லங்காசிறி FM
வரைவு வாக்காளர் பட்டியலில் உங்களது பெயர் உள்ளதா? இதோ முழுவிபரம்
Manchu
வரைவு வாக்காளர் பட்டியலில் உங்களது பெயரை எவ்வாறு தேடுவது? பெயர் நீக்கப்பட்டிருந்தால் எவ்வாறு விண்ணப்பிப்பது என்பதை இந்த பதிவில் தெளிவாக தெரிந்து கொள்ளலாம்.
வரைவு வாக்காளர் பட்டியல் வெளியீடு
2026 ஆம் ஆண்டில் தமிழ்நாடு சட்டமன்ற தேர்தல் நடைபெற உள்ள நிலையில், தமிழ்நாட்டில் சிறப்பு வாக்காளர் திருத்தப் பட்டியல் பணியை(SIR) இந்தியத் தேர்தல் ஆணையம் மேற்கொண்டது.
கடந்த மாதம் 4ம் தேதி தொடங்கிய இந்த வாக்காளர் சிறப்பு தீவிர திருத்த பணி டிசம்பர் மாதம் 14ம் தேதி வரை பெற்றது. இந்நிலையில் இன்று வரைவு வாக்காளர் பட்டியலை தேர்தல் ஆணையம் வெளியிட்டுள்ளது.
இதில் முகவரி இல்லாதவர்கள், இறந்தவர்கள், இரட்டை பதிவுகள் கொண்டவர்கள் என பல காரணங்களால் தமிழ்நாடு முழுவதும் 97.37 லட்சம் வாக்காளர்களின் பெயரை நீக்கியுள்ளார்கள். இதில் சென்னையில் மட்டும் 14.25 லட்சம் வாக்காளர்களின் பெயர் நீக்கம் செய்யப்பட்டுள்ளது.
பெயரை எப்படி சரிபார்ப்பது?
வாக்காளர்கள் தங்கள் பெயர் வாக்காளர் பட்டியலில் உள்ளதா என சரிபார்க்க, voters.eci.gov.in என்ற இணையதளத்திற்கு சென்று Search Your Name in Voter List என்பதை கிளிக் செய்து சரிபார்க்கலாம்.
இந்த பக்கத்தில் மாநிலத்தில் தெரிவு செய்து 3 வழிகளில் உங்களது பெயர்கள் உள்ளதா என்பதை தெரிந்து கொள்ளலாம்.
முதலில் வாக்காளர் அடையாள அட்டை எண்( search by EPIC), பதிவு செய்து பின்பு அந்த பக்கத்தில் கொடுக்கப்பட்டுள்ள Capcha Code-ஐ நிரப்பி தெரிந்து கொள்ளலாம்.
இரண்டாவதாக உங்களது பெயர், உறவினர் பெயர், பிறந்த தேதி அல்லது பாலினம், வயது, மாவட்டம் சட்டமன்ற தொகுதி ஆகியவற்றினை பதிவு செய்து பட்டியலில் பெயர் உள்ளதா என்பதை தெரிந்து கொள்ளலாம்.
மூன்றாவதாக நீங்கள் பதிவு செய்த மொபைல் எண்ணை உள்ளிட்டு, அதில் வரும் OTPயை உள்ளிட்டு சரிப்பாக்கவும்.
அதுவே நீக்கப்பட்டவர்களின் பெயர்களை https://erolls.tn.gov.in/asd/ என்ன இணையதளத்தில் சென்று பார்த்தால் காரணத்துடன் தெரிந்து கொள்ள முடியும்.
மீண்டும் எப்படி விண்ணப்பிப்பது?
உங்களது பெயர் வாக்காளர் பட்டியலில் இல்லையென்றால், தங்கள் பெயரை சேர்க்க, படிவம் 6-ஐ பூர்த்தி இன்று முதல் ஜனவரி 18ம் தேதி வரை விண்ணப்பிக்கலாம்.
முகவரி மாற்றம் செய்ய அல்லது தொகுதி மாற்றம் செய்ய படிவம் 8 -ஐ சமர்ப்பிக்க வேண்டும்.
https://voters.eci.gov.in/ இணையதளம் மூலமாகவும், சிறப்பு முகாம் அமைக்கப்பட்டுள்ள நிலையில், அங்கு சென்றும் இந்த படிவங்களை சமர்ப்பிக்க முடியும்.
நீங்கள் அனுப்பும் விண்ணப்பங்களை மறுபரிசீலனை செய்து பிப்ரவரி மாதம் 17ம் தேதி இறுதி வாக்காளர் பட்டியல் வெளியிடப்படும்.
| சுவாரஸ்யமான செய்திகளை நொடிப் பொழுதில் தெரிந்து கொள்ள மனிதன் WHATSAPP CHANNEL இல் இணையுங்கள் FOLLOW NOW |
அச்சுவேலி, Woodbridge, Canada
18 Dec, 2010
புங்குடுதீவு 3ம் வட்டாரம், யாழ்ப்பாணம், நீர்கொழும்பு, பிரான்ஸ், France
16 Dec, 2016
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
