இ-பான் என்றால் என்ன? ஆன்லைனில் இ-பான் பெறுவது எப்படி?

நிதி பரிவர்த்தனைகளுக்கும், அடையாள சரிபார்ப்புக்கும் அத்தியாவசியமான பான்கார்டு (PAN Card) தற்போது மின்னணு வடிவில் கிடைக்கிறது. இந்த இ-பான் கார்டு, வழக்கமான பிளாஸ்டிக் பான் கார்டைப் போலவே முழுமையான சட்டபூர்வ அங்கீகாரம் பெற்றது.

இன்றைய டிஜிட்டல் உலகில், ஒவ்வொரு ஆவணமும் டிஜிட்டல் மயமாகி வருகிறது. இந்த வரிசையில், நமது நிதி பரிவர்த்தனைகளுக்கும், அடையாள சரிபார்ப்புக்கும் அத்தியாவசியமான பான்கார்டு (PAN Card) இப்போது மின்னணு வடிவில் கிடைக்கிறது. இதைத்தான் இ-பான் (e-PAN) என்று அழைக்கிறோம். இந்த மின்னணு பான் கார்டு, வழக்கமான பிளாஸ்டிக் பான் கார்டைப் போலவே முழுமையான சட்டபூர்வ அங்கீகாரம் பெற்றது.

இ-பான் ஏன் தேவை?

பான் கார்டை விண்ணப்பித்து பெறுவதற்கு பல நாட்கள் காத்திருக்க வேண்டியிருந்தது. ஆனால் இ-பான் இந்த காத்திருப்பு நேரத்தை கணிசமாக குறைக்கிறது. அவசரத் தேவைகளுக்கும், உடனடி நிதி பரிவர்த்தனைகளுக்கும் அல்லது வங்கிக் கணக்கு தொடங்குவதற்கும் இ-பான் சிறந்த தீர்வாக உள்ளது. paperless செயல்முறை, விரைவான சரிபார்ப்பு, உடனடி பயன்பாடு ஆகியவை இ-பானின் முக்கிய சிறப்பம்சங்கள்.

அடி வயிறு கொழுப்பை கரைக்கும்... இந்தக் கூட்டு சாப்பிட்டு பாருங்க!

இ-பான் பெறுவது எப்படி?

இ-பான் பெறுவது மிகவும் எளிமையானது. இந்திய குடிமகனாக இருக்க வேண்டும். உங்களுக்கு ஏற்கனவே பான் கார்டு இருக்கக்கூடாது. மிக முக்கியமாக, உங்களிடம் ஆதார் கார்டு இருக்க வேண்டும். உங்கள் ஆதார் அட்டையுடன் மொபைல் எண் இணைக்கப்பட்டிருக்க வேண்டும், ஏனெனில் OTP மூலம் சரிபார்ப்பு நடைபெறும். உங்கள் ஆதார் விவரங்கள் (பெயர், பிறந்த தேதி, பாலினம்) சரியாகப் புதுப்பிக்கப்பட்டிருக்க வேண்டும். இந்தத் தகுதிகள் இருந்தால், வருமான வரித்துறையின் இணையதளம் வழியாக சில நிமிடங்களில் இ-பான் பெறலாம். இதற்கு எந்தக் கட்டணமும் இல்லை.

வருமான வரித்துறை இணையதளத்திற்குச் செல்லவும். 'Instant E-PAN' விருப்பத்தை தேர்ந்தெடுக்கவும். 'Get New e-PAN' என்பதை கிளிக் செய்யவும். உங்கள் 12 இலக்க ஆதார் எண்ணை உள்ளிட்டு, விதிமுறைகளை ஏற்கவும். உங்கள் ஆதார் இணைக்கப்பட்ட மொபைல் எண்ணுக்கு வரும் OTP-ஐ உள்ளிட்டு சரிபார்க்கவும். உங்கள் ஆதார் விவரங்கள் திரையில் தோன்றும்; அவற்றை உறுதிப்படுத்தவும். விண்ணப்பத்தைச் சமர்ப்பித்த பிறகு, உங்களுக்கு ஒரு ஒப்புகை எண் (Acknowledgement Number) கிடைக்கும். சில நிமிடங்களில், அதே இணையதளத்தில் 'Check Status/Download PAN' என்ற விருப்பத்தைப் பயன்படுத்தி உங்கள் இ-பான்-ஐ பதிவிறக்கம் செய்து கொள்ளலாம். பதிவிறக்கம் செய்யப்படும் PDF கோப்பிற்கு உங்கள் பிறந்த தேதி (DDMMYYYY வடிவில்) கடவுச்சொல்லாக இருக்கும். .

வருமான வரித்துறையின் இணையதளம் மட்டுமின்றி, NSDL (Protean eGov Technologies Limited) அல்லது UTIITSL போன்ற சேவை வழங்குநர்கள் மூலமாகவும் நீங்கள் பான் கார்டுக்கு விண்ணப்பிக்கலாம். இந்த தளங்களில், இ-பான் உடன் பிளாஸ்டிக் பான் கார்டையும் கட்டணம் செலுத்திப் பெறலாம். இ-பான் என்பது வெறும் டிஜிட்டல் ஆவணம் மட்டுமல்ல. இது இந்தியாவின் டிஜிட்டல் மயமாக்கல் பயணத்தின் ஒரு முக்கிய மைல்கல் ஆகும். காகிதமற்ற நிர்வாகம், எளிதான அணுகல், விரைவான சேவை வழங்குதல் போன்ற அரசாங்கத்தின் இலக்குகளுக்கு இது வலுசேர்க்கிறது. வருங்காலத்தில், வங்கிச் சேவை, முதலீடுகள், வரி தொடர்பான பணிகள் என அனைத்து நிதிச்செயல்பாடுகளிலும் இ-பான் ஒரு ஒருங்கிணைந்த பகுதியாக மாறும் என்பதில் சந்தேகமில்லை.

ஆகாஷ் உடன் கள்ளக்காதலா? பொங்கிய கணவருக்கு நேர்ந்த கதி- பயத்தில் பாக்கியா குடும்பம்