சினேகாவின் கழுத்தில் 2 முறை தாலி கட்டிய பிரசன்னா! சுவாரசியமான காதல் கதை

தமிழ் சினிமாவில் காதலித்து திருமணம் செய்துக்கொள்வது புதிதல்ல.

திரையில் உருக உருக காதலிக்கும் நடிகர் நடிகைகள், நிஜ வாழ்க்கையிலும் காதல் செய்து தம்பதிகளாக இணைவது ஒன்றும் புதிதான விடயமல்ல.

அவ்வாறு காதலித்து, கரம் பிடித்து தற்போது வெற்றிகரமாக வாழ்ந்துகொண்டிருக்கும் ஒரு காதல் ஜோடிதான் பிரசன்னா - சினேகா தம்பதியினர் இவர்களின் காதல் கதை பற்றி தெரிந்துக்கொள்வோம்.

பிரசன்னா- சினேகா காதல்

தமிழ் சினிமாவில் 5 ஸ்டார் என்னும் திரைப்படத்தின் மூலம் 2002 ஆம் ஆண்டு பிரசன்னா அறிமுகமானார். 2000ஆம் ஆண்டில் விரும்புகிறேன் என்னும் திரைப்படத்தின் மூலம் அறிமுகமாகியிருந்தார் சினேகா.

இவர்கள் இருவரும் சினிமாவில் நிறைய படங்களில் நடித்திருந்தாலும் 7 ஆண்டுகள் கழித்து தான் சினேகாவுடன் அச்சமுண்டு அச்சமுண்டு எனும் திரைப்படத்தில் நடித்தனர்.

இப்படப்பிடிப்பில் இருவரும் நல்ல நெருங்கிய நண்பர்ளாகினர். நாளடைவில் இருவருக்கும் ஒருவருக்கு ஒருவர் மேல் காதல் மலர்ந்துள்ளது.

திருமணம்

சில படங்களுக்கு பிறகு பிரசன்னாவுக்கு நல்ல கதைகளோ படங்களோ வராமல் இருந்த சமயத்தில் மனதளவில் மிகவும் நொறுங்கிப் போயிருந்த சமயங்களில் சினேகா தான் அவருக்கு ஆறுதலாக இருந்திருக்கிறார்.

அந்த சமயத்தில் சினேகா உச்ச நட்சத்திரமாக இருந்தவேளை, சினேகா தொடர்பில் ஏனைய பிரபலங்களுடன் காதல், வதந்திகள், கிசுகிசுக்கள் வந்துள்ளது. அந்த நேரம் பிரசன்னா சினேகாவுக்கு ஆதரவாக இருந்துள்ளார்.

இந்த சமயத்தில் தான் இருவரும் திருமணம் செய்து கொள்ள முடிவெடுத்தள்ளனர். திருமணம் குறித்து இருவீட்டாரிடம் சம்மதம் கேட்டவேளையில் பிரசன்னா வீட்டில் சம்மதம் தெரிவிக்கவில்லை.

பிறகு சம்மதம் தெரிவித்து இருவீட்டார் சம்மதத்துடன் 2012 மே 11 ஆம் திகதி, சென்னை வானகரம் அருகில் உள்ள ஸ்ரீவாரு வெங்கடாசலபதி மண்டபத்தில் திருமணம் நடந்துள்ளது.

2 முறை திருமணம்

சினேகா நாயுடு வகுப்பை சேர்ந்தவர். பிரசன்னா பிராமண வகுப்பை சேர்ந்தவர்.

எனவே இரண்டு சாதி முறைப்படியும் இவர்கள் திருமணம் செய்து கொண்டனர்.

இரண்டு முறைப்படி சம்பிரதாயங்கள் நடைபெற 2 முறை தாலிகட்டினார் பிரசன்னா.

குழந்தைகள்

திருமணம் முடிந்து சாண்கு ஆண்டுகள் கழித்து சினேகா- பிரசன்னா தம்பதியினருக்கு ஆண் குழந்தை பிறந்தது. அதன்பிறகு மூன்று ஆண்டுகள் கழித்து பெண் குழந்தை பிறந்துள்ளது.

சினேகாதான் காரணம்

எனது வாழ்க்கையில் சினேகாவுக்கு முன் சினேகாவுக்குப்பின் என பிரிக்கலாம். சினேகாவை மனந்த பிறகு தான் வாழ்க்கையில் நல்ல நேர்மறையான மாற்றங்கள் ஏற்பட்டுள்ளது என முன்னதாக ஒருமுறை கூறியுள்ளது குறிப்பிடத்தக்கது.