மொறு மொறு சுவையில் முட்டை சமோசா...இவ்வளவு ஈசியா செய்யலாமா?

Healthy Food Recipes

By Nivetha Jul 18, 2022 10:36 PM GMT

Nivetha

Report

வீட்டில் இருக்கும் பொருட்களை வைத்தே மொறு மொறு சுவையில் முட்டை சமோசா செய்து விடலாம்.

எப்படி என்று தெரிந்து கொள்ளுங்கள்.

தேவையான பொருட்கள்

கோதுமை மாவு - 100 கிராம்
சின்ன வெங்காயம் - 50 கிராம்
முட்டை - 2 சீரகம் - 1/4 தேக்கரண்டி
கரம் மசாலாதூள் - அரை தேக்கரண்டி
மிளகாய் தூள் - கால் தேக்கரண்டி
எண்ணெய் - தேவையான அளவு
மிளகுத்தூள் - தேவையான அளவு
கொத்தமல்லி - சிறிதளவு
உப்பு - தேவையான அளவு

மொறு மொறு சுவையில் முட்டை சமோசா...இவ்வளவு ஈசியா செய்யலாமா? | Egg Samosa Recipe

செய்முறை

கோதுமை மாவில் இரண்டு ஸ்பூன் கடலை எண்ணெய் மற்றும் தேவையான உப்பு, தண்ணீர் சேர்த்து சப்பாத்தி மாவு பதத்தில் பிசைந்து ஈரத்துணியால் மூடி அரைமணி நேரம் வைத்திருக்கவும்.

கொத்தமல்லி, சின்ன வெங்காயத்தை பொடியாக நறுக்கி வைக்கவும்.

மொறு மொறு சுவையில் முட்டை சமோசா...இவ்வளவு ஈசியா செய்யலாமா? | Egg Samosa Recipe

சிறிதளவு கோதுமை மாவில் சிறிதளவு தண்ணீர் சேர்த்து கெட்டியாக பசைபோல் கலக்கிக் கொள்ளவும்.

வாணலியை அடுப்பில் வைத்து, நல்லெண்ணெய் ஊற்றி சூடானதும் சீரகம் சேர்த்து பொரிந்ததும் சின்ன வெங்காயத்தைச் சேர்த்து வதக்கவும்.

வெங்காயம் பாதி வதங்கியதும், மிளகுப்பொடி, கரம் மசாலா தூள், மிளகாய் தூள் போட்டு நன்றாக கிளறிய பின்னர் முட்டை உடைத்து ஊற்றி, அதனுடன் உப்பு சேர்த்து ஒருசேரக் கிளறவும். மசாலா பச்சை வாசனை போய் முட்டை நன்றாக வெந்து உதிரியாக வந்தவுடன் கொத்தமல்லி தழை தூவி இறக்கவும்.

மொறு மொறு சுவையில் முட்டை சமோசா...இவ்வளவு ஈசியா செய்யலாமா? | Egg Samosa Recipe

பிசைந்த சப்பாத்தி மாவினை, மிகவும் மெல்லிய சின்ன வட்ட சப்பாத்தியாக தேய்த்து முக்கோண வடிவில் செய்து நடுவில் முட்டை மசாலாவை வைத்து கோதுமை மாவு பசையினை வைத்து ஓரங்களை ஒட்டிக் கொள்ளவும்.

இவ்வாறாக எல்லாவற்றையும் செய்யவும். வாணலியை அடுப்பில் வைத்து, எண்ணெய் ஊற்றி காய்ந்ததும், சமோசாக்களைப் போட்டு பொன்னிறமாக பொரித்து எடுத்து பரிமாறவும்.

இப்போது சூப்பரான முட்டை சமோசா ரெடி.