பிக்பாஸ் டைட்டில் வின்னருக்கு பரிசுத் தொகை எவ்வளவு தெரியுமா: மொத்தப் பணத்தையும் தட்டித் தூக்கப்போவது யார்?

பிக்பாஸ் நிகழ்ச்சியின் இறுதி நாள் இன்று. டைட்டில் வின்னர் யார் என்ற கேள்வியுடன் பரிசுத் தொகையும் வெளியாகியுள்ளது.

பிக்பாஸ் சீசன் 6

பிக்பாஸ் சீசன் 6 நிகழ்ச்சி 100 நாட்களைக் கடந்து இன்றைய தினம் முடிவுக்கு வரவுள்ளது. கடந்த ஒக்டோபர் மாதம் 9ஆம் திகதி 21 போட்டியாளர்களுடன் ஆரம்பிக்கப்பட்டது.

ஆரம்பத்தில் 20 போட்டியாளர்களுடன் ஆரம்பித்து சில நாட்கள் கழித்து வைல்ட் கார்ட் என்ட்ரியாக மைனா நந்தினி வீட்டிற்குள் நுழைந்தார்.

அவ்வாறே மக்களின் வாக்குகளின் அடிப்படையில் ஒவ்வொரு வாரமும் ஒவ்வொரு போட்டியாளர்கள் குறைவான வாக்குகளைப் பெற்று வெளியேறினார்கள்.

இத்தனை நாட்களும் பிக்பாஸ் வீட்டில் சண்டை, சச்சரவு, பாசம், நகைச்சுவை காதல் என பல உணர்ச்சிகளை போட்டியாளர்கள் வெளிப்படுத்தி பார்ப்பவர்களுக்கு சலிப்பை ஏற்படுத்தாமல் கொண்டுசென்றார்கள்.

யார் டைட்டில் வின்னர்?

இப்போட்டில் ஆரம்பத்தில் இருந்து பல போட்டியாளர்கள் இருந்தாலும், மக்களின் கணிப்பின் படி இவர்கள் தான் இறுதிவரை தொடர்வார்கள் என ஒரு எண்ணப்பாடு இருந்தது. அவ்வாறு இறுதிவரை 6 போட்டியாளர்கள் வந்தார்கள்.

அதில் கதிரவன் பணமூட்டையை எடுத்துக் கொண்டு வெளியேறினார். பின்னர் அமுதவாணனும் பணப்பெட்டியை எடுத்துக் கொண்டு வெளியேறியிருந்தார்.

இறுதியில் நால்வர் மட்டுமே இறுதி கட்டத்திற்கு செல்வார்கள் என எதிர்பார்த்த மக்களுக்கு ட்டுவிஸ் வைத்தார் பிக்பாஸ். இறுதி எவிக்ஷன் என சொல்லி இரவோடு இரவாக மைனா நந்தினியையும் வெளியேற்றியிருந்தார்.

வழமையாக நால்வருடன் மட்டும் செல்லும் இறுதி நிகழ்ச்சிக்கு இந்த சீசன் மூன்று பேர் மாத்திரம் உள்ளனர். அதில் தற்போது பிக்பாஸ் வீட்டில் அஸிம், விக்ரமன், ஷிவின் ஆகிய மூவர் மட்டுமே உள்ளனர்.

பரிசுத் தொகை எவ்வளவு?

பிக்பாஸ் தமிழ் 6 வெற்றியாளருக்கு 50 லட்சம் ரூபா பரிசு வழங்கப்படும் என தகவல்கள் தெரிவிக்கின்றன. இதில் கதிரவன் ஏற்கனவே பணப்பை டாஸ்க்கில் எடுத்ததால் 3 லட்சம் ரூபாய் பிடித்தம் செய்யப்படும்.

13 லட்சம் மதிப்புள்ள பிரீஃப்கேஸுடன் பிக் பாஸ் வீட்டில் இருந்து அமுதவாணன் வெளியேறியதால் அந்தப் பணமும் கழிக்கப்பட்டு, வெற்றியாளருக்கு கோப்பையுடன் சேர்த்து ரூ.34 லட்சமும் கிடைக்கும் என்று கூறப்பட்டு வருகிறது.

இந்நிலையில் இந்த பிக்பாஸ் சீசன் 6 வெற்றியாளர் யார் என்பது இன்று தெரியவரும் நிலையில் அதற்கு மக்கள் அனைவரும் பெரும் எதிர்பார்ப்புடன் காத்திருக்கிறார்கள்.