தன் பிறந்தநாளில் இளம் பாடகிக்கு ஸ்பெஷல் பரிசு கொடுத்த கார்த்திக் தேவராஜ்! என்ன தெரியுமா?
சூப்பர் சிங்கர் பியானோ இசைக்கலைஞர் கார்த்திக் தேவராஜ் தனது பிறந்தநாளுக்கு பாடகி மானசிக்கு பரிசு கொடுத்து அசத்தியுள்ளார்.
சூப்பர் சிங்கர் நிகழ்ச்சிக்கு இசையமைக்கும் மணி இசைக்குழுவில் பியானோ வாசிக்கும் இசைக்கலைஞர் கார்த்திக் தேவராஜ் என்பது அந்த நிகழ்ச்சியை பார்த்த அனைவருக்கும் தெரிந்திருக்கும்.
சூப்பர் சிங்கர் பாடகர்கள் எந்த அளவுக்கு பிரபலமோ அந்த அளவுக்கு கார்த்திக்கும் பிரபலம்.
இந்நிலையில் தனது பிறந்தநாளை கார்த்திக் தேவராஜ் 4 ஆம் திகதி கொண்டாடியுள்ளார். அவருக்கு சூப்பர் சிங்கர் போட்டியாளர்களில் ஒருவரான மானசி தனது சமூக வலைத்தளத்தில் பிறந்த நாள் வாழ்த்துக்களை தெரிவித்துள்ளார்.
எனக்கு மிகவும் பிடித்த அவருக்கு இன்று பிறந்தநாள் வாழ்த்துக்கள் என்றும் அவருக்கு அப்படி ஒரு நேர்மறை ஆற்றல் உண்டு என்றும் அவரை தனிப்பட்ட முறையில் அறிந்திருக்கிறேன் என்ற வகையில் அவருடைய நேர்மறை விஷயங்களை என்னால் அறிய முடிந்தது என்றும் அதற்காக நான் கடவுளுக்கு மிக்க நன்றி செலுத்துகிறேன் என்றும் கூறியுள்ளார்.
மேலும் இந்த ஆண்டு நீங்கள் மிகவும் மகிழ்ச்சியாகவும் சந்தோஷமாகவும் இருக்க கடவுள் உங்களுக்கு அருள் புரிவார் என்றும் குறிப்பிட்டுள்ளார்.
மானசியை நேரில் சந்தித்து பரிசு கொடுத்த கார்த்திக்
இந்த நிலையில் தனது பிறந்தநாளின் போது மானசியை சந்திக்க அவரது வீட்டிற்கு வந்த கார்த்திக் தேவராஜ் அவருக்கு பியானோ இசை கருவியை சிறப்பு பரிசாக அளித்துள்ளார்.
இதுகுறித்த வீடியோவை மானசி தனது இன்ஸ்டாவில் வெளியிட்ட நிலையில் அந்த வீடியோ தற்போது வைரலாகி வருகிறது.