லங்காசிறி FM
கசப்பே இல்லாமல் பாகற்காய் தொக்கு செய்யணுமா? குழந்தைகள் கூட விரும்பி சாப்பிடுவாங்க
Manchu
அதிகமான ஆரோக்கிய நன்மைகளைக் கொண்ட பாகற்காயை அதன் கசப்பு தன்மை தெரியாமல் தொக்கு எவ்வாறு செய்யலாம் என்பதை இந்த பதிவில் தெரிந்து கொள்வோம்.
கசப்பு சுவையைக் கொண்ட பாகற்காயை குழந்தைகள் பெரும்பாலும் ஒதுக்கி வைத்துவிடுவார்கள். சில பெரியவர்களும் பாகற்காய் என்றாலே முகம் சுழிக்கவும் செய்கின்றனர்.
ஆனால் பாகற்காய் வயிற்றிலுள்ள குடல் புழுக்களை நீக்குவதற்கும், சர்க்கரை நோயாளிகளுக்கு சிறந்த மருந்தாகவும் இருக்கின்றது.
இதனை தொக்காக செய்வது குறித்து இந்த பதிவில் தெரிந்து கொள்ளலாம்.
தேவையான பொருட்கள்
பாகற்காய் - ½ கிலோ
பெரிய வெங்காயம் - 1
தக்காளி - 2
மஞ்சள் தூள் - ½ டீஸ்பூன்
மிளகாய் தூள் - 1 டேபிள் ஸ்பூன்
புளி - பெரிய எலுமிச்சை அளவு
வெல்லம் - 50 கிராம்
அரிசி - 1 டேபிள் ஸ்பூன்
துவரம் பருப்பு - ½ டேபிள் ஸ்பூன்
கடலை பருப்பு - ½ டேபிள் ஸ்பூன்
கசகசா - ½ டீ ஸ்பூன்
உப்பு - தேவையான அளவு
தாளிக்க
எண்ணெய் - தேவையான அளவு
கடுகு - ½ டீ ஸ்பூன்
உளுத்தம் பருப்பு - ½ டீஸ்பூன்
சீரகம் - ½ டீ ஸ்பூன்
பெருங்காயம் - ½ சிட்டிகை
கருவேப்பிலை - 1 கொத்து
செய்முறை
வாணலியை அடுப்பில் வைத்து சூடானதும், அரிசி மற்றும் கசகசா சேர்த்து வறுக்க வேண்டும். இதனுடன் துவரம் பருப்பு மற்றும் கடலை பருப்பு சேர்த்து வறுத்து ஆற விடவும்.
மிக்ஸி ஜாரில் சேர்த்து பொடியாக அரைத்துக் கொள்ள வேண்டும். பாகற்காயை விதையை நீக்கி தண்ணீரில் கழுவி பொடியாக நறுக்கிக் கொள்ளவும்.
வெங்காயம், தக்காளியை பொடியாக நறுக்கி வைக்கவும். புளியை சிறிது நேரம் தண்ணீரில் ஊற வைத்து, கரைத்து எடுத்துக் கொள்ளவும்.
பாத்திரம் ஒன்றினை அடுப்பில் வைத்து சூடான பின்பு எண்ணெய் சேர்த்து காய விடவும். எண்ணெய் காய்ந்ததும், கடுகு சீரகம் கறிவேப்பிலை, உளுந்தம் பருப்பு சேர்த்து தாளிக்கவும்.
இதனுடன் வெங்காயத்தை சேர்த்து பொன்னிறமாகும் வரை வதக்கவும், பின்பு இதனுடன் பாகற்காய் சேர்த்து வதக்கவும்.
பொடியாக நறுக்கி வைத்துள்ள தக்காளி சேர்த்து வதக்கி, பின்பு மஞ்சள் தூள், மிளகாய் தூள், உப்பு சேர்த்து வதக்கவும்.
நன்றாக வதங்கியதும், வெல்லத்தை பொடி செய்து சேர்க்கவும். குழம்பு நன்றாக கொதித்து வரும் போது, அரைத்து வைத்த அரிசி மற்றும் பருப்பு கலவையை சேர்த்து நன்றாக கிளறவும்.
ஒரு மூன்று நிமிடம் அடுப்பை மிதமான தீயில் வைத்து கலந்து விடவும். நன்கு திரண்டு தொக்கு பதத்திற்கு வந்ததும் இறக்கினால் கசப்பு இல்லாத பாகற்காய் தொக்கு தயார்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
உங்களுக்குப் பிடித்த நிறம் கருப்பா? அப்போ நீங்க எந்த மாதிரி Person தெரியுமா? 20 நிமிடங்கள் முன்
அரியாலை, கொழும்பு, Georgetown, Guyana, Edgware, United Kingdom
17 Jun, 2025
யாழ் தும்பளை மேற்கு, Jaffna, புலோலி வடக்கு, London, United Kingdom
16 Jun, 2025
கொழும்பு, பருத்தித்துறை, Mengede, Germany, Dortmund, Germany, Wuppertal, Germany
17 Jun, 2025
முல்லைத்தீவு, கொழும்பு, நல்லூர், மெல்போன், Australia
15 Jun, 2025
மாதகல், மாங்குளம், Amsterdam, Netherlands, Nuremberg, Germany
01 Jun, 2024
வல்வெட்டித்துறை, London, United Kingdom, Aylesbury, United Kingdom
13 Jun, 2025
