AI படங்களை எளிதாக கண்டுபிடிக்க உதவும் முக்கிய குறிப்புகள் என்னென்ன? இத கவனிங்க!

செயற்கை நுண்ணறிவு (AI) தொழில்நுட்பத்தின் வளர்ச்சியால், உண்மையான புகைப்படங்களைப் போலவே தோற்றமளிக்கும் படங்கள் சமூக வலைத்தளங்களில் அதிகளவில் பகிரப்பட்டு வருகின்றன. அவற்றில் பல பொய்யான தகவல்களைப் பரப்பவும், மக்களை தவறாக வழிநடத்தவும் பயன்படுத்தப்படுகின்றன.

எனவே, AI மூலம் உருவாக்கப்பட்ட படங்களை அடையாளம் காணும் திறன் இன்றைய டிஜிட்டல் உலகில் மிகவும் அவசியமானதாக மாறியுள்ளது. அந்தவகையில்,  AI மூலம் உருவாக்கப்பட்ட படங்களை எவ்வாறு எளிதில் அடையாளம் காணலாம் என்பது குறித்த விரிவாக இந்த பதிவில் பார்க்கலாம்.

அதிகாரப்பூர்வ சந்திப்பில் முதல்வர் விஜய்யின் க்யூட்டான செயல்... படு வைரலாகும் வீடியோ!

கவனிக்க வேண்டியவை

கை விரல்களை கவனிக்க வேண்டும்

AI உருவாக்கிய படங்களில் மனிதர்களின் கை விரல்கள் பெரும்பாலும் இயல்பற்றதாக இருக்கும். ஐந்து விரல்களுக்குப் பதிலாக நான்கு அல்லது ஆறு விரல்கள் காணப்படலாம்.

சில நேரங்களில் விரல்கள் ஒன்றோடொன்று ஒட்டியிருப்பது போலவோ, வளைந்து காணப்படுவதோ, நகங்கள் சரியாக இல்லாததோ போன்ற குறைபாடுகளும் இருக்கும்.இது AI படங்களை அடையாளம் காண உதவும் முக்கிய அறிகுறிகளில் ஒன்றாகும்.

பின்னணி மற்றும் எழுத்துகளில் பிழைகள்

AI தொழில்நுட்பம் மனித உருவங்களை துல்லியமாக உருவாக்கினாலும், பின்னணிகளில் பல தவறுகள் காணக்கூடியதாக இருக்கும்.

கட்டிடங்கள், மரங்கள், பொருட்கள் ஆகியவை இயல்பற்ற வடிவத்தில் இருக்கலாம். கூட்டமாக இருக்கும் காட்சிகளில் பின்னணியில் உள்ள மனித முகங்கள் மங்கலாகவோ சிதைந்ததாகவோ இருக்கும்.

அதேபோல், படத்தில் இடம்பெறும் எழுத்துகள் தெளிவில்லாமலோ அல்லது பொருளற்றதாகவோ இருப்பதும் AI படங்களின் பொதுவான அடையாளமாகும்.

ஒளி, நிழல் மற்றும் பிரதிபலிப்புகளை

ஆராயுங்கள் உண்மையான புகைப்படங்களில் ஒளி, நிழல் மற்றும் பிரதிபலிப்புகள் இயற்கையான விதத்தில் அமைந்திருக்கும்.

ஆனால் AI உருவாக்கிய படங்களில் ஒளியின் திசை பொருந்தாமல் இருக்கலாம். நிழல்கள் தவறான கோணத்தில் தோன்றலாம் அல்லது நிழல் இல்லாமல் இருக்கும். கண்ணாடி, தண்ணீர் போன்ற மேற்பரப்புகளில் பிரதிபலிப்புகள் இயல்பாக இருக்காது. அதனை சற்று கூர்ந்து கவனித்ததால் கண்டுப்பிடித்துவி்டலாம்.

கண்களில் பிரதிபலிப்பு இல்லாததும் அல்லது விசித்திரமாகத் தோன்றுவதும் சந்தேகத்திற்குரிய அம்சமாகும்.

6 தலைமுறைகள் - 83 பேர்... ஒற்றுமையாக வாழும் அதிசயக் கூட்டுக் குடும்பம்! எங்கு தெரியுமா?

இலவச கருவிகளை பயன்படுத்தி கண்டறியலாம்

ஒரு படம் உண்மையானதா அல்லது AI மூலம் உருவாக்கப்பட்டதா என்பதை உறுதிப்படுத்த, இணையத்தில் கிடைக்கும் இலவச சரிபார்ப்பு கருவிகளை பயன்படுத்தலாம். அதேபோல், Google Reverse Image Search போன்ற சேவைகள் மூலம் அந்தப் படம் முதலில் எங்கு வெளியிடப்பட்டது என்பதையும் கண்டறிய முடியும்.

எந்தப் படத்தையும் பகிர்வதற்கு முன் அதன் மூலத்தை சரிபார்ப்பது மிகவும் முக்கியம். விழிப்புணர்வே சிறந்த பாதுகாப்பு சமூக வலைத்தளங்களில் காணப்படும் ஒவ்வொரு படத்தையும் உடனே நம்பாமல், அதன் நம்பகத்தன்மையை ஆராயும் பழக்கத்தை வளர்த்துக்கொள்ள வேண்டும். இது நமது பாதுகாப்பையும் நம்மை சுற்றி இருப்பவர்களின் பாதுபாப்பையும் உறுதி செய்ய பெரிதும் துணைப்புரியும்.