இந்த 3 பொருள் போடுங்க - கருப்பான உதடு ரோஜா இதழ் போல மாறும்

பெண்கள் எல்லோரும் அவர்களின் உதடு அழகாக இருக்க வேண்டும் என நினைப்பார்கள். நமது உதடுகள் தான் நம்மை மிகவும் அழகாக எடுத்து காட்டும்.

அதனால் தான் அனைவரும் கருமையான உதட்டை விரும்புவதில்லை. உதடுகள் கருமையாக இருந்தால் அது எமது முக அழகையே பாதிக்கும்.

டீயை சூடுபண்ணி குடிக்கிறீங்களா? இந்த ஆபத்துகள் வரும்

அந்த கருமை நிறம் சிலருக்கு பழக்கங்கள் மூலமாகவும் வரும். சிலருக்கு உணவுகள் மூலமாகவும் வரும்.

ஆனால் உதட்டின்  கருமை நிறத்தை வீட்டில் உள்ள பொருட்களை கொண்டு மாற்ற முடியும் அந்த பொருட்கள் மற்றும் அதை எப்படி பயன்படுத்தலாம் என்பதை பார்க்கலாம்.

 உதடுகள் சிவப்பாக மாற வீட்டு வைத்தியம்

எலுமிச்சை மற்றும் தேன் - இயற்கையாக நிறத்தை மாற்றும் குணம் எலுமிச்சையில் இருக்கிறது. தேன் உதடுகளுக்கு ஈரப்பதத்தை அளித்து, வறண்டு போகாமல் பாதுகாக்கும்.

இதில் உள்ள ஆன்டிஆக்ஸிடன்ட்கள் சூரிய ஒளியால் ஏற்படும் பாதிப்புகளை சரிசெய்யவும், சுற்றுச்சூழல் பாதிப்பிலிருந்து உதடுகளை பாதுகாக்கவும் உதவுகின்றன.

இதற்காக ஒரு தேக்கரண்டி எலுமிச்சை சாறுடன், அரை தேக்கரண்டி தேன் கலந்து, இரவு தூங்குவதற்கு முன் உதடுகளில் தடவவும். இதனை, காலையில் குளிர்ந்த நீரால் கழுவி விடலாம். இது நல்ல பலன்களை கொடுக்கும்.

ரோஜா இதழ் மற்றும் பால் - ரோஜா இதழ்கள் இயற்கையாகவே உதடுகளுக்கு ரோஸ் நிறத்தை அளிக்கும். பால், உதடுகளின் நிறமியை குறைத்து கருமையை போக்க உதவும்.

அதன்படி, ரோஜா இதழ்களை பாலில் சுமார் ஒரு மணி நேரத்திற்கு ஊற வைக்க வேண்டும். பின்னர், இவற்றை பசை பதத்திற்கு அரைத்து, அதை உதட்டில் தடவ வேண்டும்.

பின்னர், 15 நிமிடங்கள் கழித்து வெதுவெதுப்பான நீரில் கழுவலாம். இப்படி வாரத்திற்கு மூன்று முதல் நான்கு முறை பின்பற்றலாம்.

பீட்ரூட் சாறு - பீட்ரூட் ஒரு அற்புதமான இயற்கை அழகு பொருளாக விளங்குகிறது. இதில் உள்ள இரும்புச்சத்து மற்றும் ஆன்டிஆக்ஸிடன்ட்கள் உதடுகளுக்கு ஊட்டமளித்து, கருமையை நீக்கி படிப்படியாக இளஞ்சிவப்பு நிறத்தை அளிக்கும்.

பீட்ரூட் சாறை தினமும் இரவு தூங்குவதற்கு முன் உதடுகளில் தடவவும். காலையில் இதை கழுவி விடலாம். இவ்வாறு தொடர்ந்து பயன்படுத்தி வந்தால் நல்ல பலன் கிடைக்கும்.

சர்க்கரை மற்றும் ஆலிவ் ஆயில் - உதடுகளில் உள்ள டெட் செல்களை நீக்குவதன் மூலம் அதில் இருக்கும் கருமையை மறைக்க முடியும். ஆலிவ் ஆயிலில் உள்ள வைட்டமின் ஈ மற்றும் ஃபேட்டி ஆசிட்கள் உதடுகளுக்கு ஆழமான ஊட்டத்தை அளித்து வறண்டு போகாமல் பாதுகாக்கும்.

ஒரு தேக்கரண்டி சர்க்கரையுடன், அரை தேக்கரண்டி ஆலிவ் ஆயில் கலந்து, உதடுகளில் 1-2 நிமிடங்கள் மெதுவாக மசாஜ் செய்யவும். பின்னர் குளிர்ந்த நீரால் கழுவவும். இதை வாரத்திற்கு இரண்டு முறை பயன்படுத்தலாம்.