இளம் வயதினரை குறி வைத்து தாக்கும் மாரடைப்பு- அப்போ அடிக்கடி இந்த கஞ்சி குடிங்க

தற்போது இதய தொடர்பான பிரச்சனைகளால் அதிகமான ஆண்கள் பாதிக்கப்பட்டு வருகிறார்கள். அதுவும் 40 வயதிற்குள் இருக்கும் இளைஞர்கள் மாரடைப்பால் இறக்கிறார்கள்.

ஹீமோகுளோபின் குறைவுக்கு வீட்டிலேயே தீர்வு- இந்த உணவுகளை தினமும் சாப்பிடுங்க

இதன்படி, நேற்றைய தினம் பிரபல பாலிவுட் நடிகை கரீஷ்மா கபூரின் முன்னாள் கணவரும், தொழிலதிபருமான சஞ்சய் கபூர், தனது 53 வயதில் திடீர் மாரடைப்பு காரணமாக உயிரிழந்துள்ளார்.

இவ்வளவு மோசமான விளைவுகளை தரும் மாரடைப்பு ஏன் இளம் வயது ஆண்களை தாக்ககிறது என்ற சந்தேகம் நம்மிள் பலருக்கும் இருக்கும்.

தற்போது நிலவி வரும் இந்த நிலையை தடுக்க வேண்டும் என்றால் ஆண்கள் தங்களின் உடல் ஆரோக்கியத்தில் கூடுதல் கவனம் எடுக்க வேண்டும்.

அந்த வகையில் இளம் வயதினரை தாக்கும் மாரடைப்பு பற்றிய விவரங்களையும், அதனை சரிச் செய்யும் கஞ்சி எப்படி தயாரிக்கலாம் என்பது பற்றியும் தெரிந்து கொள்ளலாம். 

மாரடைப்பு ஏன் வருகிறது?

மாரடைப்பானது ஆண், பெண் என இருபாலருக்கும் ஏற்படுகிறது. ஆனால் பெண்களுடன் ஒப்பிடுகையில், ஆண்களுக்கு அதிகமாக ஏற்படுகிறது.

உலகிலேயே மிக பழமையான நாடு எது தெரியுமா? 100,000 ஆண்டுகளாக வாழ்கிறார்களாம்..

கொலஸ்ட்ரால், உயர் இரத்த அழுத்தம், சர்க்கரை நோய், உடல் பருமன் மற்றும் மன அழுத்தம் உள்ளிட்ட காரணங்களால் இந்த நோய் ஏற்படுகிறது. ஆண்கள் அவ்வளவு எளிதில் தங்கள் உடல் ஆரோக்கிய பிரச்சனைக்கு மருத்துவரை அணுகமாட்டார்கள். பிரச்சனை முற்றிய நிலையில் தான் மருத்துவரை பார்க்கச் செல்வார்கள்.

ஒவ்வொரு ஆணும் முதலில் மருத்துவ பரிசோதனைகளை செய்து கொள்ள வேண்டும். ஆண்களின் இப்படியான அலட்சிய போக்கால் ஒவ்வொரு ஆண்டும் தந்தையர் தினத்திற்கு முந்தைய ஒரு வாரம் சர்வதேச ஆண்கள் சுகாதார வாரமாக கொண்டாடப்படுகிறது.

இந்த காலப்பகுதியில் ஆண்களுக்கு ஆங்காங்கு விழிப்புணர்வு பிரச்சாரங்கள் நடத்தப்படும். இந்த ஆண்டின் சர்வதேச ஆண்கள் சுகாதார வாரமானது ஜூன் 9 தொடங்கி ஜூன் 15 வரையிலான காலப்பகுதியில் கொண்டாடப்படுகிறது.

 காரணங்களும் தீர்வுகளும்

1. ஆண்களுக்கு மாரடைப்பு வருவதற்கு முக்கிய காரணமாக தவறான உணவு பழக்கங்கள் பார்க்கப்படுகிறது. இதனால் அடிக்கடி அவர்கள் சிறுதானியங்களை உணவில் சேர்த்து கொள்ள வேண்டும். இப்படி செய்து வந்தால் இதய ஆரோக்கியம் மேம்படுத்தப்படும்.

2. சிறுதானியங்களில் நார்ச்சத்து அதிகம் உள்ளதால் மாவுச்சத்து 10-15 சதவீதம் குறைவாக உள்ளது.

3. நுண் சத்துக்களுடன் ராகியில் பாலை விட 2 மடங்கு கால்சியம் உள்ளதால் ஆண்கள் சாப்பிட்டால் பலன்கள் அதிகமாக கிடைக்கும். இது தவிர, ஆன்டி-ஆக்ஸிடன்ட்டுகள், பாஸ்பரஸ், மாங்கனீசு போன்றவைகளும் உள்ளன. 

கம்பு வெஜிடேபிள் கஞ்சி

தேவையான பொருட்கள்

• கம்பு - 100 கிராம்
• தண்ணீர் - 1 கப் + 7 கப்
• எண்ணெய் - 1 டீஸ்பூன்
• சீரகம் - 1/4
• பூண்டு - 2 பல் (பொடியாக நறுக்கியது)
• இஞ்சி - சிறிய துண்டு (பொடியாக நறுக்கியது)
• பச்சை மிளகாய் - 2 (பொடியாக நறுக்கியது)
• வெங்காயம் - 1 (பொடியாக நறுக்கியது)
• பீன்ஸ் - 5 (பொடியாக நறுக்கியது)
• கேரட் - 1 (பொடியாக நறுக்கியது)
• கறிவேப்பிலை - 1 கொத்து
• உப்பு - சுவைக்கேற்ப
• கொத்தமல்லி - சிறிது

 கஞ்சி தயாரிப்பு முறை

முதலில் கம்பை நீரில் 2 முறை கழுவி, வடிகட்டி தனியாக வைத்து விட்டு, ஒரு சுத்தமான மிக்ஸியில் கம்பை போட்டு ரவை போன்று அரைத்து கொள்ளவும்.

பின்னர், அதில் 1 கப் நீர் ஊற்றி, கலந்து விட்டு தனியாக வைக்கவும். அடுத்து, ஒரு வாணலியை அடுப்பில் வைத்து எண்ணெய் விட்டு சூடானதும், சீரகம், பூண்டு, இஞ்சி, பச்சை மிளகாய் சேர்த்து நன்கு வதங்க விடவும்.

அதில் பொடியாக நறுக்கிய வெங்காயம், பீன்ஸ், கேரட், கறிவேப்பிலை சேர்க்கவும். சரியாக 7 கப் அளவு நீர் ஊற்றி, உப்பு போட்டு கொதிக்க விடவும்.

நீர் நன்கு கொதிக்க ஆரம்பித்ததும், அதில் கரைத்து வைத்துள்ள கம்பை சேர்த்து கிளறி விட்டு, அடுப்பை குறைத்து மிதமான தீயில் கொதிக்க விடவும்.

கடைசியாக கொத்தமல்லி தழை தூவி இறக்கினால் சுவையான கம்பு கஞ்சி தயார்!