லங்காசிறி FM
இலங்கை ஸ்டைல் பலாக்காய் கிரேவி- காரசாரமாக வைக்க தெரியுமா? செய்து பாருங்க
DHUSHI
இந்தியர்களின் உணவை விட இலங்கையர்களின் உணவு முற்றிலும் வித்தியாசமாக இருக்கும்.
அப்படியாயின், இலங்கை வாழ் சிங்கள மக்கள் விரும்பி சாப்பிடும் உணவுகளில் ஒன்று தான் பலாக்காய் கிரேவி.
இதனை சப்பாத்தி, பூரி, வெள்ளை சாதம், இட்லி, தோசை போன்ற அனைத்து உணவுகளிலும் சேர்த்து சாப்பிடலாம்.
பலாப்பழம் கனிவதற்கு முன்பு கிடைக்கக்கூடிய பலாக்காயை சமைத்து சாப்பிடும் பொழுது ஏகப்பட்ட ஊட்டசத்துக்கள் கிடைக்கின்றன.
அந்த வகையில், இலங்கை ஸ்டைலில் பலாக்காய் கிரேவி எப்படி செய்யலாம் என்பதனை பதிவில் பார்க்கலாம்.
தேவையான பொருட்கள்
- நறுக்கிய பலாக்காய் - 250 கிராம்
- மஞ்சள் பொடி - 1/4 டேபிள் ஸ்பூன்
- உப்பு - சுவைக்கேற்ப
- தேங்காய்ப்பால் - 1/2 கப்
- தண்ணீர் - 1/2 கப்
- எலுமிச்சை சாறு - 1 டீஸ்பூன்
- பொடியாக நறுக்கிய கொத்தமல்லி தழை - ஒரு கைப்பிடி அளவு
இலங்கை கறி மசாலாவுக்கு தேவையான பொருட்கள்
- சீரகம் - 3 டேபிள் ஸ்பூன்
- வரமல்லி - 4 - 5 டேபிள் ஸ்பூன்
- மிளகு - 2 டேபிள் ஸ்பூன்
- பாஸ்மதி அரிசி - 1.5 - 2 டேபிள் ஸ்பூன்
- பச்சை ஏலக்காய் - 4
- சோம்பு - 2 டீஸ்பூன்
- கிராம்பு - 10
- கடுகு - 1 டீஸ்பூன்
- கறிவேப்பிலை - 2 கொத்து
- பட்டை - ஒரு இன்ச் (2 துண்டு)
- மஞ்சள் பொடி - 1 டீஸ்பூன்
தாளிப்பதற்கு தேவையான பொருட்கள்
- எண்ணெய் - 1/2 டேபிள் ஸ்பூன்
- பொடியாக நறுக்கிய வெங்காயம் - 1
- பச்சை மிளகாய் - 2
- கறிவேப்பிலை - 10
- பட்டை - ஒரு இன்ச்
- இஞ்சி பூண்டு விழுது - 1.5 டேபிள் ஸ்பூன்
- தக்காளி - 1
- இலங்கை கறி மசாலா - 2 ஸ்பூன்
- மஞ்சள் பொடி - 1/4 டீஸ்பூன்
- மல்லி பொடி - 1/2 டேபிள் ஸ்பூன்
கிரேவி செய்முறை
முதலில் மல்லி விதைகள், சீரகம், மிளகு, பாஸ்மதி அரிசி, பச்சை ஏலக்காய், சோம்பு, கிராம்பு மற்றும் கடுகு உள்ளிட்ட அனைத்து பொருட்களையும் எண்ணெய் இல்லாமல் வெறும் சட்டியில் போட்டு வறுத்தெடுக்கவும்.
இந்த வறுத்த மசாலா பொருட்களையும் அரைத்து தனியாக வைத்து கொள்ளவும்.
அதன் பிறகு பிரஷர் குக்கரில் நறுக்கிய பலாக்காய், மஞ்சள் பொடி, உப்பு மற்றும் தண்ணீர் சேர்த்து நன்றாக வேக வைக்கவும்.
இப்போது ஒரு கடாயை அடுப்பில் வைத்து எண்ணெய் ஊற்றி அதில் வெங்காயம், பச்சை மிளகாய், கறிவேப்பிலை சேர்த்து வதக்கவும். அதனுடன் பட்டை, இஞ்சி பூண்டு விழுது மற்றும் தக்காளி சேர்த்து நன்றாக வதக்கவும்.
இஞ்சி பூண்டின் பச்சை வாசனை போனவுடன் அரைத்து வைத்துள்ள இலங்கை கறி மசாலா பொடியை சேர்த்து அதனுடன் மஞ்சள் பொடி, மல்லி பொடி, உப்பு மற்றும் தேங்காய் பால் ஊற்றவும்.
பொருட்கள் அனைத்தையும் நன்றாக கிளறி விட்டு, வேக வைத்திருக்கும் பலாக்காயை போட்டு கிளறவும். அடுப்பை மிதமான தீயில் வைத்து கிரேவி 10 முதல் 15 நிமிடங்கள் வேக விடவும்.
கடைசியாக நறுக்கிய கொத்தமல்லி, கருவேப்பிலை சேர்த்து எலுமிச்சை சாறு பிழிந்து சூடாக பரிமாறினால் இலங்கை ஸ்டைல் பலாக்காய் கிரேவி தயார்!
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
வல்வெட்டித்துறை கம்பர்மலை, பரந்தன், London, United Kingdom
11 Apr, 2025
கொக்குவில் மேற்கு, மட்டக்களப்பு, கொழும்பு, நெடுங்கேணி, Harrow, United Kingdom
13 Apr, 2025
