சத்து நிறைந்த கடலை மாவு தோசை மொறு மொறு சுவையில் செய்வது எப்படி?
கடலைமாவில் கார்போஹைட்ரேட், நார்ச்சத்து, புரோட்டீன் அதிகளவு உள்ளது.
கடலை மாவில் இரும்புச்சத்து அதிக அளவில் உள்ளது.
தேவையான பொருட்கள்
- கடலைமாவு - ஒரு கப்
- அரிசிமாவு - அரை கப்
- எலுமிச்சம்பழம் - 1
- பச்சை மிளகாய் - 2
- கொத்துமல்லி
- கறிவேப்பிலை - சிறிதளவு
- பெருங்காயத்தூள் - கால் டீஸ்பூன்
- உப்பு, எண்ணெய் - தேவையான அளவு.
செய்முறை
ப.மிளகாய், கொத்தமல்லி, கறிவேப்பிலையை பொடியாக நறுக்கிகொள்ளவும்.
ஒரு பாத்திரத்தில் கடலைமாவு, அரிசிமாவு, பொடியாக நறுக்கிய பச்சை மிளகாய், கொத்துமல்லி, கறிவேப்பிலை, பெருங்காயத்தூள், உப்பு எல்லாவற்றையும் போட்டு நன்றாக கலக்கவும்.
அடுத்து அதில் எலுமிச்சை சாறையும் விட்டு, தேவையான அளவு தண்ணீர் சேர்த்து தோசை மாவு பக்குவத்தில் கரைத்துக்கொள்ளவும்.
தோசை கல்லை அடுப்பில் வைத்து மாவை மெல்லிய தோசைகளாக ஊற்றி சுற்றி எண்ணெய் விட்டு வெந்ததும் திருப்பி போட்டு வேக வைத்து எடுத்து பரிமாறவும். இப்போது சூப்பரான கடலை மாவு தோசை ரெடி.