மீனே இல்லாமல்... அசல் மீனின் சுவையில் சைவ மீன் குழம்பு எப்படி செய்வது?

பொதுவாகவே அசைவ உணவுகளில் மீன் குழம்புக்கு எப்போதும் தனி இடம் உண்டு. ஆனால் அவைசம் சாப்பிடாதவர்களும் மீன் குழம்பின் சுவையை அறிய முடியும்.

பார்ப்பதற்கு மட்டுமன்றி சுவையும் அசல் மீன் குழம்பு மாதிரியே இருக்கும். மீனே இல்லாமல் மீன் குழம்பு செய்யலாம் தெரியுமா? ஆம் அசல் மீனின் சுவையில் வைவ மீன் குழம்பு எவ்வாறு செய்யலாம் என்பது குறித்து இந்த பதிவில் பார்க்கலாம்.

தேவையான பொருட்கள்

வாழைக்காய் - 3

மிளகாய் தூள் - 4 தே.கரண்டி

மஞ்சள் தூள் - 1/2தே.கரண்டி

எலுமிச்சை சாறு - 1 தே.கரண்டி

சோம்புத்தூள் - 2 தே.கரண்டி

மல்லித்தூள் - 4 தே.கரண்டி

சீரகத்தூள் - 1 தே.கரண்டி

எண்ணெய் - தேவையான அளவு

வெங்காயம் - 2

தக்காளி - 2

பச்சை மிளகாய் - 2

இஞ்சி, வெள்ளைப் பூண்டு விழுது - 1 தே.கரண்டி

கடுகு - 1/4 தே.கரண்டி

வெந்தயம் - 1/4 தே.கரண்டி

கறிவேப்பிலை - தேவையான அளவு

புளி - எலுமிச்சம் பழ அளவு

உப்பு - தேவையான அளவு

கேரட்டை பச்சையாக சாப்பிடுபவரா நீங்க? இந்த உயிர் கொல்லி நோய்கள் கிட்டவே வராது

செய்முறை

முதலில் வாழைக்காயின் தோலை நீக்கிவிட்டு வாழைக்காயை குறுக்காக வெட்டிக் கொள்ளவும். வெட்டிய வாழைக்காயின் நடுவில் சிறியதொரு துவாரத்தைப் போட வேண்டும். மீன் போன்ற அமைப்பை பெறுவதற்காவே அந்த துளை.

வெட்டிய வாழைக்காயை தண்ணீரில் போட்டு வைத்துக்கொள்ள வேண்டும். ஒரு பாத்திரத்தில் ஒரு தே.கரண்டி மிளகாய் தூள், கால் தே.கரண்டி மஞ்சள் தூள், அரை தே.கரண்டி உப்பு, அரை தே.கரண்டி எண்ணெய், 1 தே.கரண்டி எலுமிச்சை சாறு சேர்த்துக் கலந்துக்கொள்ள வேண்டும்.

அதன் பின்னர் வெட்டி வைத்துள்ள வாழைக்காய்களை இந்த மசாலாவில் போட்டு பிரட்டி எடுத்துக்கொள்ள வேண்டும்.

பின்னர் ஒரு கடாயில் எண்ணெய் சேர்த்து, மசாலா தடவி வைத்துள்ள வாழைக்காய்களை அதில் போட்டு இரு பக்கமும் பொன்னிறமாக வரும் வரையில் பொரித்து எடுத்து வைத்துக் கொள்ளவும்.

பின்னர் இன்னொரு கடாய் எடுத்து, அதில் எண்ணெய் சேர்த்து, 1 தே.கரண்டி கடுகு, கால் தே.கரண்டி வெந்தயம், 1 கொத்து கறிவேப்பிலை சேர்த்து கறிவேப்பிலை நன்றாக பொரிந்ததும் சிறிதாக நறுக்கிய இரண்டு வெங்காயத்தை சேர்த்துக்கொள்ளவும்.

 கலவை ஓரளவு வதங்கியதன் பின்னர் அதனுடன் இஞ்சி, வெள்ளைப்பூண்டு விழுது 1 தே.கரண்டி உப்பு சேர்த்து நன்றாக கலந்துகொள்ள வேண்டும்.

 இஞ்சி, வெள்ளைப் பூண்டின் பச்சை வாசம் போனதும் மிக்சியில் நன்றாக அரைத்து வைத்துள்ள தக்காளியை அதனுடன் சேர்த்துக்கொள்ள வேண்டும்.

தக்காளியின் பச்சை வாசனை போனதும் 1 1/2 தே.கரண்டி மிளகாய் தூள், 3 1/2 தே.கரண்டி மல்லித்தூள், 1/4 தே.கரண்டி மஞ்சள் தூள், 1 தே.கரண்டி சீரகத்தூள், 1 தே.கரண்டி சோம்புத்தூள் சேர்த்து நன்றாகக் கலந்துகொள்ள வேண்டும்.

அனைத்தும் நன்றாக வதங்கியதன் பின்னர் புளித் தண்ணீரை சேர்த்துக்கொள்ள வேண்டும். அனைத்தையும் நன்றாகக் கலந்து கொதிக்க விடவும்.

எண்ணெய் பிரிந்து வரும்போது தேவையான அளவு தண்ணீர் சேர்த்து கலந்துகொள்ள வேண்டும். உப்பை சரிபார்த்துக் கொள்ளவேண்டும்.

குழம்பு கொதித்து எண்ணெய் பிரிந்துவரும் போது பச்சை மிளகாய், கறிவேப்பிலை என்பவற்றை சேர்த்து நன்றாகக் கலந்து 5 நிமிடங்கள் அப்படியே மூடி விடவேண்டும்.

பின்னர் வாழைக்காயை அதில் சேர்க்க வேண்டும். அதை மூடி இரண்டு நிமிடம் வேகவைத்தால் போதும். அருமையான சைவ மீன் குழம்பு தயார்.

பார்பதற்கும் மட்டுமல்ல சுவையும் மீன் குழப்பு மதிரியே அட்டகாசமாக இருக்கும். 

சூரியன் பெயர்ச்சி... தொழிலில் உயர் பதவியை அடையப்போகும் ராசியினர் யார் யார்னு தெரியுமா?