உங்கள் வீட்டிற்குள் அடிக்கடி பாம்பு வருதா? அப்போ வீட்டில் நடக்கப்போகும் சகுனம் இது தான்

பாம்பு வீட்டிற்குள் நுழைவது நல்லதா கெட்டதா என்பதை இந்த பதிவை படித்ததும் தெரிந்து கொள்ளுங்கள்.

பாம்புகள்

பாம்பு, இந்துமதத்தில் மிகவும் மரியாதைக்குரிய உயிரினமாகக் கருதப்படுகிறது. சிவபெருமான் கழுத்தில் நாகம், திருமாலுக்குத் தூங்கும் ஆதிசேஷன் போன்ற பல தெய்வங்களுடனும் பாம்புகள் தொடர்புடையவை.

சில கோவில்களில் பாம்பு சிலைகள் கூட காணப்படுகின்றன. பாம்பு மனிதர்களுக்கு அபாயம் ஏற்படுத்துவதில்லை, ஆனால் விஷம் உள்ளதால் பயத்தை உண்டாக்குகிறது.

எந்த உயிரினத்தையும் துன்புறுத்தாமல் விட்டால், அவை தீங்கு செய்யாது. ஆனால் வீட்டில் பாம்பு நுழைவதற்குப் பின்புல அர்த்தமும், ஜோதிடக் கூறுகளும் உள்ளன அவை ஆன்மீக நம்பிக்கையின் ஒரு பகுதியாக பார்க்கப்படுகின்றன.

பாம்பு நுழைவதற்கான பல்வேறு நம்பிக்கைகள் வீட்டில் பாம்பு நுழைவது நல்ல அதிர்ஷ்டமா அல்லது துரதிர்ஷ்டமா என்பது நம் கலாச்சாரம், நம்பிக்கைகள் மற்றும் ஆன்மீக எண்ணங்களின் அடிப்படையில் மாறுபடும்.

சிலர் இதை செல்வம், வளம் மற்றும் அதிர்ஷ்டத்தின் அறிகுறியாகக் கருதுகிறார்கள். மற்றவர்கள் நோய், கவலை அல்லது எதிர்மறை சக்தியின் எச்சரிக்கையாக பார்க்கிறார்கள்.

பாம்புகள் தங்கள் தோலை கழித்து புதுப்பிக்கும் தன்மை கொண்டவை என்பதால், இது வாழ்க்கையில் மாற்றம், புதிய தொடக்கம் மற்றும் ஆன்மீக வளர்ச்சியின் அடையாளமாகவும் கொள்ளப்படுகிறது.

குலதெய்வம் மற்றும் பாம்புகள் சில ஆன்மீக நம்பிக்கைகள் படி, குலதெய்வ வழிபாடுகளை புறக்கணிப்பதும் அல்லது தவறான முறையில் நடத்துவதும், நாகரூபத்தில் குலதெய்வம் வெளிப்பட்டு எச்சரிக்கையாக பாம்பு தோன்றும் நிலையை உருவாக்கும் எனக் கூறப்படுகிறது. இவை கனவிலும் தோன்றக்கூடும்.

காதல் நீங்க நினைத்தது போல ஜெயிக்கணுமா? அப்போ கழுத்தில் இந்த பொருளை போடுங்க

குண்டலினி சக்தியின் அடையாளம் யோகா மற்றும் ஆன்மீக மரபுகளில், குண்டலினி சக்தி ஒரு சுருண்ட பாம்புபோல் கருதப்படுகிறது. இது மனிதர்களின் உள்ளார்ந்த சக்தியின் விழிப்பையும், ஆன்மீக எழுச்சியையும் குறிக்கிறது. எனவே பாம்புகள், இந்த சக்தியின் வெளிப்பாடாகவும் பார்க்கப்படுகின்றன.  

ஜோதிடக் கோணத்தில் விளக்கம் ஜோதிடத்தில் ராகு மற்றும் கேது ஆகிய கிரகங்கள் பாம்புகளுடன் தொடர்புடையவை. இவை பாதகமாக இருந்தால், பாம்புகள் வீட்டில் தோன்றும் என நம்பப்படுகிறது. இது ஒரு கிரக தோஷத்தின் அறிகுறியாகவும் கருதப்படுகிறது.

தீய சக்திகள் மற்றும் முன்னோர் குறைவு சில ஆன்மீகக் கோணங்களில், தீய எண்ணங்கள் கொண்ட வீட்டில் விஷப்பாம்புகள் தோன்றும் எனவும், முன்னோரின் சாந்தி கிரியைகள் சரியாகச் செய்யப்படாதபோது பாம்பு தோன்றும் எனவும் நம்பப்படுகிறது. மேலும், நாகப்புற்றுகளை அழிப்பது போன்ற செயல்கள் பாம்பின் கோபத்துக்கு காரணமாகலாம்.  

பாம்பு மரத்திலிருந்து என்ன பண்ணுதுன்னு பாருங்க: வைரலாகும் அரிய காணொளி

பாம்பு வீட்டில் நுழைவது நல்லதா, கெட்டதா என்பது நம் நம்பிக்கைகளையும் சூழ்நிலையையும் பொறுத்தது. ஆனாலும், விஷப்பாம்புகள் வந்தால் எச்சரிக்கையுடன் இருந்து, அவற்றைப் பாதுகாப்பாக வெளியேற்ற வேண்டும். ஆன்மீகமாக நாம் நம்பினாலும், நடைமுறை பாதுகாப்பு முக்கியமானது.