நடிகர் திலகம் சிவாஜி கணேசனின் மூத்த மகள் சாந்தி நாராயணசாமி காலமானார்

நடிகர் திலகம் சிவாஜி கணேசனின் மூத்த மகளும், திரைப்படத் தயாரிப்பாளருமான சாந்தி நாராயணசாமி இன்று அதிகாலை காலமானார். அவரது மறைவு சிவாஜி கணேசனின் குடும்பத்தினருக்கும், திரையுலகைச் சேர்ந்தவர்களுக்கும் சோகத்தை ஏற்படுத்தியுள்ளது.

நடிகர் திலகம் சிவாஜி கணேசன்

தமிழ் சினிமாவில் நடிப்பின் உச்சமாகக் கருதப்படும் நடிகர் திலகம் சிவாஜி கணேசன், தனது தனித்துவமான நடிப்புத் திறன், குரல் வளம், வசன உச்சரிப்பு மற்றும் கதாபாத்திரங்களை வெளிப்படுத்தும் விதம் ஆகியவற்றால் ரசிகர்களின் மனதில் நீங்கா இடம்பிடித்தவர்.பல்வேறு தலைமுறைகளைச் சேர்ந்த ரசிகர்களால் இன்றளவும் அவரது நடிப்பு போற்றப்பட்டு வருகிறது.

இவர் கத்ரீனா கைஃப் தானா? உடல் எடை விமர்சனத்துக்கு கத்ரீனா அளித்த நெத்தியடி பதில்!

சிவாஜி கணேசனின் குடும்பம்

சிவாஜி கணேசன் - கமலா கணேசன் தம்பதியினருக்கு ராம்குமார், பிரபு ஆகிய இரு மகன்களும், சாந்தி, ராஜ்வி ஆகிய இரு மகள்களும் உள்ளனர். இவர்களில் மூத்த மகளாக சாந்தி நாராயணசாமி இருந்தார்.

தனது மூத்த மகள் சாந்தியின் பெயரை நினைவுகூரும் வகையில், சென்னை அண்ணாசாலையில் சிவாஜி கணேசன் ஒரு திரையரங்கையும் கட்டியிருந்தார்.இதன் மூலம் சாந்தியின் பெயர் அவரது குடும்பத்துடனும், திரையுலகுடனும் நெருக்கமாக இணைந்திருந்தது.

சாந்தி நாராயணசாமி குடும்பப் பின்னணியைக் கொண்டவராக மட்டுமின்றி, திரைப்படத் தயாரிப்பிலும் ஈடுபட்டிருந்தார்.

சிவாஜி கணேசன் நடிப்பில் 1974-ஆம் ஆண்டு வெளியான ‘தங்கப்பதக்கம்’ திரைப்படத்தை அவர் தயாரித்திருந்தார். காவல்துறை அதிகாரியின் வாழ்க்கையை மையமாகக் கொண்ட இந்த திரைப்படம் சிவாஜி கணேசனின் குறிப்பிடத்தக்க படைப்புகளில் ஒன்றாக இடம்பெற்றுள்ளது.சாந்தி நாராயணசாமியின் கணவர் நாராயணசாமி. இவர்களுக்கு சத்யலட்சுமி என்ற மகள் உள்ளார்.

சூரியின் மண்டாடி திரைப்படத்தின் மொத்த வசூல் எத்தனை கோடி தெரியுமா?

சாந்தி நாராயணசாமி மறைவு

இந்த நிலையில், சிவாஜி கணேசனின் மூத்த மகளும், நடிகர்கள் பிரபு மற்றும் ராம்குமாரின் சகோதரியுமான சாந்தி நாராயணசாமி இன்று அதிகாலை காலமானார்.

அவரது மறைவுச் செய்தி சிவாஜி கணேசனின் குடும்பத்தினரையும், அவருக்கு நெருக்கமானவர்களையும் சோகத்தில் ஆழ்த்தியுள்ளது.

திரையுலகில் நடிகர் திலகம் சிவாஜி கணேசனின் குடும்பத்துடன் தொடர்புடைய முக்கியமான நபராகவும், திரைப்படத் தயாரிப்பாளராகவும் அறியப்பட்ட சாந்தி நாராயணசாமியின் மறைவு குடும்பத்தினருக்கு பேரிழப்பாக அமைந்துள்ளது.