சொகுசு படகை உடைத்து ஆக்ரோஷமாக தாக்கிய பேரலை! உயிரைக் காப்பாற்ற ஓடிய பயணிகள்

passenger germany wave crashes

By Manchu Feb 18, 2022 06:30 AM GMT

Manchu

Report

ஜேர்மனியில் ஹம்பர்க்கில் உள்ள எல்பே ஆற்றில் பயணிக்கும் படகின் ஜன்னல்களை உடைத்துக்கொண்டு அலைகள் உள்ளே வர, பயணிகள் தலைதெறிக்க ஓடும் வீடியோ சமூக ஊடகங்களில் பரவி வருகிறது.

யெலேனியா புயல் (Storm Ylenia) ஜேர்மனியின் சில பகுதிகளில் பெரும் இடையூறுகளை ஏற்படுத்தியுள்ளது. ஜேர்மன் வானிலை சேவை (DWD) ஒரு ட்வீட்டில், நேற்று நள்ளிரவில் வடக்கு ஜேர்மனியில் உள்ள ஹார்ஸ் மலைத்தொடரின் மிக உயர்ந்த சிகரத்தில் மணிக்கு 94 மைல் வேகத்தில் காற்றின் வேகத்தை பதிவு செய்ததாகக் கூறியது.

170-க்கும் மேற்பட்ட நகரங்கள் மற்றும் நகரங்கள் மின்வெட்டால் பாதிக்கப்பட்டுள்ளதாகவும், சில மாநிலங்களில் பள்ளிகள் மூடப்பட்டதாகவும் கூறப்படுகிறது.

ஜேர்மனியின் அதிக மக்கள்தொகை கொண்ட மாநிலமான நார்த் ரைன்-வெஸ்ட்பாலியாவில் (NRW), மின்வெட்டு சுமார் 50,000 குடும்பங்களை பாதித்துள்ளது என்று பிராந்தியத்தின் போர்கன் மாவட்டத்தின் அதிகாரப்பூர்வ இணையதளத்தில் ஒரு அறிக்கை தெரிவிக்கிறது.

இதனிடையே, நேற்று ஜேர்மனியின் ஹாம்பர்க்கில் படகு ஒன்றில் படம்பிடிக்கப்பட்ட கொடூரமான காட்சி வெளியானது.

அந்த வீடியோவில், படகின் ஜன்னலுக்கு மேலே உயரமாகவும் பலமாகவும் வந்த அலை ஜன்னல்களை உடைத்துக்கொண்டு உள்ளே தண்ணீரை பீய்ச்சியடிக்க, முன்பக்கத்தில் அமர்ந்திருக்கும் ஒருவர் அலையில் தாக்கத்தால் ஸ்தம்பித்து போனார்.