தீபாவளியில் உங்கள் ராசிக்கு ஏற்ற பொருள் எது? செல்வம் பெருக இதை வாங்குங்கள்!

diwali rasi palanmesham to meenam : தீபாவளி என்பது செல்வம், வளம், மகிழ்ச்சி மற்றும் நலன்களைப் போற்றும் பண்டிகையாக விளங்குகிறது. வட இந்தியாவில் தீபாவளிக்கு முந்தைய நாளில் தன்தேரஸ் பண்டிகை கொண்டாடப்படுகிறது.

இது பொதுவாக ஐப்பசி அல்லது கார்த்திகை மாதத்தில் வரும் தேய்பிறை திரயோதசி திதியில் அனுசரிக்கப்படுகிறது.   தீபாவளி மற்றும் தன்தேரஸ் பண்டிகையின் போது தங்கம், வெள்ளி, புதிய பாத்திரங்கள், துடைப்பம் உள்ளிட்ட பொருட்களை வாங்குவது பாரம்பரிய வழக்கமாக இருந்து வருகிறது.

தலைமைப் பண்பும் கம்பீரமும் கொண்ட சிம்ம ராசியினரின் வாழ்நாள் பலன்கள்!

குறிப்பாக, இந்தப் பண்டிகை நாட்களில் அவரவர் ராசிக்கு ஏற்ற பொருட்களை வாங்குவது மகாலட்சுமியின் அருளைப் பெற்றுத் தருவதுடன், குடும்பத்தில் செல்வச் செழிப்பையும் மகிழ்ச்சியையும் பெருகச் செய்யும் என்பது ஐதீகமாக நம்பப்படுகிறது.

அந்த வகையில், இந்த ஆண்டு தீபாவளி பண்டிகையின்போது மேஷம் முதல் மீனம் வரையிலான 12 ராசிக்காரர்களும் தங்களது ராசிக்கு ஏற்றவாறு என்னென்ன பொருட்களை வாங்கலாம் என்பதைப் பற்றிய விரிவான விளக்கத்தை இந்த பதிவில் பார்க்கலாம்.

12 ராசி - வாங்க வேண்டிய மங்களகரமான பொருட்கள்

மேஷம் - மேஷ ராசியின் அதிபதி செவ்வாய். தைரியம், ஆற்றல் மற்றும் வீரத்தின் அடையாளமாக செவ்வாய் கருதப்படுகிறார். எனவே, மேஷ ராசியினர் தீபாவளி, தன்தேராஸ் நாட்களில் சிவப்பு நிறப் பொருட்கள், செப்புப் பாத்திரங்கள், தங்கம் அல்லது தானியங்கள் வாங்குவது மங்களகரமானதாக நம்பப்படுகிறது.

ரிஷபம் - ரிஷப ராசியின் அதிபதி சுக்கிரன். இவர் அழகு, வசதி மற்றும் செல்வச் செழிப்பைக் குறிக்கிறார். எனவே, இந்த ராசியினர் தீபாவளி, தன்தேராஸ் நாட்களில் வெள்ளி நாணயங்கள், ஆபரணங்கள், வெள்ளை நிறப் பொருட்கள் அல்லது கலை சார்ந்த பொருட்களை வாங்கலாம்.

மிதுனம் - மிதுன ராசியின் அதிபதி புதன். இந்த ராசியினர் தீபாவளி, தன்தேராஸ் நாட்களில் பச்சை நிறப் பொருட்கள், வெண்கலப் பொருட்கள், கல்விக்குத் தேவையான பொருட்கள் அல்லது எழுதுபொருட்களை வாங்குவது மங்களகரமானதாகக் கருதப்படுகிறது.

கடகம் - கடக ராசியின் அதிபதி சந்திரன். மன அமைதி மற்றும் உணர்வுகளுடன் தொடர்புடைய சந்திரனின் ஆதிக்கம் கொண்ட இந்த ராசியினர் வெள்ளி நாணயங்கள், முத்துக்கள், வெள்ளை நிறப் பொருட்கள் அல்லது எஃகுப் பாத்திரங்களை வாங்குவது மங்களகரமானதாக நம்பப்படுகிறது. இது வீட்டில் மகிழ்ச்சியையும் அமைதியையும் தரும் என்பது ஐதீகம்.

சிம்மம் - சிம்ம ராசியின் அதிபதி சூரியன். கௌரவம், தன்னம்பிக்கை மற்றும் ஆற்றலின் அடையாளமாக சூரியன் கருதப்படுகிறார். எனவே, இந்த ராசியினர் தீபாவளி, தன்தேராஸ் நாட்களில் தங்கம், செப்புப் பாத்திரங்கள், செப்புக் கலசம் அல்லது மஞ்சள் நிறப் பொருட்களை வாங்குவது சிறப்பானது.

