- பொரிப்பதற்கு தேவையான அளவு

Best diet recipe: குண்டாக இருக்கவங்க ஒல்லியாக மாறணுமா? காலையில் இத கட்டாயம் சாப்பிடுங்க

செய்முறை

முதலில் பிஞ்சு வெண்டைக்காயைகளை எடுத்து மேல் மற்றும் கீழ் முனைகளை சிறிது வெட்டிவிட்டு, நீளவாக்கிவ் நான்கு துண்டுகளாக வெட்டி தனியான எடுத்துக்கொள்ள வேண்டும்.

அதனையடுத்து ஒரு கிண்ணத்தை எடுத்து, கடலை மாவு ,சோள மாவு, உப்பு, மிளகாய் தூள்,கரம் மசாலா, மஞ்சள் தூள்,மல்லி தூள் மற்றும் சீரக தூள் ஆகியவற்றை சேர்த்து நன்றாக கலந்துவிட்டுக்கொள்ள வேண்டும்.

பின்னர் இந்த கலவையுடன் வெட்டி வைத்த வெண்டைக்காயையும் சேர்த்து நன்றாக பிரட்டி விட்டு சிறிதளவு தண்ணீர் தெளித்து நன்றாக கலந்துவிட்டு ஒரு 10 நிமிடம் அப்படியே ஊறவிட வேண்டும்.

அதன் பின்னர் ஒரு அகலமான பாத்திரத்தை அடுப்பில் வைத்து, எண்ணெய் ஊற்றி சூடானதும் வெண்டைக்காய் சேர்த்து பொன்நிறமாக பொரித்து எடுத்தால்,அவ்வளவு தான் மொறு மொறுப்பாக சுவையில், ஆரோக்கியம் நிறைந்த வெண்டைக்காய் சிப்ஸ் தாயார்.