இணையத்தை அதிரவைத்த ‘ஜெயிலர் 2’ ட்ரெய்லர்! ரஜினி ரசிகர்கள் வெறித்தன கொண்டாட்டம்

Tamil Cinema Tamil Actors Jailer 2

By Vinoja Oct 05, 2026 01:50 PM GMT

Vinoja

Report

இயக்குநர் நெல்சன் – ரஜினிகாந்த் கூட்டணியில் உருவாகி, ரசிகர்கள் மிகுந்த ஆவலுடன் எதிர்பார்த்து காத்திருக்கும் ‘ஜெயிலர் 2’ படத்தின் ட்ரெய்லர் தற்போது வெளியாகி இணையத்தை ஆக்கிரமித்து வருகின்றது.

முதல் பாகத்தின் வெற்றியைத் தொடர்ந்து உருவாகியுள்ள இந்த இரண்டாம் பாகத்தின் மீதான எதிர்பார்ப்பு ஏற்கனவே உச்சத்தில் இருந்த நிலையில், வெளியாகியுள்ள ட்ரெய்லர் அந்த எதிர்பார்ப்பை மேலும் எகிறச் செய்துள்ளது.

இணையத்தை அதிரவைத்த ‘ஜெயிலர் 2’ ட்ரெய்லர்! ரஜினி ரசிகர்கள் வெறித்தன கொண்டாட்டம் | Jailer 2 Trailer Goes Viral

அதிரடியான ஆக்ஷன் காட்சிகள், மாஸான ரஜினி தருணங்கள், நெல்சனின் வழக்கமான டார்க் காமெடி என ட்ரெய்லர் முழுவதும் ரசிகர்களுக்கு விருந்தாக அமைந்துள்ளது. மேலும், எஸ்.ஜே. சூர்யா, வித்யா பாலன் உள்ளிட்ட முன்னணி நட்சத்திரங்கள் மிரட்டலான நடிப்புடன் கவனம் ஈர்க்கின்றனர்.

ஒவ்வொரு காட்சியிலும் அடுத்து என்ன நடக்கப்போகிறது என்ற எதிர்பார்ப்பை ஏற்படுத்தும் வகையில் ட்ரெய்லர் அமைந்துள்ளதால், படத்தின் மீதான ஹைப் மேலும் அதிகரித்துள்ளது.

ட்ரெய்லர் வெளியான சில நிமிடங்களிலேயே சமூக வலைத்தளங்களில் ரஜினி ரசிகர்கள் அதை வெறித்தனமாகக் கொண்டாடி வருகின்றனர். குறிப்பாக ரஜினியின் மாஸ் காட்சிகள் ரசிகர்களிடையே மிகப்பெரிய வரவேற்பை பெற்றுள்ள நிலையில், ‘ஜெயிலர் 2’ திரையரங்குகளில் எந்த அளவுக்கு அதிரடி காட்டப்போகிறது? என்ற எதிர்பார்ப்பு தற்போது ரசிகர்கள் மத்தியில் உச்சத்தை எட்டியுள்ளது.