அடிக்கடி ஏப்பம் வருவது புற்றுநோயின் அறிகுறியா? இதையும் புறக்கணிக்காதீங்க

அடிக்கடி ஏப்பம் வருவது முதல் இன்னும் பல அறிகுறிகள் தெரிந்தால் அவற்றை புறக்கணிக்க கூடாது. மீறி புறக்கணிப்பது கணைய புற்றுநோயின் பாதிப்பை அதிகமாக்கும்.

புற்றுநோய்

ஏப்பம் என்பது ஒரு பொதுவான விடயம். எல்லோருக்கம் ஏப்பம் வரும். பெரும்பாலான சந்தர்பங்களில் இது பாதிப்பு இல்லை என்றாலும் இது அடிக்கடி வந்தால் பிரச்சனை.

இந்த 5 அறிகுறிகள் இருக்கா? அப்போ உங்கள் கல்லீரல் பத்திரம்

அதாவது சாப்பிட்ட பிறகு அல்லது நீர் குடித்த ஏப்பம் வருவது சாதாரண விடயம். ஆனால் அது அடிக்கடி ஏற்பட்டால், அசௌகரியமாகவும் மற்ற அறிகுறிகளுடனும் சேர்ந்து வந்தால் வேறு நோயின் அறிகுறியாகவும் இருக்கலாம் என மருத்துவர்கள் கூறுகின்றனர்.

அடிக்கடி ஏப்பம் வருவது பற்றி மருத்துவர்கள் கூறுகையில், பல நேரங்களில் ஏப்பம் வந்தால் அது இரைப்பை அழற்சி மற்றும் அமில ரிஃப்ளக்ஸ் போன்ற நிலைமைகளால் ஏற்படலாம்.

ஆனால் இந்த ஏப்பமானது வலி மற்றும் வீக்கம் போன்ற பிற அறிகுறிகளுடன் உங்களுக்கு வருகிறது என்றால் அது கணைய புற்றநோயின் அறிகுறி எனப்படுகின்றது.

ஏப்பம் வர என்ன காரணம்?

நீங்கள் சாப்பிடும்போதோ அல்லது தண்ணீர் குடிக்கும் போதோ உங்கள் வயிற்றில் அதிகப்படியான காற்று உட்புகுந்து அது வாய் வழியாக வெளியேறுவதே ஏப்பம்.

அதற்கென்று சில பொதுவான காரணங்கள் உள்ளது,

• மிக வேகமாக சாப்பிடுதல்
• கார்பனேற்றப்பட்ட பானங்கள் மற்றும் கோலாக்கள்
• நாள் முழுவதும் சூயிங்கம் மெல்லுதல்
• அமில ரிஃப்ளக்ஸ்
• இரைப்பை அழற்சி
• அஜீரணம்

பெரும்பாலான நேரங்களில், அதிகப்படியான ஏப்பம் செரிமான பிரச்சனைகளுடன் தொடர்புடையதாக இருக்கலாம் என்றும், அது உயிருக்கு ஆபத்தான ஒன்றல்ல என்றும் மருத்துவர்கள் கூறுகிறார்கள்.

அடிக்கடி ஏப்பம் வந்தால் அது புற்றுநோயின் அறிகுறியாக இருக்குமா?

மாயோ கிளினிக்கின் கூற்றுப்படி ஏப்பம் அடிக்கடி வருவது புற்றுநோயின் அறிகுறி என்பது மிகவும் அரிது. அதன் படி பார்த்தால் அது குடல் புற்று நோயாக இருக்க வேண்டும்.

இது தவிர வயிற்றுப் புற்றுநோய், உணவுக்குழாய் புற்றுநோய் அல்லது கணைய புற்றுநோய் போன்றவையும் வரலாம்.  இது மிகவும் அரிதானது எல்லோருக்கும் இந்த அறிகுறி வராது என கூறப்படுகின்றது.

உங்களுக்கு ஏப்பம் வருவது புற்றுநோய்க்கான அறிகுறி என்று நீங்கள் சந்தேகப்பட்டால் ஏப்பம் வருவதுடன் கீழ் கொடுக்கப்பட்ட இந்த அறிகுறிகளும் வருகிறதா என கவனித்து பாருங்கள்.  

• தொடர்ந்து வீக்கம்
• விவரிக்கப்படாத எடை இழப்பு
• விழுங்குவதில் சிரமம்
• பசியின்மை
• இரத்த வாந்தி
• கருப்பு அல்லது தார் நிற மலம்
• தொடர்ந்து வயிற்று வலி
• ஒரு சிறிய உணவை சாப்பிட்ட பிறகும் வயிறு நிரம்பிய உணர்வு
• குமட்டல்
• வயிற்றில் வீக்கம் அல்லது திரவம் குவிதல்

ஏன் வயிற்று புற்றுநோய்க்கு ஏப்பம் காரணம்?

வயிற்றுப் புற்றுநோயானது சாதாரண உணவின் செரிமான செயல்பாட்டை பாதிக்கிறது. புற்றுநோயால் வயிற்றில் ஏற்படும் கட்டிகள் உணவை செரிமானமாக்குவதை தடுக்கலாம் அல்லது வயிற்றில் வீக்கம் ஏற்படுத்தலாம். இதனால் வாயு சேர்ந்து ஏப்பம் ஏற்படும் வாய்ப்பும் அதிகரிக்கும்.

அதேபோல், உணவுக்குழாய் புற்றுநோயானது நாம் உணவை விழுங்கும் போது செயல்பாட்டையும் பாதிக்கிறது. இதனால் வயிற்றில் அழுத்தம், காற்று சிக்கல் போன்ற உணர்வுகள் ஏற்பட்டு, அடிக்கடி ஏப்பம் வெளிவரும்.

எனவெ மேற்குறிப்பிட்ட அறிகுறிகளுடன் ஏப்பம் வருகிறது என்றால் நீங்கள் சாதாரணமாக இதை விடாமல் அது ஒரு மாதத்திற்கு மேல் இவை இருந்தால் மருத்துவரை நாடி சிகிச்சை பெற்று கொள்ளுங்கள்.

ஏப்பம் என்று சொன்னவுடன் சும்மா ஏப்பம் வருவது எல்லாம் புற்றுநோய் என நினைத்து பயப்பட தேவை இல்லை. மேற்குறிப்பிட்ட அறிகுறிகள் இருந்து மருத்துவரும் உறுதியளித்தால் மட்டுமே நீங்கள் மிகவும் கவனமாக இருக்க வேண்டும்.