லங்காசிறி FM
ஸ்கூலுக்கு போக மாட்டேன்னு அடம்பிடித்த பேரன்! அலேக்காக தூக்கிச் சென்ற சூப்பர்ஸ்டார்
நடிகர் ரஜினிகாந்த் தனது பேரன் பள்ளிக்கு போக அடம்பிடித்த நிலையில், பேரனை பள்ளிக்கு அழைத்துச் சென்ற காட்சி வைரலாகி வருகின்றது.
நடிகர் ரஜினிகாந்த்
நடிகர் ரஜினிகாந்த் தமிழ் சினிமாவில் தற்போதும் சூப்பர்ஸ்டாராக இருந்து வருகின்றார். தற்போது 72 வயதிலும் நடிப்பிலும் பிஸியாக இருந்து வருகின்றார்.
இவர் நடிப்பில் வேட்டையன் திரைப்படம் உருவாகி வரும் நிலையில், அக்டோபர் மாதம் தீபாவளிக்கு வெளியாகும் என்று எதிர்பார்க்கப்படுகின்றது.
இதுமட்டுமில்லாமல் கூலி என்ற படத்தினையும் கைவசம் வைத்துள்ளார். இப்படத்தின் படப்பிடிப்பு தற்போது விறுவிறுப்பாக நடைபெற்று வரும் நிலையில், மிகப்பெரிய நட்சத்திர பட்டாளமே இதில் நடிப்பதாக கூறப்படுகின்றது.
அடம்பிடித்த பேரன்
நடிகர் ரஜினிகாந்தின் இளைய மகள் சௌந்தர்யாவின் மூத்த மகன் வேத் கிருஷ்ணா ஸ்கூலுக்கு செல்வதற்கு அடம்பிடித்துள்ளார்.
இந்த விடயத்தை மகள் தந்தை ரஜினிகாந்திடம் கூறியதும், மகள் வீட்டிற்கு தன்னுடைய பிஎம்டபிள்யூ காரில் சென்ற ரஜினிகாந்த், அங்கு தனது பேரனை சமாதானப்படுத்தி தன்னுடைய காரிலேயே ஸ்கூலுக்கு அழைத்து சென்றிருக்கிறார்.
பேரனை காரில் அழைத்துச் சென்றது மட்டுமின்றி, வேத்தின் வகுப்பறைக்கும் சென்று விசிட் செய்துள்ளார். இதனை அவதானித்த சக குழந்தைகள் உற்சாகத்தில் திகைத்து போயுள்ளனர்.
குறித்த புகைப்படத்தினை தனது இன்ஸ்டாவில் சௌந்தர்யா, ஆன் ஸ்கிரீனிலும் சரி, ஆஃப் ஸ்கிரீனிலும் சரி எந்த ரோல் கொடுத்தாலும் அதை சரியாக செய்வதில் நீங்கள் வல்லவர் என குறிப்பிட்டு சிறந்த தாத்தா, சிறந்த அப்பா என்கிற ஹேஷ்டேக்கையும் பதிவிட்டுள்ளார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
உடுவில், கொழும்பு, Melbourne, Australia, சிங்கப்பூர், Singapore, Kuala Lumpur, Malaysia, Chennai, India, வவுனியா
26 May, 2026
