ஹோட்டல் ஸ்டைலில் சுவையான மசாலா முட்டை பஜ்ஜி! வெறும் 10 நிமிடம் போதும்

முட்டை பிரியர்களுக்கு பிடித்தமான மசாலா முட்டை பஜ்ஜி எவ்வாறு செய்யலாம் என்பதை இந்த பதிவில் தெரிந்து கொள்வோம்.

பொதுவாக அசைவ பிரியர்களின் உணவுப்பட்டியலில் முதலில் இருப்பது முட்டை தான். முட்டையை எளிமையான முறையில் சமைக்க முடிவதுடன், குறுகிய நேரத்திலும் சமைத்துவிடலாம்.

இதனால் பசியை அதிக நேரம் தாங்கிக் கொள்ள வேண்டிய அவசியம் இல்லை. ஆம்லேட், ஆஃபாயில், குழம்பு, கலக்கி என செய்து சாப்பிட்டிருப்போம். தற்போது மசாலா முட்டை பஜ்ஜி எவ்வாறு செய்யலாம் என்பதை தெரிந்து கொள்வோம்.

இந்த ஒரு காய் சாப்பிடுங்க - நரம்பில் சிக்கியுள்ள கெட்ட கொழுப்பு கரையும்

தேவையான பொருட்கள்

முட்டை - 3
பெரிய வெங்காயம் - 3
கடலை மாவு - 1/4 கப்
அரிசி மாவு - 3 ஸ்பூன்
மிளகாய் தூள் - 1 ஸ்பூன்
பச்சை மிளகாய் - 1 பொடியாக நறுக்கியது
மஞ்சள் தூள் - சிறிதளவு
கரம் மசாலா - 1/2 ஸ்பூன்
மிளகு தூள் - 1/4 ஸ்பூன்
மல்லித்தூள் - 1/4 ஸ்பூன்
இஞ்சி, பூண்டு விழுது - 1/2 ஸ்பூன் 
கருவேப்பிலை - பொடியாக நறுக்கியது
கொத்தமல்லி - பொடியாக நறுக்கியது
உப்பு - தேவையான அளவு
ஆப்ப சோடா - சிறிதளவு
எண்ணெய் - தேவையான அளவு

செய்முறை

முதலில் பெரிய வெங்காயத்தினை நீளமாக வெட்டிக் கொள்ளவும். முட்டையை அவித்து இரண்டாக வெட்டி வைத்துக் கொள்ளவும்.

பவுல் ஒன்றில் கடலை மாவு, அரிசி மாவு, மிளகாய் தூள், பச்சை மிளகாய், மஞ்சள் தூள், கரம்மசாலா, மிளகு தூள், மல்லித்தூள், இஞ்சி பூண்டு விழுது, கருவேப்பிலை, கொத்தமல்லி, உப்பு, ஆப்பசோடா இவற்றினை சேர்த்து பிசையவும்.

பிசையும் போது வெங்காயத்தில் தண்ணீர் வரும் என்பதால், அதிகமாக தண்ணீர் சேர்க்காமல் சிறிதளவு மட்டும் தண்ணீர் சேர்த்துக் கொள்ளவும். 

உங்களிடம் அரிசி மாவு இல்லையெனில் இட்லி மாவு சேர்த்து பிசைந்து கொள்ளவும். குறித்த மசாலா சற்று தளர்வாக இருக்கும் போது மாவை எடுத்து நடுவில் பாதியாக வெட்டியுள்ள முட்டையை வைத்து உருண்டையாக்கிக் கொள்ளவும்.

பின்பு கடாயை அடுப்பில் வைத்து, எண்ணெய் சூடானதும், மசாலா முட்டையைப் போட்டு பொரித்து எடுத்தால் சுவையான மசாலா முட்டை பஜ்ஜி தயார்.