மட்டன் பிரியரா நீங்கள்? வாரத்துக்கு எவ்வளவு மட்டன் சாப்பிடனும்னு கட்டாயம் தெரிஞ்சிக்கோங்க

அசைவ பிரியர்களுக்கு அதிகம் பிடித்த உணவாக இருக்கும் மட்டனை வாரத்திற்கு எவ்வளவு எடுத்துக்கொள்ளலாம் என்பதை இந்த பதிவில் தெரிந்து கொள்ளலாம்.

மட்டன்

இந்திய அசைவ உணவில் மட்டனுக்கு எப்பொழுதும் தனி இடம் உண்டு. பண்டிகைகள், விசேஷங்கள் என்றால் மட்டன் சமையல் தான் அதிகமாக இருக்கும். 

இந்திய மாநிலங்களான தமிழ்நாடு, கர்நாடகா, கேரளா, தெலங்கானா, ஆந்திரா உட்பட பல மாநிலங்கள் மட்டன் பிரியாணிக்கு மிகவும் பேமஸ் ஆகும். 

சத்தான உணவாக இருக்கும் மட்டன் தசைவளர்ச்சிக்கு தேவையான புரோட்டீன் அதிகம் கொண்டுள்ளது. உடம்பில் ரதத்தினை உற்பத்தி செய்யும் இரும்புச்சத்து அளிப்பதுடன், ரத்த சோகையை தடுக்கின்றது.

நரம்பு மண்டலத்துக்கு அவசியமான வைட்டமின் B12, ஜிங்க் போன்ற சத்துக்கள் இதில் அதிகமாக உள்ளதால், மக்கள் அதிகமாக விரும்பி சாப்பிடுகின்றனர். 

மணமணக்கும் பன்னீர் பிரியாணி - எப்படி செய்றதுன்னு பாத்து ட்ரை பண்ணி பாருங்க.!

வாரத்திற்கு எவ்வளவு சாப்பிட வேண்டும்?

மட்டன் ஆரோக்கியமானதாக இருந்தாலும் வாரத்திற்கு 70 கிராமிலிருந்து 100 கிராம் வரை இரண்டு முறை எடுத்துக் கொள்ளலாம் என உலக சுகாதார நிறுவனம் கூறியுள்ளது.

பொதுவாக சிகப்பு இறைச்சி அளவை குறைத்து சாப்பிடுவதையும் அறிவுறுத்துகின்றனர். ஏனெனில் உங்களது வயது, உடல்நிலையை பொறுத்து இந்த அளவு மாறலாம். ஆதலால் டயட்டீஷியனிடம் ஆலோசனை பெற்று சாப்பிடலாம். 

மட்டனில் உள்ள கொழுப்பு, கொலஸ்ட்ரால் இதய நோய்களுக்கு வழிவகுக்கும். சமைப்பதற்கு முன்பு அதன் கொழுப்பை நீக்குவது சிறந்தது. மேலும் எண்ணெய்யில் பொரிக்காமல் கிரில், பேக் அல்லது வேக வைத்து சாப்பிடுவது சிறந்தது. 

அதுமட்டுமின்றி மசாலா குறைத்து சமைத்தால் ஜீரணத்திற்கு நல்லது. ஆனால் இரவு தாமதமாக மட்டனை சாப்பிடுவதை தவிர்க்கவும். 

முன்பு உடல் உழைப்பு மக்களிடம் அதிகமாக இருந்த நிலையில், தற்போது உடல் உழைப்பு குறைந்துள்ளது இதனால் செரிமானம் ஆவது கடினமாக இருக்கும். ஆகவே மட்டன் சாப்பிடும் போது காய்கறிகள், தானியங்களோடு சமநிலையாக சாப்பிடுவது சிறந்தது.