விவாகரத்து சர்ச்சை... காயப்படுத்தும் விமர்சனங்களுக்கு ஜி.வி.பிரகாஷ் கொடுத்த பதில்

ஜி.வி.பிரகாஷ், சைந்தரி ஜோடிகளின் பிரிவினை அறிந்த விமர்சகர்கள் காயப்படுத்தும் விதமாக விமர்சனத்தை பதிவிட்டு வரும் நிலையில், இதற்கு ஜி.வி.பிரகாஷ் பதில் அளித்துள்ளார்.

ஜி.வி.பிரகாஷ்

இசையமைப்பாளர் ஏ.ஆர்.ரஹ்மானின் சகோதரி மகன் தான் ஜி.வி.பிரகாஷ். ஜென்டில் படத்தில் சிக்கு புக்கு சிக்கு புக்கு ரயிலே என்ற பாடலை தனது மழலை குரலில் பாடியிருந்தார்.

பின்பு வெயில் திரைப்படம் மூலம் இசையமைப்பாளரான இவர், அடுத்தடுத்து பாடல்களின் மூலம் மக்கள் மனதில் இடம்பிடித்தார்.

பல முன்னணி பிரபலங்களின் படங்களில் இசையமைத்த இவர், நடிகராகவும் வலம் வந்தார். இவர் நடித்த சில படங்கள் ஓடவில்லை என்றாலும், டார்லிங் படம் இவருக்கு நல்ல வரவேற்பை கொடுத்தது.

பள்ளி காலத்தில் இருந்தே காதலித்து வந்த ஜி. வி. பிரகாஷ், சைந்தவி ஜோடி கடந்த 2013 ஆம் ஆண்டு, ஜூன் 27 ஆம் தேதியன்று சென்னையில் பிரமாண்டமான முறையில் திருமணம் செய்து கொண்டனர்.

இந்த தம்பதிகளுக்கு 2020ம் ஆண்டு பெண் குழந்தை பிறந்தது. இந்நிலையில் இருவரும் கருத்துவேறுபாடு காரணமாக பரஸ்பரமாக பிரிவதாக முடிவெடுத்து நேற்றைய தினத்தில் அறிக்கையை வெளியிட்டனர்.

விமர்சனத்திற்கு ஜி.வி. கொடுத்த பதில்

 குறித்த ஜோடிகள் வெளியிட்டுள்ள அறிக்கைக்கு எதிர்மறையான கருத்துக்கள் பல வந்துள்ள நிலையில் இதற்கு ஜி.வி.பிரகாஷ் பதில் அளித்துள்ளார்.

அதில், “புரிதலும், போதுமான விவரங்கள் இல்லாமலும் அனுமானத்தின் பேரில் இரு மனங்கள் இணைவது, பிரிவது குறித்து பொதுவெளியில் விவாதிக்கப்படுவது துரதிஷ்டவசமானது.

பிரபலமான நபராக இருப்பதாலே ஒருவரின் தனிப்பட்ட வாழ்விற்குள் அத்துமீறி நுழைந்து தரம் தாழ்ந்த விமர்சனங்கள் வைப்பதும் ஏற்புடையதல்ல.

தங்களின் கற்பனைக்கு வார்த்தைகள் மூலம் வடிவம் கொடுத்து சமூக ஊடகங்களில் வெளிப்படுத்துவதால் அது "யாரோ ஒரு தனிநபரின் வாழ்க்கையை பாதிக்கும் என்பதை உணராத அளவுக்கு தமிழர் மாண்பு குறைந்து விட்டதா...?

இருவரும் பரஸ்பரம் ஒப்புக்கொண்டு பிரிந்ததன் பின்னணியையும், காரணங்களையும் என்னுடன் நெருங்கிய பழகிய நண்பர்கள், உறவினர்கள் நன்கறிவார்கள். அனைவரிடமும் கலந்தாலோசித்து பின்புதான் இருவரும் இந்த முடிவை மேற்கொண்டோம்.

pic.twitter.com/FI5pnEOblL

— G.V.Prakash Kumar (@gvprakash) May 15, 2024

எங்களை பிரபலங்களாக உருவாக்கிய உரிமையிலோ அல்லது என் தனிப்பட்ட வாழ்க்கை மீது தங்களுக்கு இருந்த பேரன்பின் வெளிப்பாடாகவோ தங்களின் ஆதங்கமான விமர்சனங்கள் இருந்தாலும் சம்பந்தப்பட்டவர்களின் மனதை அது மிகவும் காயப்படுத்துகிறது என்பதை உணர்த்தவே இதை பதிவிடுகிறேன்.

ஒவ்வொரு தனி மனிதரின் நியாயமான உணர்வுக்கும் மதிப்பளியுங்கள். தங்களின் பேரன்புக்கும் ஆதரவுக்கும் என் நெஞ்சார்ந்த நன்றி” என்று பதிவிட்டுள்ளார்.