நான் தான் சினிமாவின் மூத்த Gen Z! - 67 ஆண்டுகள் சினிமா பயணம் குறித்து கமல்ஹாசன்

kamalhaasan 66-years cinema journey: தமிழ் சினிமாவின் முன்னணி நடிகரான கமல்ஹாசன், கடந்த 1960ஆம் ஆண்டு வெளியான களத்தூர் கண்ணம்மா திரைப்படத்தின் மூலம் குழந்தை நட்சத்திரமாக திரையுலகில் அறிமுகமானார். அந்த வகையில், திரைத்துறையில் நடிகராக தனது 66 ஆண்டுகளை நிறைவு செய்து, 67ஆவது ஆண்டில் அடியெடுத்து வைத்துள்ளார்.

இதையொட்டி திரையுலகினரும் ரசிகர்களும் அவருக்கு வாழ்த்துகளைத் தெரிவித்தனர். இந்த வாழ்த்துகளுக்கு நன்றி தெரிவிக்கும் வகையில் கமல்ஹாசன் இன்று தனது சமூக வலைதளப் பக்கத்தில் சுவாரஸ்யமான பதிவு ஒன்றைப் பகிர்ந்துள்ளார்.

தனுஷின் அரசியல் வருகை குறித்து தீவிரமாகும் பேச்சு : பின்னணி காரணம் இதுவா!

கமல்ஹாசன் பதிவு 

அதில் அவர், "திரைத்துறையில் எனது 67 ஆண்டுகாலப் பயணத்திற்கு வாழ்த்துகள் தெரிவித்த அனைவருக்கும் நன்றி. ஆனால், இந்த 67 ஆண்டுகளில் உண்மையான கற்றல் என்று நான் கருதுவது சுமார் 20 ஆண்டுகளை மட்டுமே" எனத் தனது பயணத்தை சுயவிமர்சனத்துடன் திரும்பிப் பார்த்துள்ளார்.

தொடர்ந்து, "மீதமுள்ள காலம், கழிவுநீர் ஓட்டத்தோடு அடித்துச் செல்லப்பட்டதைப் போன்றது. இருப்பினும், அதிலும் ஒரு நம்பிக்கை தரும் விஷயம் இருக்கிறது.

அந்த நீரோட்டம் எவ்வளவு இருண்டதாக இருந்தாலும், 'கூட்டுச் சினிமா' எனும் பேராற்றலில், அதாவது எல்லையற்ற கடலில், கலப்பதற்கான காத்திருப்புதான் அது. கலைஞர்களாகவும் ரசிகர்களாகவும் நாம் அனைவரும் அந்தக் கடலை நோக்கியே பயணித்துக் கொண்டிருக்கிறோம்" எனக் குறிப்பிட்டுள்ளார்.

மேலும், "இத்துறையில் நான் கடந்த ஆண்டுகளை மக்கள் கணக்கிடுவதை நிறுத்திவிட்டு, வேறு இடங்களில் சிறந்த எண்களைத் தேடத் தொடங்குவதற்கு முன்பாகவே, அனுபவமாக நான் சேகரித்தவற்றை இன்னும் மேம்படுத்திக்கொள்ள முடியும் என நினைக்கிறேன்" என்றும் தெரிவித்துள்ளார்.

மீண்டும் திரையில் இணையும் விஜய் - த்ரிஷா ஜோடி

திரைப்பட உலகின் நீண்ட வரலாற்றையும் தனது பயணத்துடன் ஒப்பிட்டுப் பார்த்துள்ள கமல்ஹாசன், 1895ஆம் ஆண்டு டிசம்பரில் லுமியர் சகோதரர்கள் முதல் பொதுத் திரைப்படக் காட்சியை நடத்தியதிலிருந்து, உலக சினிமா சுமார் 130 ஆண்டுகளுக்கும் மேலாக இயங்கி வருவதைச் சுட்டிக்காட்டியுள்ளார்.

"அத்துறையின் ஒட்டுமொத்த வரலாற்றில் பாதிக்கும் மேலான காலமான 67 ஆண்டுகளை நான் கடந்துவிட்டேன் என்பதை என் குழுவினர் எனக்கு நினைவூட்டினர். இது உண்மையிலேயே வியக்க வைக்கும் விஷயம்.

ஆயினும், எனது சொந்தக் கணக்கீட்டின்படி, உண்மையான கற்றலாக நான் கருதுவது சுமார் 20 ஆண்டுகளை மட்டுமே" எனக் கூறியுள்ளார். இறுதியில், தனது வழக்கமான நகைச்சுவை கலந்த பாணியில், "ஒருவேளை, சினிமாத் துறையின் 'Gen Z' பிரிவில் நான்தான் மிக மூத்தவனாக இருப்பேன்" எனக் குறிப்பிட்டுள்ளார்.

Thanks to all who wished me well on my 67 years of cinema.

Out of those 67, I think I can only salvage about 20 years as my actual learning. The rest was going with the flow of the wastewater.

The uplifting hope is, however dark the waterway turns out to be, the wait for a…

— Kamal Haasan (@ikamalhaasan) August 13, 2026