கன்னி - கன்னி ராசியின் அதிபதி புதன். அறிவு மற்றும் புத்திசாலித்தனத்தைக் குறிக்கும் புதனின் ஆதிக்கம் கொண்ட இந்த ராசியினர் தீபாவளியன்று பச்சை நிறப் பொருட்கள், வெண்கலப் பாத்திரங்கள், புத்தகங்கள் அல்லது கல்விக்குத் தேவையான பொருட்களை வாங்குவது மங்களகரமானதாகக் கருதப்படுகிறது.

துலாம் - துலாம் ராசியின் அதிபதி சுக்கிரன். இவர் ஆடம்பரம், அழகு மற்றும் செல்வச் செழிப்பைக் குறிக்கிறார். எனவே, இந்த ராசியினர் தீபாவளியன்று வெள்ளி நாணயங்கள், வைர ஆபரணங்கள் அல்லது லட்சுமி தேவி, விநாயகர் சிலைகளை வாங்குவது மங்களகரமானதாக நம்பப்படுகிறது. இது வீட்டில் மகிழ்ச்சியையும் செழிப்பையும் அதிகரிக்கும் என்பது ஐதீகம்.

எண் கணிதம் கூறும் ரகசியம்: 35 வயதிற்குப் பிறகு இந்த தேதிகளில் பிறந்தவர்களுக்கு ராஜவாழ்க்கை!

விருச்சிகம் - விருச்சிக ராசியின் அதிபதி செவ்வாய். இந்த ராசியினர் தீபாவளியன்று செப்புப் பாத்திரங்கள், வழிபாட்டுப் பொருட்கள் அல்லது குபேர யந்திரம் வாங்குவது சிறப்பானதாகக் கருதப்படுகிறது. இவை வீட்டில் நேர்மறை ஆற்றலையும் செல்வ வளத்தையும் அதிகரிக்கும் என்பது நம்பிக்கை.

தனுசு - தனுசு ராசியின் அதிபதி குரு பகவான். அறிவு, தர்மம் மற்றும் நற்பேற்றின் அடையாளமாக இவர் கருதப்படுகிறார். இந்த ராசியினர் தீபாவளியன்று பித்தளைப் பாத்திரங்கள், பூஜை விளக்குகள் அல்லது தங்க நாணயங்கள் வாங்குவது மங்களகரமானது. பூஜை அறைக்குத் தேவையான புதிய பொருட்களையும் வாங்கலாம்.

மகரம் - மகர ராசியின் அதிபதி சனி பகவான். இந்த ராசியினர் தீபாவளியன்று புதிய துடைப்பம், எஃகுப் பாத்திரங்கள் அல்லது அன்றாடத் தேவைக்கான பொருட்களை வாங்குவது மங்களகரமானதாகக் கருதப்படுகிறது. இது வீட்டில் நிதி நிலை மேம்பட உதவும் என்பது நம்பிக்கை.

கும்பம் - கும்ப ராசியின் அதிபதியும் சனி பகவான்தான். இந்த ராசியினர் தீபாவளியன்று பூஜைப் பொருட்கள், புதிய துடைப்பம், ஸ்ரீ யந்திரம் அல்லது குபேர யந்திரம் வாங்கலாம். இவை வீட்டில் மகிழ்ச்சி, செழிப்பு மற்றும் நேர்மறை ஆற்றலைக் கொண்டுவரும் என்பது ஐதீகம்.

மீனம் - மீன ராசியின் அதிபதி குரு பகவான். அறிவு, கல்வி, செல்வம் மற்றும் நற்பேற்றின் அடையாளமாக இவர் கருதப்படுகிறார். இந்த ராசியினர் தீபாவளியன்று தனியா வாங்குவதும், லட்சுமி தேவி மற்றும் விநாயகர் சிலைகளை வாங்குவதும் மங்களகரமானதாக நம்பப்படுகிறது. இதனால் வீட்டில் செல்வமும் செழிப்பும் பெருகும் என்பது ஐதீகம்.

இங்கு குறிப்பிடப்பட்டுள்ள தகவல்கள் அனைத்தும் பல்வேறு ஊடகங்கள் / ஜோதிடர்கள் / பஞ்சாங்கங்கள் / நம்பிக்கைகள் / ஆன்மீக நூல்கள் ஆகியவற்றில் இருந்து சேகரிக்கப்பட்டவையாகும். எங்கள் நோக்கம் தகவல்களை வழங்குவது மாத்திரமே. (மனிதன் தளம் இதற்கு பொறுப்பேற்காது).