நீங்க வாங்கும் எலுமிச்சை பழத்தின் உள்ளே சாறே இல்லையா? இனி இப்படி பார்த்து வாங்குங்க!

பொதுவாக காய்கறிகளை வாங்கும் போது முக்கியமாக சில விடங்களை கடைபிடிப்பது அவசியமாகும். ஒவ்வொரு காய்கறியையும் வாங்குவதற்கென சில நுட்பங்கள் இருக்கத்தான் செய்கின்றன.

இதுவும் ஒரு கலை என்று தான் சொல்ல வேண்டும். காரணம் எல்லோராலுமே காய்கறிகளை நேர்த்தியாக வாங்கமுடிவதில்லை.

சர்க்கரை நோயை குணப்படுத்தும் 1,300 ஆண்டுகள் பழைமையான கோவில்! எங்குள்ளது?

அந்தவகையில், எலுமிச்சை வாங்கும் போது பலரும் கோட்டைவிட்டு விடுவார்கள். பார்பதற்கு நன்றாக தானே இருக்கின்றது என நாம் எலுமிச்சையை மேலோட்டமாக பார்த்து வாங்கிவிடுவோம்.

ஆனால் சமையலின் போது வெட்டினால் அதில் சாறே வராது. அப்படி நீங்களும் பல முறை ஏமார்ந்துள்ளீர்கள் என்றார் இந்த பதிவு உங்களுக்கு தான்.

எலுமிச்சையை சாறு நிறைந்ததாக பார்த்து வாங்குவதில் உள்ள சில முக்கிய நுட்ப முறைகள் பற்றி இந்த பதிவில் விரிவாக பார்க்கலாம்.  

எலுமிச்சை வாங்கும் முறை

எலுமிச்சையில் சாறு நிறைந்திருக்கின்றதா என்பதை அறிய, எலுமிச்சையின் நிறத்தில் கவனம் செலுத்த வேண்டியது அவசியம். குறிப்பாக பிரகாசமான, அடர் மஞ்சள் நிறத்தில் இருக்கும் எலுமிச்சை பழங்கள் தான் பழுத்திருப்பதற்கான முக்கிய அறிகுறி. அவை சாறு நிறைந்தவையாக இருக்கும்.

பெரும்பாலும் பச்சைநிறத்தில் இருக்கும் பழங்கள் இன்னும் முழுமையாக பழுக்காததால் அவை குறைவான சாற்றை  கொண்டவையாகவும் சற்று கசப்பு தன்மை  கொண்டவையாகவும் இருக்கும். 

நிறத்துக்கு அடுத்தாக எலுமிச்சையின் தோலில் தான்  கவனம் செலுத்த வேண்டும். தோல் மெல்லியதாகவும் மென்மையாகவும் இருந்தால், அதில் அதிக சாறு காணப்பட வாய்ப்பு அதிகம். 

அதுவே தோல் தடிமனாகவும் சற்று கரடுமுரடாகவும் அழுத்தும் பொது நலிவடையும் வகையிலும் இருந்தால், அதில் குறைவான சாறும், அதிக கூழ்மமும் இருப்பதற்று வாய்ப்புள்ளது. எனவே இவ்வாறான பழங்களை தவிர்ப்பது நல்லது.

எலுமிச்சை பழத்தை அழுத்தும்போது, ​​அது சிறிது மென்மையாகவும், அழுத்தினால் சாறு இருப்பதை உணரக்கூடிய வகையிலும் இருக்கும் வகையில் பார்த்து வாங்க வேண்டும்.

வெயிலால் ஏற்பட்ட கருமையை வெறும் 15 நிமிடங்களில் போக்கணுமா? டாப் 3 ஃபேஸ் பேக்!

எலுமிச்சை வாங்குவதில் மிக்கியமாக கவனிக்கப்பட வேண்டிய விடயம் தான் அதன் எடை. ஒரே அளவிலான இரண்டு பழங்களை கையில் எடுத்து பார்த்தால், ​கனமாகத் தோன்றும் பழத்தில் தான் அதிக சாறு இருக்கும். இதுவும் சாறு நிறைந்த எலுமிச்சையை தெரிவு செய்ய சிறந்த உத்திமுறை.

குறிப்பாக எலுமிச்சையில் கருப்பு புள்ளிகள் அல்லது பழுப்பு நிற புள்ளிகள் இல்லாமல் பார்த்துக் வாங்க வேண்டும். அப்படி புள்ளிகள் இருந்தால், பழத்தின் உட்புறம் அழுகி இருக்க வாய்ப்புள்ளது.