சட்டையின்றி குதிரை சவாரி செய்த ரஷ்ய அதிபர் புதின் - ஜி-7 மாநாட்டில் கேலி செய்த தலைவர்கள்
ரஷ்ய அதிபர் புதின் மேல் சட்டையின்றி குதிரை சவாரி செய்யும் படம் இணையத்தில் வைரலாக பேசப்பட்டு வருகிறது. ஜி-7 நாடுகள் என அழைக்கப்படும் அமெரிக்கா, இங்கிலாந்து, கனடா, ஜப்பான், பிரான்ஸ், இத்தாலி, ஜெர்மனி இடையே ஆண்டுதோறும் இந்த அமைப்பின் மாநாடு நடப்பது வழக்கம்.
இதனிடையே இந்த ஆண்டுக்கான மாநாட்டில் ஜெர்மனியின் எல்மாவ் நகரில் 2 நாட்கள் நடத்த திட்டமிடப்பட்டது. அதன்படி கடந்த நாளில் மாநாடு தொடங்கியது. இதில் அமெரிக்க ஜனாதிபதி ஜோ பைடன் உள்பட 7 நாடுகளின் தலைவர்களும் கலந்து கொண்டனர்.
இதில், மாநாட்டில், பல்வேறு அமர்வுகளாக விவாதம் நடந்தது. உக்ரைன்-ரஷியா போர் முக்கிய இடம் பிடித்தது. 7 நாடுகளின் தலைவர்களும் உக்ரைனுக்கு ஆதரவான நிலைப்பாடு எடுத்தனர்.
மாநாட்டுக்கு முன் தலைவர்கள் ஒன்றுசேர்ந்து ஆலோசனை நடத்தினர். அப்போது ரஷிய அதிபர் விளாடிமிர் புதினின் மேல் சட்டையின்றி, வெறும் மார்போடு குதிரை சவாரி செய்யும் படத்தைப் பார்த்து அவர்கள் கேலி செய்தனர்.
ரஷிய அதிபர் புதின் ஒரு திறமையான டேக்வாண்டோ பயிற்சியாளர் ஆவார். அவர் பலமான மனிதர் என்பதை காட்டுவதற்காக அவருடைய இது போன்ற புகைப்படங்கள் ரஷிய அதிபர் மாளிகையால் அடிக்கடி வெளியிடப்படும்.
இந்த புகைப்படத்தை கண்ட ஜி7 உச்சிமாநாட்டின் முதல் நாளில் பிரிட்டிஷ் பிரதமர் போரிஸ் ஜான்சன் மற்றும் கனடா பிரதமர் ஜஸ்டின் ட்ரூடோ இருவரும் புதினைப் பற்றி கேலி செய்தனர்.